2003 年 06 月 10日 【雨】
今朝好早起左身 8:30 am 就醒左, 但係見出面落狗屎喎, 閃電行雷(閃電一定會快過行電)~ 咁唔想濕得咁犀利, 咪訓多陣先, 諗住無咁大雨先出去啦, 點知一訓就訓到 10:30am, 咁就拿拿聲, 洗個白白就出門口, 番學啦~ 咁琴晚執好晒個袋, 所以就可以好玩咁出到門口啦~
番到學校, 一口氣上左六層樓舊神父宿舍練 Oral, 練到咁上下時間, 諗住都仲有時間, 打俾阿斌, 諗住上佢屋企坐下, 點知留係學校吹多兩句水, 咁就夠鐘咁滯, 咁就改變行程, 係佢屋企留人等佢, 一齊去莉萊食飯~
去到莉萊, 叫左三個位~ 咁話先到先等, 袁永又未到, 咪坐住等佢 lor~ 等下又等, 兩個幾字, 就打俾佢, 打去佢屋企... 頂~ 條友仔就訓梗覺喎, 二話不說就收佢線咁滯~ 真係我最憎人放我飛機, 仲有無聲個隻喎, 有個電話都好呀~ 上次都算數, 咁岩無電話, 打唔到俾我, 咁今次呢? 我約實左你, 我話埋你知我電話壞左架啦... 哈~ 咁你都放飛機, 明顯係你錯... 無得原諒... 呢啖氣真係要過好耐先消到... 阿斌借左部 Sony J5 俾我用, 長就長d , 不過都係一個星期姐~ 用住先啦~
之後我就番學校, 阿斌就歸家, 溫 Oral~ 嘩~ 今日開會真係開死人, 兩個鐘, 不停直落係咁講, Go through 個日既 Run Down and Details... 開到 3:30pm~ 之後就去左美麗華視察場地, Miss Ip 加九個學生, 嘩~ 好型~ Miss Ip 好有大家姐 Feel~ 去到美麗華, 咁有d 野要 Go through 左先~ 咁就同埋美麗華個 Staff 傾番, 咁有d 好 Detail 既野喎, 個 Staff 小姐就問左 Miss , 但係 Miss 就要問番我地, 咁個位 Staff 小姐就唔知點解成日都望住我, 好似以為我係阿頭咁, 咁我係著得搶眼d , 又唔太三尖八角姐, 都唔駛下下望我架... 我死架...
And Then 我地咁多個人係帶領之下搭"車立"上去搞 Function 個層~ 去左睇我地 Grad. Din. 個 Hall~ Woo... 勁大~ 風景又靚喎~ 正~
睇完晒之後, 分道揚鑣~ 我同 Cherman, 譚偉杰, 傻輝, 去老 Mac 探包拯班, 點知唔見人喎, 咁我都就走啦~ 之後就番屋企... 又玩電腦... And 勁約人 BBQ and Confirm d 人做 Receptionist ~