2003 年 06 月 11日 【雨】
今朝好早起左身, 又洗白白~ 洗完白白, 咁差不多 11 點, 佢仲未打電話俾我, 咁我諗可能今朝佢 Daddy 係度, 所以唔方便打俾我啦... 咁諗住睇下電視啦, 又無乜好睇喎, 咁想番學校練 Oral , 又過左時間喎~ 咁咪係屋企 Hae 下先 lor~ 下晝睇天氣先出街~
之後就開左機打... 打到唔知時間, 本來約左 Tiffany 成班人 2:30pm 上佢屋企玩, 打麻雀~ 但係唔知時間喎, 淨係通知左 Tiffany 可能唔上去(有交有帶既), 阿斌又係同我一樣喎... 之後阿斌打黎, 問我上唔上, 咁我地咪約左 3pm 上去 lor~
上到去, 佢地係度彈琴, 咁阿斌就食梗老 Mac, 我就坐係度游手好閒... 阿斌食完, 我地就開始打牌, 今日我唔想打牌, 咁阿斌又食梗薯條喎~ 咁我就頂左第一鋪, 不過唔係我打既, 我出手, 阿斌出腦... 咁就食左鋪五蕃 lu~ 哈哈~
And then 打... 打... 打... 咁電話響, 我聽唔到, 因為部機唔係我, 所以唔慣, Miss 左一個 Call 喎, Check 返, 原來係老婆打黎, 打番電話俾佢, 無人聽喎... 咁不以為然啦, 隔左無幾耐, 佢打番俾我, 喊晒咁喎... 我唔知發生咩一回事喎... 之後我就入左 Tiffany 間房傾, 佢地就繼續癲... 我好耐心咁問佢咩事, 但係佢無開口, 可能仲未驚完, 原來佢俾人偷左把遮... 咁我安慰佢啦, 又繼續問得詳細d , 但係佢都唔講喎... 老婆~ 妳都唔肯講我知咩事, 咁我點幫到妳呢? 直到佢番左屋企就收線...
之後我個心都有d 野 up 住咁... 咁就繼續玩, 今次唔玩麻雀, 玩啤牌~ 我地玩話事啤... 哈哈~ 實在太激啦... 不過咩事就唔講啦, 亦都唔好問我, 總之笑到碌地, 起唔到身個種...
玩完又玩相機, 抽啤牌, 抽到 Pair 就要同個個人影情侶相喎... 最後個張, 三女一男... 我同阿斌到有份影~ 不過我影到好似做 Model 咁... 除左表情, 就任人魚肉, 任人擺~
玩到 7:30pm 就歸家, 今日有d 不尋常, 阿爸阿媽無打電話俾我喎~ 番到屋企先知原來阿爸阿媽都要加班, 咁... 咪落街食 lor~
夜晚, 睇番玩話事啤個時段 Video... 哈哈~ 笑死人啦, 頂唔順呀~ 黑色 Bra 唔通真係會誘惑d 既... 哈哈~ 笑到肚痛...
聽日我係極度 Busy... 上晝要 Oral Practice, 1:30pm 要搵 Miss Ip 拎番 Invitation Card Sample~ 之後要入上水搵老婆, 睇下佢有咩事~ 最後就要打電話俾報左名 BBQ 班同學, Confirm 星期五去唔去得成~ 如果有時間, 仲要寫好晒d Invitation Card , 星期五搵學校練 Oral 個時順便派埋喎... Give me more hand~