2003 年 06 月 14日 【雨】
唉~ 好耐都未見過太陽伯伯啦, 好掛住太陽伯伯呀~
今朝我好懶訓下, 聽到出面落到好大雨, 但係又好懶起身關窗喎, 咁諗住叫細佬去啦~ 死仔, 叫極都唔應喎, 咁我都唔理啦, 訓多陣先, 訓到 10 am 幾, 一起身, 見到窗口... 嘩~ 濕晒... ~ Shit~ 搵自己黎搞, 又要抹...
今日我同佢出街... 本來想睇戲, 睇衰鬼上帝, 點知去到岩岩開左 2 pm 場喎, 咁下一場 4 pm 喎, 咁本來計過數, 睇完都係 5:30 pm 姐, 佢又厭夜喎... 咁算啦~ 之後問佢去邊, 佢又話無意見喎, 佢又話要去圖書館先, 要搵本書喎, 咁咪陪佢去 lor, 去到搵唔到本書, 佢又有d 忟憎咁喎, 咁諗住唔睇衰鬼上帝, 睇六樓后座 or 咒怨啦, 但係都係得 4 pm 場 and 3:55 pm 場喎, 真係掃興~ 如果佢可以出夜d 街, 咁我就可以睇到是但一套啦... 而家咁搞, 到唔知要幾時先睇到 lu~
And Then 唔睇戲, 咁就去左 Delifrance 寫 Card~ 寫呀寫~ 佢幫我寫左信封面 and 一半 Card 呀~ 所以好快就搞掂左 lu~ 如果係我寫, 哈哈... d 字都唔知點見人... 寫完 Card Card, 佢又話要去 Muji And 宜家傢俬喎~ 咁咪去 lor~ 反正唔睇戲, 仲有大把時間... 買完野... 都係 4:30 pm, 好鬼早, 咁佢見我有d 眼訓喎, 但係又唔知有咩好做喎, 咁咪話送佢番屋企 lor~ 去到大學站, 佢話要去大埔墟出一出喎, 要上舅父屋企拎野喎, 咁咪陪佢 lor~
出左去, 要轉巴士, 落左車, 咁我就係留下商場行住等佢... 去左大眾書局~ 睇下書咁... 唔~ Patrick 我終於都識點 install WinXp 啦~ 哈哈~
等左我差不多成半個鐘... 悶到我死... 佢都終於有電話到... 我亦都打左俾媽咪話唔食飯, 因為媽咪上左婆婆屋企, 得我同阿爸 and 細佬喎, 咁我就更加唔想同佢兩個食~ 送左佢番屋企, 我就自己一個人番出去九龍~
唔知點解覺得自己好 lonely... 打俾阿斌, 諗住搵佢陪我食飯啦, 佢就話同自修室識既女仔慶祝生日, 成班人 BBQ~ 唉~ 咁唯有一個人食啦... 搭火車出到去新世紀... 一個人係度逛, 係新世紀搵野食... 但係都無結果, 因為個度食飯既, 都係一 Pair Pair 咁, 自己就一條友... 所以最後都落左去彌敦道個間老 M... 唉~ 坐我隔離, 又係一 Pair... 我越眼冤, 佢地就越痴纏...
飽飽, 打左俾 Doris, 問叫食唔食糖水, 因為我唔想咁早番屋企... 所以我就由太子, 行左去長沙灣松記食糖水... Doris 佢岩岩同條仔分左手, 但係估唔到佢今日無乜野, 好堅強咁... 可能係強顏歡笑, 背人愁啦~ Just Like me~
傾左差不多一個鐘, 因為人多, 所以走左~ 我由揀左行路番屋企... 番屋企同阿 Sa 媽傾左今日發生既事... 最後差不多 2 am 先訓覺~