2003 年 06 月 18日 【晴】
今朝訓到 11:30 am 先起身, 因為真係好辛苦... 做野做到我好"支力", 如果今朝唔係貓仔打電話黎, 真係無 12 點都唔起身...
今朝貓仔打電話喎, 佢話仲未可以俾到份稿我喎... 我頂你~ 有無搞錯呀, 咁做野架... 佢話可以交俾d 女仔, 再轉交俾我喎, 咁我咪話約 12:30pm 係保安道圖書館門口等啦... 隔左無幾耐, 貓仔又打電話黎, 佢話而家係中環, 唔知點好... 我又頂... 你應承左人就要做架啦, 火滾~ 之後我話出中環拎 lor~
之後就拿拿臨咁換左學校, 飛出中環... 搭對去 TST, 打俾佢... 哈~ 貓仔話佢係銅鑼灣... 仆街... 我約你係中環, 你而家就落左銅鑼灣... 係唔係路呀? 好彩我係 TST 打電話俾你姐, 如果唔係就直落中環, 無去金鐘轉車... 咁去到, 打電話俾佢, 我上緊黎啦, 係 A 出口, 佢就唔知走左去邊喎, 上到去 Time Square, 佢打黎問我係邊, 我話 A 出口, Time Square 門口呀... 佢就死左落地鐵站, 真係激死~ 拎左份稿都己經 12:45pm~ 但係約左 German 1pm 係學校 Canteen 等, 傾下份 Farewell Speech ~ 而家得 15 mins ... 實遲到... 唉~ 我最後用左一個鐘頭十五分鐘, 由屋企出左銅鑼灣, 左過長沙灣, 仲未包括食飯...
番到去, 佢地人齊晒, 真係唔好意思~ 之後一路傾, 周昭明都有落黎, 除左講聽日 Grad. Din d 野之外, 仲問下星下星期玩d 咩, 講下份 Farewell Speech 我應該點寫好... 傾到 2:30pm 就同 German 去左食 Lunch, 之後又番去傾, 傾左一陣, 就上左 Art Room 傾... 因為有冷氣嘆~ 傾到 4:30 pm , 都傾得七七八八, 我就走左人, 出學校門口個時, 阿斌打電話黎, 問我係邊, 佢話佢係西九龍, 咁岩我都想去 G2000 睇下有無衫買, 咁咪過左去番佢, 點知西九龍無 G2000, 所以行左一陣就走左~ 佢上左我屋企, 幫我襯下d 衫, 又打下機咁~ |
 |
食飽飽飯, 沖左涼, 就叫媽咪幫我染髮, 哈~ 正~ 染左啡色, 我覺得染得幾好啦... 唔知你地覺得點呢?
夜晚, 阿 Sa 媽同我傾計, 佢教左我聽日點係沙田第一城, 搭巴士出去 TST ~