2003 年 06 月 19日 【晴】
琴晚我 1 am 訓, 但係我 5 am 先訓到覺, 因為我記得我 4:30 am 仲去左次厠所~
今朝我 10 am 就起左身, 因為肚痛要去厠所... 今朝佢無打電話俾我... 起左身, 無野好做, 打左陣機...
打到差不多, 諗住問 Tiffany 借腳架, 所以落左街 Lunch~ 今日無日陪我 Lunch, 所以打左個電話俾阿斌... 佢同佢媽咪一齊係深水埔, 咁我咪落左去搵佢陪我 Lunch lor~ 我同阿斌, 仲有佢媽咪去左西九龍食野, 食上海野... 難食到嘔...
之後 Tiffany 打電話黎, 問我係邊度, 咁我就叫左佢去西九龍搵我地, 之後阿斌個媽咪就要做野, 所以走先~ 我同阿斌, 仲有 Tiffany 就去搭 2A 出旺角, 我就轉火車入火炭, Tiiffany 就去買禮物, 阿斌就陪佢~
我搭火車入火炭... 本身已經遲到, 加上我唔識路, 就再遲多少少~ 見到佢, 哈哈~ 佢今日同我調轉左衫著咁, 佢著左見淺藍色間條既 Polo Shirt, 我就著左見粉紅色既 Polo Shirt~ 真係好似調轉衫著咁... 佢今日考 Oral, 我陪佢去個試場, 但係我要 5:30 pm 出到 TST 美麗華酒店, 所以我等佢等到 4:55 pm 就走左, 走個時, 佢都未考完~ 我係第一城個度搭 281 A , 哈哈~ 係阿 Sa 媽教我搭既, 但係呢我唔知係邊個方向喎, 所以就打左個電話問佢... 哈哈~ 好彩最後都無搭錯車~
搭到去 TST , 已經遲到... 咁就要急步行... 上到去... 見到肥黎, 偉鋒, 嘉維, 甄浚, 仲有肥軒坐左係 Reception Counter 度, 仲要個個都著西褲, 裇衫打埋 Tie , 仲著得隆重過我~ 我去度, 就拿拿臨坐左去 Reception Counter, 準備好晒d 野~ 等 6:15 pm d 人入場... 之後, 我俾人叫左去同 5D 班d 人傾 Farewell Speech, 所以就交低左d 工作俾佢地幾個...
之後我就去左新娘房 (後台) 搵 5D 班 Farewell Speech 既代表, 傾呀傾... 真係火都滾... 貓仔... 你做過幾多野呀? Grad. Dinner d 野你唔駛搞, 咁叫你幫我寫份稿, 你就琴日先俾到我, 仲要係我特登過海去銅鑼灣問你拎, 但係你個份稿, 係咩黎呀? 唔好話我自己中文差睇唔明, 就連琴日俾 5D 班d 人睇, 俾周 Sir 睇都唔知係咩黎, 簡真係垃圾, 而家我寫過篇新好正常姐~ 哈哈... 本來都唔諗住俾你上台講野, 見你咁想講, 咪俾你上埋台講 lor, 俾你睇份稿黎講, 仲要係度彈三彈四, 又話寫得唔好, 又話應該寫d 乜乜物物, 你做過幾多野呀? 你有同我傾過番稿呀? 我日日番學校開會咁滯, 你呢? 做過咩呀? 你寫唔掂份稿你咪出聲 lor, 我無挽強你去寫喎, 我最多搵過第二個姐, 中文好過你既人大有人在, 我絕對唔希罕你個份咁既垃圾稿~ 呢d 都算數, 而家都就上台講野, 你又話要改乜改物咁... 邊有時間呀? 我就搞 Grad. Dinner d 野辛苦到癲, 一個人揹起晒成班d 野, 仲要寫埋稿上台講野添~ 而家你一聲唔該, 就話要上台講喎, 仲要麻麻煩煩咁, 你食屎啦~ 由上台前對稿, 鬧到上台 Speech 個時, 到 Speech 完落台你都仲鬧, 咁撚叻, 你自己一個人講晒 lor~ 我最憎d 人無出過力, 又要分享到勞動既成果, 真係鬼唔望你出年番唔到入黎長天, 食撚屎啦~ 我而家好撚興呀~ 唔撚寫呀~ 左起: 貓仔 (仆街), 我, 周先生, 性奴~ |
 |
 |
 |
Speech 完, 落台行左去老師席, 周 Sir 同 Bio Ip 都有讚我, 就係咁, 我個心先安樂番d ~ 但係我本來有得坐工作人員"木台"但係就 Full 左, 所以我番左自己班d 位度坐, 之後就食呀, 傾下計, 食呀, 玩呀咁... Bio Ip 仲串我, 點解近排咁少見到我地去沙田既... 哈哈~ 我係超無奈~ 之後我仲玩左以訛傳訛呢個 Game 添~ 哈哈~未玩之前, 我搵左司儀之一既肥狗, 拎左份稿睇, 哈~ 都略略記到d Point 既~ 不過中途發生左d 事情, 林子祥事件~ 馬翃做左林子祥, 係台與佈景板中間既虛位, 跌左落去, 當場瘀爆~ |
謝師宴完左, 我地成班人去左尖咀海旁飲酒, 成班廿幾人圍圈傾計, 又玩 Ture or Dare~ 又撩一班唔識既人玩喎, 幾正~ 成班人好似飲醉左酒咁, 特別係我, 好想借醉忘憂, 因為搞完個謝師宴, 我已經"支力"得要死, 仲要俾人咁鬧法, 真係好辛苦~ 貓仔咁對我, 我個心真係好酸, 已經做左咁多野, 仲要俾人一聲唔該, 拎左我既成果, 個一刻, 真係勁唔開心, 有d 挫敗咁, 亦都好想喊出黎, 因為我好"支力"無人幫到咁, 好想打電話俾佢, 聽下佢把聲 and 安慰我, 但係無奈係我唔可以夜晚打電話俾佢... 之後走下走下, 得番八個人, 但係又成 1 am 幾喎, 所以就由尖咀, 行左去尖東, 行上旺角, 我就係呢度同佢地分手, 因為屋企個邊比較靜, 所以我搭的士走, 佢地咁多個都係住長沙灣, 所以就成班人一齊行~ |
 |
