睇戲~

2003 年 06 月 20日　【晴】

琴晚玩完番屋企, 都 2 am , 之後沖涼, 成 2:45 am 先訓覺~

訓到 12 點, 阿斌打黎叫我起身, 因為佢約左我, 仲有 Tiffany and Heidi 睇戲, 其實阿斌本來淨係約 Heidi 一個架咋, 不過 Heidi 又話人少, 好寡, 所以我就俾拖埋落水... 阿斌叫醒左我, 我仲對張床依依不捨, 但係又約左佢地 1pm, 係奧海城等, 咁無辦法之下唯有起身~ 擦完牙, 洗完面, 我將琴日影既相, 放左入電腦先, 因為要借部相機俾阿斌佢去韓國旅行個時用~

搞掂晒d 野, 時間都岩岩好, 出門口~ 但係我唔記得搭咩巴士喎, 所以就打左個電話俾媽咪先~ 去到奧海城, 時間岩岩好~ 一落車, Heidi 就打電話, 問我邊等喎, 我都係被約者, 唔係好知架喎~ 哈哈~

之後我地人齊就去左買飛 and 食 Lunch~ 我地今日睇"衰鬼上帝"~ 套野無預期咁好睇, 亦都唔係話太多笑料咁~ 不過睇下都無所謂既~ 睇完戲, 我打番電話俾佢, 嘻嘻~ 我都好掛住佢呀~ 不過佢聽日約左人, 唔係既話我實會約佢, 因為我心情真係有d 麻麻咁, 好想見到佢, 我又想約佢睇六樓後座喎~ 之後就行左奧海城二期一陣~ 我仲同 Heidi 玩水, 因為咁岩有個淋花既噴水壺, 咁我就用個個噴水壺噴佢, 哈哈~ 噴到佢個袋濕左, 仲俾我串佢話"加拿大"流汗, 夾左個袋既時候整濕左~ 哈哈~ 笑死我~

之後就各位歸家~ 番到屋企, 我就"支力"到訓左覺, 6 pm 一訓就訓到 8 pm ~ 不過都仲係有少少頭痛~

PS. 今日睇戲個時, Tiffany 唔開心咁, 唔知佢咩事呢?