2003 年 06 月 22日 【雨】
今日同左屋企人去左飲茶~ 因為我有既係時間, 呢句已經成為左我既口頭禪~
飲完茶, 袁永約左我 2pm , 但係我見時間仲早, 所以叫左佢早d 出黎~ 但係時間都仲有好多, 所以我就用左大半個鐘時間, 由長沙灣慢步行去旺角... 真係好充實... 哈哈~
袁永知道左我d 脾性, 所以近幾次出街都無遲到, 今次都唔例外~ 我地首先去左 Esprit 行, 佢好快就買左件黑色長袖裇衫, 中間梗係俾我串下咁啦, 哈哈~ 之後去過邊, 我都唔係好記得 lu~ 淨係記得我買左兩本書, 傲慢與偏見 & Harry Potter and the Goblet of Fire , 老婆仔仲有打電話俾我, 我仲約左佢星期二上我屋企玩煮飯仔添呀~ 哈哈~ 好開心呀...
之後我就行左上新世紀, 搭巴士 59X 入屯門, 去舅父仔屋企~ 上到去, 唔知點解三潼(彤)不嬲都好驚我架喎, 今次都係咁~ 不過呢, 我呢個表哥就呢左粒糖糖出黎"乙水"佢... 無幾耐姐, 我就撩下佢玩咁... 玩玩下就咁熟左 lu~ 最後仲調番轉, 佢撩我玩添~
哈哈~ 原來我"乙水"細路都有一手架喎~