2003 年 06 月 24+25 日 【晴】
今朝我好知醒 10 am 就起左身, 沖牙洗面一心係到等電話, 等左 15 mins 睇下電視又聽下收音機咁, 之後就索性開左 PS2 邊打邊等仲兼聽埋收音機添, 不過仲係差d 野咁, 就係未食早餐, 算啦~ 反正一陣又好野食, 餓下個肚, 一陣可以食多d ~ 等到差不多 10:45 am , 佢打電話俾我, 佢一出聲就問我訓醒未, 佢話佢已經搭緊火車去到火炭站 lu~ 咁我就開始準備, 換衫整頭, 一陣佢去到大圍我就出門口去接佢~
出到去, 佢已經到左 lu~ 老婆佢今日又同我調轉左衫著, 我著左粉紅色 Polo , 佢就著左淺藍色間條 Polo , 明顯係佢搶我見衫著啦, 哈哈~ 一邊傾一邊行, 我地落左街巿買餸, 十足十d 師奶咁, 揀三揀四, 又話呢隻青椒唔好, 又話唔好係呢間買咁, 哈哈~ 不過算啦, 反正係我食既, 揀靚d 好~ 我地買齊晒野, 青椒, 洋蔥, 排骨, 罐頭波蘿~ 一睇到知道今日煮d 咩啦~
買晒野就番屋企, 煮飯仔~ 老婆仔佢... 下省百字, 因為對煮餸呢d 過程我係完全一個門外漢, 所以我淨係佢係佢身邊睇住佢整, 之於點寫番出黎呢d 任務呢... 都係由番佢講好d 既~ 煮好晒餸, d 飯都煲熟左 lu~ YEAH~ 有飯食~ 哈哈~ d 飯都 OK 既, 水多左d 咁, 搞到d 飯好淋, 但係d 水係我落架, 明顯係我既錯 lor~ 之於個餸, 生炒排骨, 同出面既風味, 與煮外有d 唔同, 唔係唔好食, 不過呢, 我食開個d 排骨都有蛋漿炸過先, 唔知點解老婆仔既煮法有d 唔同, 而且我係佢手邊, 可能佢緊張, 怕失禮於我面前, 而且呢度唔係佢屋企, 所以唔慣, 所以d 餸先有少少失左水準姐~ 不過我都會同佢食得幾多得幾多既, 廢事浪費左佢既心機 And 時間啦~
食過一餐特別 Lunch , 搞完一輪野, 洗番d 碗, 玩下電腦, 之後我地就出左去睇戲, 六樓后座~ 我地今日落左去奧海城二期睇戲, 因為平d 人少d And 最重要係冷氣夠, 唔怕行到流晒汗咁~ 去到奧海城就先去左百佬匯買左飛先, 我地睇 4:05 pm 場, 但係買完飛都係 3 pm 幾, 所以就係奧海城行左陣街~ 我見佢要買衫去 Grad. Dinner, 所以就陪左佢去睇下d 半身裙 & 連身裙, 仲叫佢睇埋就試下身, 因為有我在場, 可以俾到d 意見嗎, 但係最後都睇唔岩, 佢試左d 半身裙, 但係都顯得佢個羅好勁, 好凸咁, 所以佢都決定左唔買半身裙~ 之後我地行左百佳超級廣場, 無無聊聊咁行左個白鴿轉, 買左支檸蜜綠茶就走左~
之後時間差不多, 就去左戲院隔離個間 Book Store 行下, 見到 Harry Potter 第五集英文版... 好厚呀~ 但係又有d 衝動想買喎, 不過又係英文喎, 屋企仲有... 3, 4 本書未睇晒喎, 所以都係無買到~ 之後係個度睇下書, 又揭下書咁, 係度等 10 mins 既過去~ 10 mins 好快就過左, 入場 lu~
我地今日睇六樓后座, 哈哈~ 我覺得好好睇呀, 好好笑~ 見到老婆佢都笑到 kakaka 聲~
睇完戲, 差不多 6 pm, 又係時候要送老婆番屋企 lu~ 我地行番去奧海城第一期巴士總站搭巴士 87 B 走人, 之後係大圍站轉火車番上水, 不過... 唉~ 搭 87B 去到大圍火車站, 但係個度變晒樣, 完全唔識路呀, 有d 迷路既 Feel , 不過好彩我醒目, 又有路標, 所以最後兜左個圈都搵得番個火車站~ 送到老婆番上水都 7:30 pm lu~ 同佢 Sweet Sweet 左一陣, 最後 8:30 pm 佢先番到屋企~
之後我就趕下一場 lu~ 我由上水出到去旺角新世紀, 再轉紅色青山道 Van 仔落長沙灣搵 Heidi ~ 但係我出到旺角已經 9:15 pm , Van 仔個小巴司機仲要係度係咁等人喎, 最憎架啦~ 等等等... 9:40 pm 先去到長沙灣, 仲要上去李鄭屋, 搵阿 Bo 個妹, 幫阿 Bo 拎條短褲入馬鞍山, 時間已經無乜, 仲要未食飯喎, 就拿拿臨去左老麥食左個巨無霸餐, 10 pm 準時等 Heidi ~ 但係等完 Heidi 仲要等多個 Friend, 就係阿斌個 Friend , 亦都識 Tiffany 既~ 咁我地係松記食糖水等佢, 本來話 10:30 pm , 但係佢就遲左成 10 mins, 所以最後亦都俾我地屈佢請食糖水, 仲唔止我地兩個, 仲有入左馬鞍山個 6 個喎~ 哈哈~ 不過佢好似 Edwin 蕭正楠~
之後我地三個一齊坐 86 C 入馬鞍山, 足足一個鐘頭車程, 入到去就 12 點正, Tiffany 佢地落左黎接我地, 所以我地就行快兩步, 趕住上去切蛋糕~ 食完蛋糕, 玩左一陣啤牌就去左洗白白, 洗完白白舒服晒~ 之後又玩左陣啤牌, 又睇異度空間, 睇睇下異度空間, 時間去到 2:30 am , 睡魔戰勝左一切, 所以我就拋低一切生命危險, 去訓覺~
PS. 老婆佢 send 左個 SMS 俾我呀... 唉~ 今次真係麻煩...