2003 年 06 月 25日 【晴】
今日呢篇日記, 其實係琴日既延續篇~
今朝我 2:30 am 訓左, 訓左差不多兩個鐘就醒左, 因為俾人吵醒, 兼且有人想偷怕我既睡照, 所以我 4 pm 幾就起左身~ 不過呢段時間先係戲玉, 我地有 8 個人玩 Truth or Dare~ 哈哈~ 玩到好激, 好多都模仿左六樓后座d 懲罰~ 哈哈~
玩完 Truth or Dare ~ d 人開始眼訓 lu~ 而且個天又開始光, d 人都去晒訓覺~ 得番 4 個人坐係廳度唔知做乜, 傾下計咁啦... 乜都傾下咁... 由 5 am 天光, 我地就係度無聊到 9 am 幾 10 am ... 間中又煮下野食呀, 我同 Edwin 又無聊得滯, 搵野做呀, 幫手執下屋呀, 兩個人玩鋤d 呀, come 眠胎呀, 又打下機咁... 相當之無聊~
差不多 11 am Tiffany 就叫左我幫佢手拎d 被單去磅洗, 阿 Bo 都有一齊, 因為廢事做電燈膽啦~ 番到上去, Edwin 已經訓左, 我又開始眼訓, 所以我就係 Sofa 度瞌左一陣... 覺d 如果日日都係呢d 生活, 個人會好頹廢下... 1 pm 我同阿 Bo 落左去拎番d 被單~
最後阿 Bo 要走先, 咁我都見差不多時候, 所以就同佢一齊走~ 係車上面, 我教佢點考 Oral 考得好, 因為佢今日要考嗎, 所以我俾左d 信心佢咁...
番到屋企 2 pm, 食左少少野, 沖左個涼, 就去訓覺 lu, 一訓就訓到 7 pm ~ 舒服到暈~
夜晚同平時一樣, 又係 ICQ + 吹水~ 今晚阿 May 搵我, 問左d 野, 亦都講左d 野... 聽完之後, 不禁心裡講一聲 SHIT~ 周 Sir 都約左我聽日 Lunch ~ 哈哈~ 好有面子~
夜晚阿斌落左機打黎八掛... 問下琴日d 野咁...