2003 年 06 月 26日 【晴】
今朝訓到 11 am 係唔情願之下起左身, 因為今日約左人食 Lunch~
係屋企搞完一輪野之後, 差不多 12 pm 起出門口, 岩岩好 12:15 pm 番到學校, 無遲到~ 今日周 Sir 約左我食 Lunch 喎~ 哈哈~ 好大面子呀~ 番到學校, 周 Sir 要執埋d 手尾先走得, 咁就係 Staff Room 出面等佢, 屈 Sir 又咁岩經過, 就同佢吹左一陣水咁, 佢問番 Grad. Dinner 個d 野咁啦~ 等左陣, 周 Sir 就走得, 咁就同屈 Sir Say Bye Bye 就行左 lu~
我同周 Sir 今日去左綠野仙踪食, 我今日唔係食日式牛肉飯啦, 因為都食到有d 厭, 所以就叫左個日式鰻魚飯, 因為都唔知食d 咩好~ 野飲方面就係藍梅奶茶~ 哈哈~ 我成日都會認為藍梅, 酸既溝左d 奶茶會點呢, 但係次次飲完都無事喎~ 唔知點解呢~
食飯既同時, 傾左暑假搞d 咩玩~ 宿營啦, BBQ 啦~ 哈哈~ 周 Sir 真係好貪玩架~ 又講番我同貓仔d 野咁...
今日係綠野仙踪好多老師, 計埋周 Sir 佢就已經有六個啦~ 除左一個唔知姓既新黎 Miss 之外, 其他我都識咁滯, 殺人王例牌加潘 Sir (即係Miss 潘倩盈, 人妖潘), 仲有Miss 張靜宜, Miss Lee And 不知姓新黎 Miss~
周 Sir 佢話要多謝我謝師宴咁幫手, 所以請我食飯, 講真都有d 唔好意思~ 食飽飽, 周 Sir 要過去 CityU 開會, 搭 2F 走左, 我就一個人, 度步行落地鐵站搭地鐵番屋企~
番到屋企, 無野做, 係度 hea~ 等袁永上黎借袋, 唉~ 條友d Taste 真係好唔得掂, 著西裝, 雖然係無西裝褸, 竟然走去揹袋喎, 仲要問我借袋添~ 真係... 難睇到死~ 之後就係屋企打機, ICQ, 吹水~ 咁就一日啦~
今晚唔見袁永, 唔見阿斌, 唔見 Doris... 原來佢地晒 Grad. Dinner~