2003 年 07 月 01日 【晴】
話咁快又到 7 月啦~ 呢個 7 月來得別較特別~
因為今日我決定要去遊行, 因為我係香港人, 廿三條絕對損害港人言論自由, 而且政府拖政混亂, 絕對有需要遊行而表達自己意見~
飲完茶之後, 佢地約左我係長沙灣地鐵站 1:30pm 等, 我好準時呀, 等佢地個時, 我見到好多人都著左黑色衫~ 等埋阿斌仲有 Doris 之後, 我地就出發啦~ 今日我地仲約埋 Boey And 雪喵~ 我約左佢兩個係天后地鐵站等...
去到 TST, 我地認為金鐘轉車係白痴既行為, 所以就搭到去中環, 再轉去上環轉車~ Boey 都有打黎, 佢又遲到啦, 所以我叫左佢係上環等我地... 雪喵都有打黎, 我叫佢係天后等我地, 但係唔好出閘... 不過咁就麻煩啦, 佢去到天后... 電話已經 Jam 晒線 lu~ 搵唔到佢, 唯有 Send SMS 啦... 唉~ 佢又無 re 我, 我都知咩事架啦, 但係人太多啦, 我地俾人逼左出去, 亦都見唔到雪喵, 所以我再 send SMS 叫佢番屋企, 因為人太多, 好混亂, 電話又打唔出喎, 所以大家唔好搵大家啦, 真係唔好意思... Sorry~
我地四個人, 我, 阿斌, Doris, Boey~ 就 3pm 幾出左天后站, 加入遊行隊伍~ 嘩~ 人多到... 我地行下, 企下, 等下... 差不多 5pm 先入到維園~ 6 pm 先離開維園出發... 我地沿住軒尼詩道, 金鐘道, 最後去到雪廠街終點~ 去到雪廠街, 已經 8:30 pm , 但係主辦單位先講遊行隊伍龍尾才剛剛去到銅鑼灣, 我心想今次參加遊行的人數絕對唔止 10 萬人... 主辦單位亦都有宣佈今日既遊行人數, 有 50 萬人之多~ 勁~ 亦都証明一件事, 香港人係值得為自己而驕傲~
之後我地四個人番左長沙灣, 去五十嵐食日本野~ 正呀, 好耐無食過魚生啦~ 嘩~ 正~
番到屋企睇新聞~ Yeah~ 新聞報到話遊行人數多達五十萬人呀~ 勁呀~
董伯伯, 葉劉淑儀, 看到了沒有? 看到香港人如此團結, 難道你們還要為基本法二十三條立法嗎? 我看還是不了~ 希望那些政府高官而此為鑒吧~ 你們大可以不理數十人的抗議, 但你們絕不能埋沒數十萬香港人的良心與團結~