Swim

2003 年 07 月 02日　【晴】

經過琴日辛勞的一役之後, 今朝我又成功訓到 1 pm ~ 訓醒都係睇下電視咁, 差不多 2 pm 先郁身, 落左屋企附近茶餐廳食 Lunch~

番到屋企, 無咩好做, 老豆又打電話黎, 催我出去拎番部電話, 又叫我幫細佬手整電腦喎~ 真係好煩, 即係我做野有分數 lor , 唔駛你成日都催三催四 lor ~

之後我... 唉~ 幫細佬手整左部電腦... Load 完 Window 畫面出現左句

Data error reading drive C
A bort, Retry, Ignore, Fail?

我知大事不妙架啦, 呢d 情況... 有得救, 但係我唔會咁有心機去慢慢整, 所以洗腦最簡單~ 亦都定左 5 pm 要出街, 所以我係整左一半就走左人~ 哈哈~

出左 MK 發生怪事~

我係 MK 出閘...
有個女仔... 廿幾歲, 靚女...
佢企埋一邊, 我唔知既...

咁我一出閘, 有人拍拍我手臂喎~

先生, 我係xxx 公司既xxx 我叫" 祖安娜" (順手係卡片套拎張卡片俾我)
我而家做梗一個 Project 呀~

咁我想搵一個拍檔既~
先生請問你咩職業架?

學生~

咁即係讀梗書啦, (廢話)

係呀~ 我中五架~

咁先生你幾多歲呀, 夠 20 歲未呢? (唔係掛? 睇我都唔似二十歲啦)

未夠喎...

多謝你先生, 之後就係我手上拎番張卡片, 放番入個卡片套度, 就擰轉頭喎...

我之後諗... 呢間九成都係某人寺黎架啦...

之後出到去百佬匯街, 眾所周知而家勁多調查, 我今次又成為補訪對象

先生阻你一陣, 我唔係做調查架, 我係一間餐廳................
先生平時多唔多出街食晚飯架...

(因為我做過無數次)
今次我答
無~

佢有d Surprise
晚飯喎... ?

無呀~

佢又問咁先生鐘唔鐘意食野架?

我好"掘雷鎚"咁答
唔鐘意

哈哈~
佢即係俾到既反應係好無奈
多謝你先生~
BYE BYE

哈哈~ 真係好好玩... 之後就做正經野, 上去拎電話... 我等左半個鐘先到我拎番部機~

拎完機就上左阿斌屋企 Hea, 因為仲未夠鐘 Swim... 咁又打下機咁... 最後我地兩個去左老 M Dinner 之後先去 swim~

今晚 Swim 有我, 阿斌, 仲有 Doris... 即係呢, 今日係我 F.3 暑假以來第一次 Swim , 但係我都仲記得點游~ 之後聽阿斌講, 原來 Doris 游水學到高階班... 有d 嚇人... 但係阿斌係唔識游, 差不多佢係睇住我地兩個游咁滯~

游完水, 好"支力" 所以就快快番屋企沖涼, 之後就電腦, icq ~