2003 年 07 月 03日 【晴】
琴晚發左一個夢... 都算係惡夢~ 我發夢已經係放榜日, 我親手係阿 sir 手上接過成績單, 我見到... 15 分... What's the hell... 即係我個心係沉晒... 達唔到我廿分既目標, 我係勁唔開心~ 個時我係成個人醒左, 之後起身睇下月曆, 好彩都仲係 7 月 3 ... 仲有一個月, 之後我就繼續訓覺, 今朝訓到 12 點...
起左身, 做左一陣掌上壓, 睇下電視, 又打陣機, 3:15 pm 出門口先去食 Lunch, 仲約左 4 pm 上 Tiffany 屋企幫佢手拎好多袋既禮物去酒店~ 差不多去到美乎, 阿斌打黎問我係邊, 原來我到個時先知阿斌都去幫手, 咁我就等埋阿斌一齊上去~
上到去, Tiffany 隻衰狗又係度吠, 嘈住晒咁... 我地兩個男仔坐係佢屋企個廳度玩狗, 等 Tiifany 出黎就走得人... 哈哈~ 今日 Tiffany 著得好靚, set 晒頭咁~ 即係我諗梗, 下星期到佢 Grad. Dinner 又係一番咩既境況呢, 天曉得~ 之後我地三個, 拎住加埋七袋既禮物就打的去鷹君酒店~ 做完阿四, 我就出旺角同媽咪會合, 行街~
今日收穫唔算太大咋...
夜晚我地去左五十嵐食飯~ 最後番到屋企又係玩電腦~
聽日可以見到佢, 但係我一d 開心既感覺都無...
PS. 心情欠佳~