2003 年 07 月 04日 【晴】
今日... 好唔開心...
今朝我訓到唔願醒, 但係我都極力逼自己起身, 因為今日約左佢食 Lunch~ 但係我預d 時間預得唔好, 比預期早, 所以我就去左中環轉去上環, 再係上環坐吉車去天后, 上去中央圖書館搵佢... 我 12:30 pm 去到, 就打左個電話俾佢, 噢~ 佢未有咁快走得, 所以我就一個人去左成人借閱室搵本書睇下, 我搵左本赤川次郎既推理小說睇, 睇左四十幾頁佢都未打電話黎, 本書又好開喎, 所以我就放番本書係原位, 之後就離開左中央圖書館, 係出面兜左個圈... 行下咁~
行左個圈, 我又番左上去圖書館, 我又打電話俾佢, 佢終於走得啦~ 太開心啦, 有得食飯啦... 餓到我傻~ 但係見到佢... 唔知點解種感覺好怪, 佢見到我, 佢都有問我係唔係唔開心, 我否認, 因為我認為自己唔係唔開心, 只不過係我一時憂慮姐~ 之後就同佢去左麥奀雲吞麵專家度食... 嘩~ 痴線... 貴到 PK , $23 一碗雲吞麵, $27 一碗水餃麵... 痴線... 兩碗加埋 $50 ... 貴到甩褲... 仲要細到 PK , 一碗又食唔飽, 叫多碗又太貴喎, 所以都無食到...
食完野, 咁我就送左佢番圖書館, 番去個時, 佢問我係唔係有野要同佢講... 但係我無勇氣, 所以就求其講左前晚發夢既事俾佢聽, 佢本來都有野想同我講, 但係佢見我唔講, 佢又無講到出口...
送左佢番圖書館, 我就搭 112 番長沙灣游水, 因為話晒自己地頭喎, 游水個時... 我一個人諗野... 諗呀諗... 成日都係個身沉係水, 上身就趴係左石邊度, 又曬下太陽咁... 最後我都諗通左... 亦都有左個決定~
番到屋企, 沖左個涼, 佢就打電話俾我... 佢番梗屋企, 可能無人陪, 所以打黎俾我同我傾下計~
傾左一陣, 佢番到屋企就收線... 我就繼續玩電腦...
食飽飽, 見佢 online... 本來諗住 N/A 唔理佢, 淨係同阿 Sa 媽傾計, 但係我諗多一陣, 我決定 online 同佢講清楚~
我問左佢一句:
你覺唔覺我地之間好似有d 野咁?
佢答番我... 之後就...
覺呀~
esp.係今日~
你認為我地之間有咩事?
我覺得你對我無feel lor~
我終於都同佢講分手啦...
事實如此~
我... 講真一句...
其實... 不如我地分手啦
哦~
唔係因為你屋企問題
不過我想問你係咪鍾意左tiffany or doris???
即係估唔到連分手呢一刻, 佢都唔相信我... 我真係好心痛... 好無奈, 原來一齊咁耐, 要講一個"信"字都咁難...
唔係~
只不過我好唔慣... 你可以一星期都唔搵下我, 又一星期無通信我種感覺
我想打俾你ga~
不過打唔到咋ma~
估唔到你一d都唔體諒我~
我有試過咁做
但係我有事都好想有人可以得閒打電話俾我, 可以關心我...
有事我都想打俾你, 但係我好無奈, 唔可以咁做
算la~
若果我唔係你想要個種女友
我已經盡左力~
我..............
Sorry~
就當係我既錯啦...
不過我真係愛你
你若果呢刻仲愛我~
你唔會同我講呢句說話lor~
只不過... 我想有人關心既時候
你幫唔到我...
而且我... 有時唔知可以點面對你, 我... 覺得... 有時你好緊我, 但係有時又可以一個星期都無通信... 我好難受...
Sorry~
就當由頭到尾都係我錯啦~
係我唔識體諒你姐~
算la~
你唔好再講la~
我一心滿心歡喜今日可以見到你~
由你打俾我個刻你唔開心個把聲我已經feel到你唔愛我~
既然你決定左咁ge~
我都無野好講~
我只可以怪自己唔係一個稱職ge女友`
sorry~
係我唔識點體諒你姐...
算la~
我地仲係朋友呢ga呵`
係呀~
如果你想既, 你仲可以約我出街睇戲, 傾電話都可以
最後佢話想靜一靜, 所以就走左~ 而我就 DND 左, 想自己一個人諗諗...
唉~ 講左... 分手... 估唔到兩年啦... 就係因為佢自閉左一個星期就咁玩完... 好化學... 即係阿 Sa 媽都講得好岩, 我地既分手有 80 % 來自佢屋企, 但係最主要原因, 係我覺得... 我需要佢個時, 佢關心唔到我, 佢可以一星期內無音訊, 無電話, 無 online, 無 SMS, 無 reply 留言板... 我覺得我好辛苦, 有時d Friends 叫我約埋女朋友出黎玩, 玩夜d , 但係我只可以好掃興咁講一句佢唔出得夜街為理由而推辭佢地~
算啦... 都過左去~ 而家好唔開心... 唉~