2003 年 07 月 05日 【晴】
琴晚訓得一d 都唔好... 可能都係有d 野係個心度啦... 訓到 10 am 起左身, 無咩做就打機... 打機... 打機~
打到 1 pm 幾先落街食 Lunch 兼且搭車出 TST 海旁, 好想一個人靜下, 吹下海風, 聽下海浪聲, 又想同人傾下計, 所以約左阿斌, 但係佢就要幫佢媽咪手, 所以後尾無出度黎~ 得自己一個人... 好舒服, 坐左一陣... 好遺憾無帶數碼相機出黎 lor~ 我一個人坐係海旁, 周圍打電話俾人傾電話, 但係個個都係講左幾句就收左線~
最後我覺得自己 ok~ 所以離開左海旁, 但係我就見肚餓, 所以就諗住番長沙灣食野, 就打左個電話俾 Doris ~ 約左佢去松記食糖水, 又傾左陣計, 即係咩都無都唔緊要, 最重要有個朋友~ 食完糖水, 佢去左買相簿, 我就去搭車入屯門去大姨媽屋企作客~
入到去, 見到三筒表妹訓梗覺, 所以無嘈醒佢, 我係度睇班大人打麻雀, 吸收下經驗~ 之竹後三筒就醒左, 佢就開始同我玩, 我同佢畫下公仔咁, 好開心, 原來天真係好難得架... 不過我畫畫就實在太削啦~ 哈哈~ 但係都會知我畫左d 咩既~
番到屋企, 好多 Friends 都有問我有無事, 唔~ 多謝你地呀~ 我無事啦~ 放心啦, 我都打算中學都唔再拍拖, 一來唔想影響 A-level, 二來我想俾佢知道, 我同佢分手唔係因為我鐘意左第二個, 而係因為我同你無 Feel, 或者呢d 係叫做性格不合掛~
PS. 聽日公公生日擺酒設宴~