2003 年 07 月 07日 【晴】
今朝訓到 11 am , 起左身睇左疆屍福星, 之後睇埋金裝四大才子就出門口, 約左阿斌 1pm 係旺角地鐵往中環車頭等, 我又早到左一陣, 見到有班女仔, 有兩個好熟口面, 但係就唔記得咩名, 淨係記得讀銘賢書院既~
之後見到阿斌, 班女仔又一齊上車, 阿斌又話見到熟人, 跟住我又話我都見到, 佢先講佢係邊個黎~ 我地一直搭到去中環, 班銘賢女仔又一樣去到中環, 不過可能係咁岩姐~ 之後我地就係 B 出口出左去, 落左去 HongKong Book Center, 我地見到 Heidi, 但係我地就玩野, "late"埋一二邊, 等佢見唔到我地, 我地係 TextBook 個邊睇下 A-level d 書, 又等 Heidi 2 pm 放 Lunch Hour, 睇睇下書, 我地覺得悶, 所以就出左去, 係附近兜下圈咁, 又睇下附近有咩野好食, 準時 2 pm 諗住行番過去搵 Heidi, 佢就事先一步, 打左電話俾我~ 我地之後去左吉野家食牛肉飯~
哈哈~ 食飯個時又好多笑料, Heidi 話佢自己斯文喎, 但係佢食啫哩就係到亂咁黎, 又話自己著裙一定會斯文d 喎, 我就話著起龍袍唔似太子~ 阿斌就俾人逼埋左一邊, 瑟縮在一角, 最好就係我, 食得快, 又一個人坐, 又無瘀野發生喎~
之後我地前後腳番去書店, Heidi 先行一步, 我同阿斌一齊行, 我地落到去, 去左 Counter 度, 問個 Staff 姐姐拎左張 Application form, 填左一張超麻煩既 Form, 其實後面係有大半頁都空左姐~ 填 Form 個時見住 Heidi 係度陰陰咀笑, 好過份~ 填完 Form 釘埋相, 我同阿斌就走人, Heidi 就繼續番工~
之後我地就去左搭船過尖咀, 因為時間多的是, 況且我覺得坐船個 Feel 好正, 浮下浮下, 就到左尖咀~ 落左船, 我去左個 Toilet, 一個好多 Graffiti 既廁所... 之後就出旺角, 所以見咩車開, 我地就上個個, 當然梗係要上架岩架啦, 所以我地搭左架 1 號車~ 去到旺角新世紀個邊落車, 上左新世紀行左一陣, 去左 izzue, Double Park 睇褲, 都唔岩心水, 阿斌就話叫我去聯合睇下, 平時我好少去聯合, 所以上到去唔太識行, 而且我買親都有牌子, 所以... 唔識路, 好彩得阿斌帶路, 最後買左條長褲 $ 90 ~ 算啦, 粗著... 應該係第一條無牌子既褲~
之後, 阿斌就話入沙田, 因為今晚睇音樂會, 但係時間都仲好早下, 所以呢, 就諗住搭巴士 instead of 火車, 但係我地兩個都唔識搭咩車, 所以就打電話求救, 我打左俾阿 sa 媽, 因為以我所知, 佢住沙田, 所以應該會識, 點知呢... 唔識喎~ 阿斌又問下佢d fd , 最後問到搭 81 號入去, 而我都打左九巴熱線問 27454466, 證實左~ 我地係聯合行左過去雅蘭酒店搭巴士... 等到架冷氣巴~ 正~ 不過架車都好 Full 下, 所以我地要分散投資, 分開坐, 不過都係左右, 中間隔住條走廊既位置~
去到新城巿就落車, 我對新城巿都算好熟悉, 因為以前成日都同佢行, 不過都成為左過去, 不過又好驚會係度見到佢, 因為我唔知可以點面對, 所以我行既時候都周圍望~ 行左過去西田 Muji , 買左差不多 $ 100 ~ 走個時見到丁丁, Pig Pig, 仲有超人, 行番過去新城個時, 見到肥玄, 最後係新城個時見到 Cheap Cheap + 三個女仔~
之後阿斌話想行下 Bosinni, 又行左 Double Park~ 最後, 佢地成班打電話黎話去 Delifrance 食野~ 咁我d Couple 就可以大派用場啦~ 我 Order 左特色火雞肉三文治, 用 Couple 有半價, $ 21 非常之平, 但係就咁岩無火雞肉, 所以就改左要白汁雞肉, 一樣好味~ 我地成班人... 十個係 Delifrance 食~ 賺死佢~
食飽飽, 就出左新城巿, 過左對面大會堂, 聽音樂會, 係呢個匯基搞既周年音樂晚會, 初時諗住幾好... 不過入到去聽... 發覺完全兩回事, 悶之餘, d MC 又廢喎, 但係d 人唱歌又幾好聽, 只不過d 歌好悶姐~ 不過都無所謂, 最衰就係後面條八婆, 麻q 煩, 講兩句野姐, 就話我地講野大聲, 叫我地細聲d , 咁你又有無諗下你對腳係咁頂我地張 Chair, 我地幾唔舒服呀~ 八婆~ 之後我地厭個音樂會悶, 所以早走就同超人早走, 阿斌就留係度, 陪三個女仔睇, 其餘丁丁, Pig Pig, Cheap Cheap, 麥傑, 仲有呀琪(男仔)就走晒, 不過我都不知幾想走個時鬧個條死八婆, 仲要用英文鬧佢先夠過癮~
出左大會堂, 就已經見到 Cheap Cheap and Pig Pig 係度叉電(食煙), 所以就無行埋去, 我就打左電話俾阿 Sa 媽, 問下佢沙田附近有無咩糖水食, 佢都唔知, 所以就叫左我去 Mactfect (我諗係咁串掛) 試下呢個士多啤梨香蕉特飲~ 哈哈~ 果然無介紹錯, 幾好飲, 又唔係貴喎~ 抵~
之後我同超人出左公園行左個圈, 然之後落左機鋪搵佢地, 睇左一陣人地打機, 佢地散場, 我地就同佢地會合, 之後成班人都一齊答車走, 番屋企...
番到屋企, 玩 SMS, ICQ, 最後我差不多3 am 先訓覺~