2003 年 07 月 10日 【晴】
今朝好早起身, 7:30 am 就落左床, 全靠 Patrick 既 Morning Call ~ 經過一番刷洗, 換好校服, 就番左學校, 幫 Miss Ip 手, 因為今日係學校 And PTA 搞既賣書日, 我 8:30 am 番到學校, 但係似乎無咩野我要幫手, 因為今次唔係 Miss Ip 叫我番去既, 係 Patrick 琴日同我講今日要番學校幫手, 而我就主動話要番去幫手, 但係事前無知會 Miss Ip, 所以無安排工作俾我做~ 所以我就度行行企企咁, 中途仲落左去搵周 Sir 吹番兩句水添~ 不過就發生左d 小插曲~
我俾 Miss Lin 鬧... 佢話我染左髮就唔好著校服番黎喎, 仲話咁樣好囂喎~ 真係無奈~ - -"
所以就係呢個原因, 我幫多一陣手之後, 就走左 lu~ 個陣時都仲係 9 am 幾, 之後諗住行去文風買本大相簿啦, 點知就未開喎, 所以我就決定打道回府~
番到屋企, 時間尚早, 無咩好做, 打番陣機, 就連晏晝個餐飯都係叫外賣, 因為外面實在熱得恐怖... 打機打到 4:30 pm 就出左去, 去左寶琳站接雪喵~ 因為今晚去游水, 但係佢唔識去~
搭左半個鐘有多既 MTR, 終放去到寶琳, 係將軍奧線個時, 我仲見到個好靚既女仔添~ 接左雪喵, 我地番長沙灣食晚飯, 我足足搭左 30 個站, 我叫埋阿斌一齊食, 之後就去游水~
今晚游水好多人呀, 有我同阿斌兩個男仔, 仲有 Tiffany, Boey, Doris and Mandy(雪喵)四個女仔, 最慘就係我, 俾 Mandy & Tiffany d 利爪, 抓過無數次, 不過差不多臨走個時, 佢地都幫我揼下骨, 好鬼舒服~
游完水, 我地去左食野, Tiffany & Boey 就番左屋企~ 食完野我就送雪喵番屋企, 我送佢去到藍田, 之後我就過對面月台番屋企啦~
今晚玩到好支力呀~ 散晒咁滯, 聽日仲要游水添~
PS. 今日游水個時, 我抽筋...