2003 年 07 月 12日 【晴】
今朝起身, 去左踢波, 又係靠 Patrick 既 Morning Call 先識得起身... 去到踢波, 今日無乜人, 所以唔可以分到兩隊出黎對踢, 所以就撩人鬥波, 不過踢左一陣, 就落兩 lu , 頂~ 真係掃興, 我都未踢... 停左兩, 但之後見個地咁濕, 所以我地成班人都唔諗住再踢, 就換衫走人, 而我就一個人去左食老麥~
食飽番屋企, 已經見到黃氏兩兄弟上左黎啦, 阿婆就訓左係 Sofa 度... 咁即係代表一陣會有成班親戚會上黎作客啦... 我番左屋企一陣, 霞姨就同細佬一齊番黎, 佢地落左去落下百佳買野, 佢地買左六條維他檸檬茶, 仲有幾條汽水添~ 哈哈~ 正呀, 即係我又無咁快要去百佳掃貨~ 霞姨番左黎無幾耐, 阿婆就撩我地打麻雀, 我地好快就應承左, 不過我地打 $ 1 鋪, 唔計番, 雞餬都食得, 不過今日打牌好似未訓醒咁, 上完牌去拎牌喎, 又唔記得補花喎, 你話死唔死? 不過都叫贏左 $ 1 咁多... 打左一陣, 大軍陸續抵達~ 我都唔打 lu ~ 玩番電腦, 近排成日同 Riffany and 雲兩個傾計多, 唔知呀, 覺得好傾咋~
玩左一陣, 人齊 lu~ 好多人呀, 有阿婆啦, 大姨媽 And 三個表姐, 細姨媽姨丈 And 文思表妹, 蘭姨 And 兩個表弟, 霞姨, 舅父仔舅母 And 三筒表妹, 好多人呀, 逼爆屋企~
我開左部 PS2 俾黃氏兩兄弟打, 其實都有d 唔想架, 話晒部 PS2 都係我俾錢喎... 一陣佢兩條友玩壞左咁我咪血本無歸? 所以就靠細佬睇住佢兩兄弟, 我就同三筒 and 文思" late" 左入細佬房玩, 一來我可以用細佬部電腦玩, 二來又唔係好多人, 哈哈~ 今日同三筒玩, 玩到佢好開心呀, 嘻嘻, 看來佢已經唔怕我呢個表哥 lu~ 不過... 唉~ 超慘, 我部電腦唔小心俾二表姐, 用支黑色油性既 Marker 係個 LCD Mom 上面畫左一條 2cm 長既線呀~ ><"好心痛呀... 油性筆添呀, 都唔知可以點抹喎... 賠錢呀~ ><"
打牌打到 9pm, 我地就出去食飯, 因為呢段時間特價, 抵食d , 今晚食左個芝士龍蝦配伊麵底, 嘩~ 超正呀, d 伊麵, 我覺得呢, 食呢d 呢, 龍蝦唔係主茶, 反面係個伊麵底~ 正~ 不過食左咁多芝士... 又肥 lu~
番左屋企, 拿拿臨去左洗白白, 沖完出黎, 無聊得滯就上左留言板睇, 睇番佢個留言板... Shit... 我終於知道原來係先係 Loser, 仲係大輸家個種, 唉~ 好無心情呀, 但係我要振作, 我要俾人知道, 我有既係事業, 係成就, 雖然我唔會係要突出個一群人, 但係我既能力絕對唔會俾人輸蝕既, 我一定要 Take Revenage~ 即管放長雙眼吧, 8 月 6 日, 就會知道係咩一回事, 你地將會見到一個重生的我~
PS. 爺爺又入左醫院呀, 唔知咩事, 好擔心~