2003 年 07 月 15日 【晴】
今朝 10 am 起左身, 準時~ 唔駛鬧鐘, 唔駛 Morning Call ~ 起左身, 打左俾 Patrick , 約好佢時間, 我就刷洗一番, 就出門口~
今日學校 Activity Day , 因為太無聊啦, 所以我就同 Patrick 番左去趁下熱鬧咁, 我地 11 am 番到去, 係籃球場正場度睇左一陣三人足球之後, 就上左 Hall 睇 Fashion Show~ 嘩~ 係超正~ 好好 Feel 呀~ 學校搭左個台出黎, 仲有埋伸出黎個部份, 即係天橋位~ 燈光效果, 音效又正喎~ 最正都係邊業餘 Model~ 行起上黎有版有眼, 仲挑逗台下參眾, 好好氣氛呀, 不過最正都係有冷氣, 始終都係長天d 冷氣夠勁~ 正~
睇完 Fashion Show, 上左三樓睇三人足球, 高 d 睇, 好睇d ~ 睇左一陣, Patrick 又去同 miss Poon 吹水, 咁我就周圍行下咁~ 搵左大頭, 我地一齊周圍搵 Miss Ip , 但係搵唔到喎, 就去左拉記, 借電腦 Print 野啦, 點知d 電腦咩都 Block 晒... Netvigator.com 都入唔到, 想走之際 Miss Ip 就入黎拉記喎, 王天不負有心人, 搵左 Miss 咁耐, 佢而家自動蒲頭, 哈哈~ 搵完 Miss Ip 就搵番 Patrick 一齊 Lunch~
我地去左綠野仙踪食, 但係事前我地去左文風買相簿, 本來我相買一本姆明架, 但係 $ 87 太貴, 就諗住買另一本小飛俠, 但係都要 $ 72 喎, 都係貴, 最後我買左一本普普通通既 $ 42 , 比姆明個本平一半~ 之後就去食野, 食野個時見到肥黎, 甄浚榮, 仲有許志佢地, 佢地岩岩番工放 Lunch ~ 食飽個時, 拎左本相簿出黎睇, 頂~ 個角崩左... Shit ~ 所以就決定食飽之後番去換~
換完野之後, 坐紅 Van 過左去黃金, Patrick 話要買 CD-RW ~ 買完之後, 兜左黃金一轉, 無野行, 就搭地鐵出太子現代, 大頭話要報 LCCI Level 1 喎~ 咁咪陪左佢出去 lor, 哈哈~ 之後 Patrick 要 Join 佢媽咪, 咁我就同大頭各自歸家~
番到屋企, 好鬼熱, 抹左個身, 之後就打機, 夜晚又 icq 咁... 咁就一日 lu~