...

2003 年 07 月 16日　【晴】

今朝一訓就訓到 12 點, 訓醒 icq 俾袁永, 問佢一陣幾點係邊度等, 約好佢, 我仲叫佢要早到, 因為今日去葵芳, 我係太子轉荃灣線, 叫佢係長沙灣車頭等, 咁無理由我係車霜, 要我出車等番佢架嗎~

今次佢好乖, 算幾準時~ 去到葵芳, 入商場之前已經俾人兜售買書, 先生~ 買書架? 新書八五拆, 舊書九拆喎~ 第一次已經唔 Show 佢, 同佢講唔買, 之後兜左幾個圈都搵唔到個袋係邊度買喎, 咁咪走人, 過荃灣深肥玄, 袁永就順便去睇下佢見到幾靚女既暑假 Librarian , 即係去睇女啦, 咁一出去, 又係個d 麻煩友喎, 先生~ 買書架? 新書八五拆, 舊書九拆喎~ 今次我就一早諗定答案, 等放榜, 哈哈~ 超串呀, 明串啦, 一來佢地無聲出, 二來串佢地無書讀~ 哈哈~

過左荃灣, 去左圖書館搵肥玄, 再由肥玄介紹個女仔俾我地識, 點知肥玄收左工喎... 頂... 咁袁永話自己搵下啦, 又唔見個女仔喎... 噢~ 咪就走人 lor , 行行下袁永話佢班fd 想去旅行, 咁我見有隊去, 咪話不如上去拎d 章程睇下啦~ 睇完就走人, 出 MK~

出到去 MK, 有d 餓, 佢就買左件夾餅(格仔餅), 我就去 Pie & Tarts 買雞批食, 食飽飽, 陪佢買袋, 所以掃左波鞋街一轉都無收穫, 就決定打道回府~

番到屋企, 諗住同阿媽商量我去旅行, 佢一口拒絕... 哼~ 過份... 即時好 Down... 都唔想再寫啦...

ps. 補寫番琴日留左既事情...

琴晚我見到佢 online , 我踏出左第一步去 Hi 佢, 因為我想問候下佢點, 但係咁岩我就就快 Dinner, 雖然感覺上俾到人係我搵佢攝時間, 但係我無咁諗過 lor~ 同佢傾左一陣, 就食飯, 諗住食完飯, 佢都會係時候 offline, 但係琴日佢出奇地 on 多左一陣喎, 而前我記得, 佢通常都會 online 一個鐘就 offline , 仲要不定日子喎, 時間都有時不定喎, 即係呢衰d 講句, 月經都叫有時有候呀, 佢都無既, 成日見得我一陣佢, 但係又唔通得電話喎~ 佢on 多一陣咁我就可以同佢傾多一陣... 但係我就用左一d 以前從來無對佢用過既語氣同佢傾計, 唔知呀, 呢一刻想佢死心, 咁我覺得我自己就可以放得底 lor, 但事實並非如此... 原來真係好難... 唉~ 點都好... 總之今日好怪咁, 或者冷靜下先, 放左榜自會有定案... 放榜!!!!!