2003 年 07 月 20日 【晴】
今日訓到 1 pm , 起身無幾耐, 就去左天然居飲茶, 飲完茶, 我就話厭屋企悶, 就去左買碟, 當然係屈媽咪俾錢啦, 之後就陪媽咪去街巿買餸, 去左雞檔, 買左隻竹絲雞今晚煲花旗參湯飲, 嘩~ 個個雞販, 一手係個籠一面捉住隻雞, 一手拎起把刀, 刎頸~ !!!!! 隻雞就已經唔識再爭扎... 好恐怖~
買完餸番屋企, 無野做就打機, 哈哈~ 好開心我終於係真．三個無雙 3 入面, 用關羽打到十級武器, Power + 52, Attack + 6~ 哈哈~ 打完武器, 就轉用呂布打赤兔馬, 哈哈~ 打到癲癲地咁, 不過呢個時候我見到Wendy online , 不過佢個時 Occupied , 所以無理佢, 繼續打機~ 打到咁上下, 佢搵我喎, 佢問我隻腳發事, 傾左幾句, 阿媽就叫我同佢去 Park nShop 買野, 咁就閃人~
買左三舊幾水野, 可以食既野多~ 番到屋企, 又係打機...
打到 6:30 pm 就收機睇新聞, 不過依然係打唔到赤兔馬, 唯有聽日再努力過~ 食飯, 沖涼, 食甜品, 生果... 就玩電腦... 玩到就 1 pm~ 老豆就係度發老四, 我話你都痴 Q 線既, 你自己個肚唔舒服, 訓唔著就係度發我地老四, 你係唔係有病呀~ ? 話我由朝打機, 對住部電腦對到晚, 問我想點, 不如我問番你又想我點呀? ~ 會考前, 同你講過幫我搵下有咩暑假工岩我做, 你就一盆冷水照頭冷, 又話屋企唔等錢洗, 又話一陣我搵一蚊洗十蚊, 我個底好過你好多啦, 無借人錢記錄, 財政方面處理得好過你啦, 你咁講, 都痴線~ 咁算啦, 我話去旅行, 你又話叫我番大陸睇下喎, 一個人去呀? 好啦, 而家乜都無啦, 就係度話我... cHeap 到死~
死開啦你~