2003 年 07 月 21日 【雨】
今朝訓到差不多 12 pm 起身, 起身就睇金裝四大才子, 即係呢, 我發覺番睇既好睇過第一次睇~
之後自己煮 Lunch~ 哈哈~ 今日作左一個頗大膽既嘗試, 忌廉湯烏冬~ 哈哈~ d 烏冬痴埋忌廉湯, 好正~ 不過第一次煮就有d 雞手鴨腳~
食飽飽, 無所事事, 又掛梗一號風球, 所以唔諗住出街又係屋企打機, 今日繼續打赤兔馬~ 打打下機 Tiffany ICQ 話佢細佬唔同佢睇戲, 咁我見自己無事做, 所以就話同佢出去睇戲~
我地去左奧海城睇, 我差d 又搭錯車, 不過好彩都無~ 去到買左 4 pm 場, 買完飛, 去左百佳超級廣場買野飲, 點知俾錢個時就鬼死咁多人, 仲要d 人唔知點排隊, 搵極都搵唔到龍尾咁, 差d 趕唔切入場添~
我地睇海底奇兵, 好睇呀~ d 配音幾正~ 動畫都 OK~ 不過睇戲個時, 有一個 moment 諗起d 往事同埋唔開心既事, 不過好快就被附近歡樂既氣氛所掩蓋著~
睇完戲, 去左 Food Court 睇下相, 之後就搭 MTR 番屋企, 咁就又一日 lu~
數數手指, 仲有兩個星期咋~