學法文

2003 年 07 月 23日　【雨】

琴晚老豆又係度痴 Q 線, 明明自己個肚唔舒服就懶我玩電腦嘈住佢喎, 都痴 Q 線既... 訓唔著就訓唔著, 唔好係度懶三懶四啦, 好 Q 憎呢d 大男人...

今朝訓醒, 都仲係一號風球, 不過就已經好大風啦~ 起身一陣就睇金裝四大才子, 睇完就同阿斌去五十嵐食野~ 食完野就上左阿斌屋企, 因為佢部電腦有問題, Detect 唔到部相碼相機, 搞到放唔到相入去喎, 咁就幫佢搞搞啦, 點知佢唔見左隻 Drive 碟喎, 咁都算啦, 上網搵啦, 搵完 install 完都係唔得, 咁我就算啦, 唔理佢, 佢就自己研究左一陣, 咁岩呢個時候就改掛左三號風球~ 就同阿斌拎佢要送俾人既走馬燈去整, 因為佢試燈個時, 燒左~

落到去, 換左粒 Fuse 就得左, 仲只不過是 $ 2 咁大把咋~

之後叫左 Doris 上阿斌屋企玩, 玩真．三國無雙2 , 哈哈~ Doris 係唔識打機, 之後佢同阿斌打 Winnie , 哈哈~ 衰到佢死~ 之後超人都上埋黎, 我地玩酒店大亨, 阿斌好慘, 第一 round 就已經蝕左 $ 10000 之後仲要佢買d 地又要俾人買番喎, 無地, 又衰到無晒錢喎~ 哈哈~

玩到咁上下, Doris 番屋企執野, 我就係阿斌屋企 hae 多一陣, 之後就同 Doris 一齊出去學法文~

今日第一堂學法文, 教個個係法國鬼佬, 好正, 勁野幾好笑, 而且就算學唔到法文, 去聽下英文都抵番~

學院法文走個時仲係三號風球, 但係d 風勁得離譜... 可以推你行咁, 又差d 可以吹郁你個人喎, 之後同 Doris 去左食吉野家, 食完就各位歸家~

番到屋企都未掛八號, 但係d 風已經吹到"fi fi "聲, 十點先掛八號~