2003 年 07 月 25日 【雨】
今朝早起身, 8:30 am 鬧鐘響, 磨到 8:45 am 先落床, 不過時間仲有大把, 唔駛急, 經過一番梳洗, 換衫, 執野, 今日既裝束比較輕便, 9:20 am 出門口, 去九龍塘火車站等人~ 9:30 am 準時到達, 未見人, 就打左俾阿斌, 原來佢地係地鐵站行緊過黎~
未開始, 一見到阿斌同超人兩個, 就有得笑, 佢地兩個係長沙灣地鐵站過黎, 去到太子, 超人竟然... 唔知佢做咩, 佢竟然話去九龍塘要轉車咩~ ? (轉述阿斌) 哈哈~ 我一聽到就爆笑, 坐火車都一路笑佢去九龍塘唔駛轉車~ 哈哈~ 之後, 超人未食早餐, 係新城巿兜左個圈, 經過美心同佢講句啦, 佢又話美心d 包唔好食, 之後話去老麥啦, 入左佢, 佢兜左個圈又話唔食喎, 頂佢... 之後無理佢, 諗住去租車啦, 經過好運商場間百佳超級廣場, 入左去佢就係個度買包食喎, 真係吹脹, 咁我地都順便係入面買埋便利雨衣~
之後就落去租車 lu~ 今日落雨, 但係我依然係踩"dup"頭, 完全唔怕, 阿斌同我一樣, 但係超人就踩"波蘿大帝"( 即一字頭) 租完車, 我地就起行, 今日租車好平, 原本 $ 45 全日, 但係個老闆見我地猶豫不決, 就平左 $ 10 俾我地, 哈哈~ 死白痴超人仲係火車度話同佢講價講到 $ 20 全日喎, 都白痴既, 咁一開口人地就拎支士巴啦一野印落你塊面度啦~
我地差不多 10:30 am 開車, 經過馬場, 轉入吐露港, 大埔海濱公園, 廣福 Estate, 去左買水停左十分鐘, 大約 11:30 am , 就入大尾篤, 過船灣淡水湖水霸, 休息左一陣, 再踩番出大埔食 Lunch , 到到大埔廣福 Estate 時間都係 1:30 pm ...勁速~ 之後係廣福 Estate 兜左陣, 都係去番大埔中心食野~ 兜左一陣先搵到野食~
食飯個時... 哈哈~ 我地既波蘿大帝, 超人又有笑料, 我地食飯夾錢, 超人俾 $ 26 咁就可以找番兩個 $ 2 銀, 咁佢又衰格喎, 串阿斌, 咁阿斌就將個 $ 4 放入超人唔飲個碗湯度喎, 超人逼放無奈, 只可以將佢地打撈上黎, 放入個空杯入面, 再用水洗喎, 點知條自痴仔, 洗完佢諗住倒d 水落杯飲完既凍檸茶入面拎番 $ 4 出黎, 點知就倒番落去杯檸茶倒, 呢次佢撈番上黎之後, 無洗啦, 就咁就算數, 哈哈~ 笑死我同阿斌兩個~
之後我地就番出沙田, 我地踩到去大埔海濱公園停一停車, 去左個廁所先~ 之後我地就話玩"放", 去到體藝, 睇下邊個俾人放甩, 我地俾波蘿大帝開車先, 因為踩波蘿大帝比起"dup"頭係慢d , 因為條車胎粗與地面接觸面大, 所以 Friction 亦相對地比較大, 或者就係比較慢既原因~ 起步我比較慢, 之後我就追番上去, 追過超人, 再追過阿斌, 就係岩岩把頭之際, 阿斌竟然甩鏈喎, 呵呵~ 天助我也, 可以放番一段路先, 放左一段, 超人已經唔係威脅啦, 阿斌就慢慢開始追上黎, 最後亦都追過左, 不過係預料中事, 最後唔見左佢, 我就唔打算再追, Keep 住 Normal Speed 踩, 去到體藝搵佢~
踩到吐露港半路既隧道入面, 見到有人已經炒左車, 痴線到佢地d 車放係路中間喎, 幾想開口叫佢地將d 車放埋一邊, 唔係放係路中間, 不過見到有個人傷得好嚴重就算~ 之後繼續踩, 去到見到阿斌已經等梗我地, 我去到佢身邊坐底, 等埋超人~ 等既時候, 阿斌就問我有無見到隧道炒車喎, 佢話係佢搞到人地炒車, 不過係條友白痴落斜唔拖 Break 落車先發生~
複述阿斌, 我入左隧道, 佢地五條友, 三男兩女就入隧道落斜, 道路有四份一俾d 裝飾工人既樓梯阻左, 得番四份三, 佢地就衝落黎, 我已經讓左佢地三個過左, 之後第四個, 係個女仔就衝落黎喎, 仲要踩住架波蘿大帝單車, 笑笑口咁, 十足十好似控制緊架電單車咁, 佢係仲要唔拖 Break , 我已經避佢, 佢就追住我對腳黎撞咁, 咁我就反應快, 扭"車太", 佢先識得煞車, 因為太快, 個尾轆飄左幾飄, 咁就炒左 lu~ 之後我就費事理佢, 衝上條斜路走人~ 我話條友都唔係係唔係柒既, 落斜唔拖 Break, 就算拖 Break 都唔會飄啦, 都白痴既~ 不過我鄧佢可憐呀, 踩單車, 仲要俾錢 Call Taxi~ 都唔知駛唔駛打 999 添架...
成件事講完之後, 超人就到啦, 阿斌又將件事講多一次俾超人聽, 我地 Hae 左一陣之後就上車過去大圍顯徑食豆腐花~ 我地一路踩都見到好多唔太識得點踩單車既白痴仔, 唔係佢地唔識平行, 係佢地連左上右落, 落斜拖 Break 呢d 都唔識既白痴仔~
踩緊去顯徑, 大帝謝偉係度玩水... 佢架波蘿大帝單車經過水"乙水"個時, 佢係可以叉大對腳, 仲要"嗚... "一聲咁... 十足十d 白痴仔玩水咁~ 過到顯徑, 買左 4 碗豆腐花, 阿斌食兩碗~ 食完我地就踩番沙田交車~
踩完單車, 勁"支力"超人仲話要上新城巿去 Giordano 睇拖鞋喎, 我同阿斌認為佢痴線, 費事睬佢, 所以就轉頭先搭巴士番屋企, 超人見勢色唔對, 所以只可以跟住我地一齊走~
番到屋企, 沖左個涼, 見到對手紅晒, 亦都好後悔自己無除錶踩單車, 而家搞到左手手碗位明顯係白色手手錶印無曬到... 我塊面都紅左, 特別係個鼻~ ^^"