2003 年 07 月 26日 【晴】
今日起身, 無野做, 無電視睇, 所以就玩電腦, 之後 1:30 pm 就出左街, 因為約左 Patrick 2 pm~
我 1:30 pm 出左去食 Lunch, 點知 Patrick 就打電話黎問我有無帶隻 Office Xp 喎, 我心諗大檸樂, 只好將實情相告啦, 所以我食完 Lunch 就極快速行番屋企, 拎番隻 Office Xp ~ 番到屋企, 細佬岩岩講完電話喎, 佢話係呀叔打黎, 話五分鐘之後去屋企留下拎d 飛, 咁岩我又要出去, 所以就由我拎啦~ 哈哈~ 好開心呀~ 終於都拎到飛啦~ 仲係坐 14 行添呀~ 好前呀, 我諗聽日一定好好睇啦~ |
 |
拎完飛我就飛出去地鐵站等 Patrick, 好彩時間岩岩好~ 我一去到, 佢搭個班列車就剛好埋站, 哈哈~ 不過好鬼死多人呀, 可能岩岩星期六, d 人放工啦~
我地出左旺角, 我地先行左信和, 因為 Patrick 要睇下左麟右李演唱會隻 DVD 幾錢, 佢想格下價先買, 行完信和, 我就因為要換 Coupon 就上左去 168 商場啦, 點知去到, 唔係因為無開, 而係因為要登記人親拎, 或者授權, 但係授權既我又無我媽咪張身份證副本喎, 所以得個吉, 上左去就又落番黎~
之後我就叫 Patrick 上黎我屋企打機, 我地打機打機 And 打機, 我開住 ICQ 打機, 見到佢 Online 喎, 但係我無 Hi 佢, 因為呢一刻無呢個衝動住~ 之後打到 6 pm 就出門口, 上婆婆屋企食飯~
上到婆婆屋企, 得四個人度, 四個都係女人, 有阿婆, 大姨媽, 我阿媽, 同埋霞姨, 阿公就入左醫院, 所以唔係屋企, 今晚食 Pizza Hut, 叫外賣, 我俾人塞到個胃脹晒... 飽飽~
番到屋企, 無咩好做, 又 ICQ 咁就一日 lu~ 聽日有得睇波, 好開心~