2003 年 07 月 27日 【晴】
今朝 10:30 am 起身, 起身無野做, 睇電視, 睇埋金裝四大才子就出門口... 去打羽毛球~
我去到一個人都未到, 所以我只好坐係度睇其他人打波, 隔離有上智羽毛球隊打梗... 就睇下人地, 勁~ 等左一陣, Tiffany 先黎, 但係又無波喎, 所以就問人借波... 打住先~ 之後阿斌黎到, TIffany 就俾我地兩個打, 之後我打打下又讓俾 Tiffany 同阿斌打... 我睇波, 差不多時候, 我就同 Tiffany 雙打阿斌一個人, 哈哈~
打完波, 我要上婆婆度, 拎個飯壺俾阿婆, 因為阿婆要拎飯去醫院俾公公食, 係婆婆度坐左五分鐘, 就走人, 去阿斌屋企玩...
落左車, 打左俾阿斌, 諗住買佢食唔食野, 買俾佢食, 等知就無人聽, 就打左俾 doris , 佢要 Pizza 薯片, 我就去聖安娜買麵包食~ 我先上 Doris 屋企門口, 同佢一齊上阿斌屋企, 因為一個住 6 樓, 一個住 7 樓, 住要同一橦樓喎... 上左阿斌屋企, 我地三個開"木台"打麻雀~ 哈哈~ 正啦... 今次好過上次啦, 食多左糊~
打完牌, 我就同 Doris 一齊出去學法文~ 今晚學法文, 無奈之下坐最前... 仲要今晚一d 都唔專心, 仲要鬼死咁難喎, 講到條"月利"都打晒結~ 今日又見到 OL T-Back 姐姐... 有錢姐姐黎架... 有 PDA, 又 Samsung S308... 著衫又有 Taste... 正野... 哈哈~ (痴線)
學完法文, 去左食飯, 我地由 Jordon 行到旺角上新世紀, 食 Delifrance~
之後就趕番屋企睇電視, 睇唔到戀愛自由式, 都要睇律政新人王~
夜晚睇電視 ICQ 咁又一日 lu~
開始進入十日倒數~