2003 年 07 月 30日 【晴】
琴晚約左人今日 BBQ, 今朝一早 11 am 出左門口, 約左雲 11:30 am 係旺角地鐵站等~
等到佢, 仲有佢個 fd 一齊, 三個人坐地鐵由旺角去到金鐘轉車去筲箕灣, 時間岩岩好 12 pm 正, 無遲到, 去到見到雪喵, 仲有龜仔, 好開心, 有人陪~ 之後上左筲箕灣街巿買野食 BBQ~ 今次 BBQ 我唔係搞手, 所以我無帶頭, 點知原來佢地唔識係邊度買野食既, 噢~ 救命~ 咁我亦都𠯆只好出手相助, 帶頭... 帶左佢地去凍肉鋪 And 惠康買野, 之後仲要我問埋佢地要搭紅色 Van 仔定巴士喎... 都唔知班人係唔係路既... (雲, 唔係話緊你呀~ )
入到去筲箕灣, 成班阿毛蜂擁而至喎, 仲狂問我地租唔租太陽遮喎, 真係癲既, 我就同佢地癲, 我話唔租, 因為我黎溫書既, 跟住佢地又問我地去邊度溫書喎, 我咪話去浮台溫書 lor, 哈哈~ 超串~ 之後佢地見我地無咩反應就散開晒...
今日唔算多人 BBQ, 所以好易有爐, 我地搵左個有少少樹蔭既, 當然我地都租左兩俾遮啦~ 點知 8 個人, 五女三男入一面, 搞手個五個女仔都唔識起爐喎, 得番我同另外兩個男仔, 但係除左龜仔之外, 另一個男仔又低低地咁既... 所以最後係得我同龜仔一齊幫手起爐... 點知買野又無報紙, 無買蜜糖(因為有炭精), 仲無火機添, 唔通要鑽石取火咩... 所以就要問人借報紙同火機... 起好個爐, 功成身退, 仲成身汗, 就行埋一坐, 費事理, 因為我係陪坐姐... 坐左一陣就同龜仔同雲去左行沙灘~
行完番黎, 我地燒左少少野食咁... 又 Hae 下 lor... 去到 5 pm 我就因為要學法文, 所以走先~
今日上堂抄到手軟... 又學左一d 職業既法文, 嘩~ 原來 T-Back 姐姐係 Marketing Manager 黎架喎... 勁...
今晚無出街食飯, 因為無錢... 番屋企, 岩岩睇到半集戀愛自由式~ 正~