2003 年 07 月 31日 【晴】
今朝訓到 12 pm 起身, 因為好鬼死"支力", 睇電視, 之後係屋企食 Lunch 玩下電腦打陣機, 4:15 pm 就執齊野出門口, 上婆婆屋企~
上到去, 見到表妹幫佢阿"女麻", 我阿婆, 抹緊窗喎, 入到去見到表哥成條懶虫咁趴左係度... 唉~ 之後等阿婆搞掂之後, 就去瑪嘉烈醫院拎飯俾公公食, 其實今日都唔係點探得病架, 不過我地偷雞先入到去咋... 見到公公, 好似好精神咁, 佢見到三個孫亦都好開心, 雖然我係外孫~
之後我地坐專線小巴落左美孚, 但係個時仲係 5:30 pm 時間都仲好早, 就同阿婆, 表哥佢地行左個圈, 仲決定一陣游完水拎埋部 PS2 上婆婆度打, 行左一陣我就坐 2A 走人, 過去蘇屋 Estate...
上到蘇屋 Estate 巴士總站, 已經見到周 Sir 一個人等梗我地, 之後我地等齊人就去食 Dinner, 食飽之後, 我地去左李鄭屋游水...
今晚有七個人游水, 好人齊下... 我地游游游... 游到咁上下, 我同貓仔, 仲有馬翃就玩野, 因為我地見到一個幾靚既女仔喎, 咁我地就猜包剪揼, 輸左個個過去問人借紙巾, 第一鋪馬翃輸左, 佢過左去問, 但係個女仔好正經咁答番佢, 無~ 之後個女仔游左一陣就上左水, 唔見左人~ 隔左一陣, 個女仔又落番水, 今次又猜過, 到貓仔輸喎, 但係佢就肴底... 搞到好揚咁落到去練習池問人幾大喎, 今次貓仔食 Lemon , 俾人一口拒絕, 我唔想講喎... 哈哈... 笑死... 本來最後應該到我架, 但係因為講好左 9:30 pm 要走, 所以無問到~
我地換番衫走人, 周 sir 第二個搞掂, 我第三個, 出到去仲要等埋其他人喎, 周 Sir 就問我係唔係有教練教過我游水喎, 佢讚我游水游得幾好呀, 嘩~ 好開心呀~ 正呀~ yeah~
人齊, 走人, 三個人唔去食糖水, 得我, 同劉神父, 馬翃 And 貓仔, 食完糖水, 就趕番屋企沖涼~
沖完涼, 我又要出門口, 拎埋部 PS2 上婆婆屋企同表哥打機, 我地玩左幾隻 Games ~ 我地打到 5:50 am 先訓覺~