2003 年 08 月 01日 【晴】
今朝係婆婆度訓覺訓到 11 am , 起身之後, 搞完一輪野就搭車番屋企, 番到屋企第一時間沖涼, 刷番牙, 因為係婆婆度我無牙刷... ^^"
之後睇埋金裝四大才子就又換衫出門口, 番學校聽升學及就業講座~ 2 pm 開始, 聽到 4 pm ... 悶到死~ 最搞笑係我入場個時, 有本就業指南既刊物, 但係 Miss Chan 就唔俾我喎, 佢話我唔駛拎喎... 哈~ 真係睇得起我~
聽完講座, 上左阿斌屋企, 等埋阿斌一齊出去又一城, 我地係又一城搵埋 Tiffany And Boey, 係 Delifrance 食左d 野, 其間發生左一段我頗為唔開心既小插曲... 唉~ 無謂花筆墨去記敘~ 之後我地就去左理想酒店... 既對面等車去將軍奧電視城, 睇勁歌金曲錄影~
我地坐 CTB 入到去, 嘩... 好鬼遠... 仲好偏僻下... 去到電視城唔知咩錄影廠, 正... d 器材正得佢呀... 真係好勁~ 百幾萬一部既攝影機, 真係唔係勁笑咁勁~ 不過都叫睇到係點錄影既~
今晚勁歌金曲有鄭中基 And 陶"吉吉"做嘉賓, 不過最衰唔俾影相啦... 之後我地拎左街巿款式紅色膠袋坐城巴出番九龍塘, 再搭地鐵出 mk 食飯... 我地去左大熊本食日本野, 四個人每人夾 $ 60 食飯...
自小插曲發生, 今晚有d 亂, 有d 神不手舍... 煩~
夜晚老豆無端端同我講話收拾心情準備番學喎, 我心諗好似仲有一個月喎...
PS. 仲有 4 日放榜~ 怕...