唉~

2003 年 08 月 26日　【晴】

今朝勁早起身, 去左做阿四, 幫"女麻女麻"拎野去拜神... 佢拜梗神個時, 我就坐係度睇佢, 又聽下歌咁... 之後又拎野番上屋企咁... 全程煙燻, 好辛苦~

之後 12 pm 約左 Riffany 睇戲, 本來諗住睇"假如愛有天意"架, 但係 2:40 pm 先有場喎, 唔想咁遲先上到阿斌屋企, 咁就離開左奧海城, 去左旺角百佬匯, 但係都無得睇"假如愛有天意"既, 咁就睇左"龍咁威"~ 哈哈... 都幾好笑呀~

睇完戲, 同 Riffany 一齊番長沙灣, 佢落車先... 上到阿斌屋企, 送左份包裝好精美既大禮物俾佢... 正~ 之後等齊人就開始鋤d ... 唉~ 今日手氣勁差... 唔係細牌, 就無五隻... 炒多過唔炒... 玩到 7 pm 老豆急 Call , 咁就滾水碌腳, 拿拿聲著鞋走人, 都仲未訓錢添~ 嘻~

上到爺爺屋企, 大伯今晚都上黎食飯... 噢... 又預備定俾人問長問短, 問埋d 乜乜七七咁... 所以我一食飽飯, 就出左露台... 睇風景, 又影下風景相...

食飽飽, 頂~ 老豆又要去上香... 真係"零食"~ 仲要又係度又乜又七咁喎, 又要睇人地拍賣喎, 真係麻 Q 煩, 不過我初時見到振波, 所以先無咁悶咋~

番到屋企, 條友又無理取鬧, 話我地無禮貌, 唔叫人喎... 你都痴 q 線既, 條友我又唔識喎, 叫乜春呀... 真係好興, 隔離屋公公婆婆, 出出入入見到我都有早晨, 打招呼, 叫下人啦... 唔識既, 你又無介紹既, 叫乜呀? 叫佢契弟好唔好呀? 痴線!!!!!