2003 年 10 月 04日 【晴】
琴晚寫 Lab. Report 做到 2 am 先訓覺, 今朝又要 9 am 起身就寫埋個 Report~ 咁搞法真係命都唔長呀... 寫到差不多 1 pm 都差不多寫完, 只不過仲有d 手尾未執下姐, 就唔理住, 出左街~
約左Riffnay去睇戲, 其實係俾呀妹屈... 哈哈~ 同佢去睇無間道 II ~ 真係好好睇, 睇完都有d 共嗚~ 之後食左個 Tea, 呀妹就帶我去潮特幫下我眼買禮物, 唔... 本來佢話有本 Schedule 幾靚架, 不過我又覺得好貴, 因為本 Schedule 無得加頁換頁, 用完一本就要買, 覺得唔抵玩, 所以無買到, 但係不過真係幾靚喎~ 之後行完潮特, 本來都想買公仔既, 不過一開口又要二百幾... 又無買到, 咁我話去 Trendyland 睇下啦~ 但係d 野都唔靚既~ 白行一趟~
行下行下, 都仲未買到諗住打退堂鼓, 呀妹就話去瓊華睇下, 咁去啦~ 去到二樓, 俾我見到一樣好正既禮物, 咁入左去睇真d , 又真係好正喎... 但係又好貴~ 好啦, 一炮過, 就買左份禮物啦~ 之後諗起下個星期, 日日都要食麵包, 又係麵包, 份禮物都已經係架啦, 哈哈~ 唉~ 真係好可憐, 我諗仲唔止一個星期喎, 分分鐘要食到十月中後期既時間... 悽涼~
不過希望佢會鐘意呢份禮物, 亦明白我心意啦, 最緊要係收禮物個個人開心姐, 咁我呢少少悽涼又算得上d 甚麼呢...
不過講真一句呀... 究竟佢點睇我呢? 或者會唔會係我多餘呢? 呢d 問題... 唔知呀... 總之就試過先知啦~
之後呀妹就搵佢細佬, 咁我就一個人係旺角行, 去下書局睇下書咁... 突然間覺得自己好似勤學左添~
行左半個鐘, 行到無野好行, 又"支力"喎, 就問 Patrick 係邊, 原來佢岩岩出黎, 咁我就同佢係太子會合, 一齊上去現代, 不過佢補 Linda Lau Geog, 我補 K.Kwong Chem... 補完習, Patrick 未走得, 我就同袁永返左長灣食飯, 之後 Patrick 打電話黎, 咁我就叫埋佢一齊食, 好呀... 好耐無一齊食飯~
食飽飽, 哈哈~ 一齊搭地鐵返屋企, 好懷念舊時讀長天, 同佢一齊放學, 一齊行去地鐵站, 企係月台既同一 個位置, 好多回想... 呢段時間好開心, 佢講d 佢地上堂既笑料, 我又講下我地班既趣事, 有時又會講下d 感情時... 好多好多~ 可惜呀, e + 無人陪我放學, 無人可以講d 咁既事俾我知... 我亦都無對象可以俾我講野... 真係好掛住長天呀~ 此時此刻, 又再勾起我一段又一段的回憶往事~