2003 年 10 月 11日 【晴】
今日星期六, 早起身, 因為要去 Poly~ 本來約左同學 9 am 係九龍塘地鐵站等, 點知好失暈, 係石硤尾地鐵站一落去, 見到有車就上左去... 哈哈... 原來係去油麻地方向既... Shit~ 搞到遲鬼左~
咁就搭番轉頭, 係 Kln Tong 轉火車, 去到 MK 火車站, 呀香 and 歐鎂華, 仲有 Tammy (唉~ d 人話唔好響佢全朵喎)~ 一拖三去到紅堪火車站等~ 哈哈~
等齊人就起程~ 拎左好多 information, 特別係想修個d 系, Biotech, Applied Bio, Chem Tech, 物理治療... 仲參觀左個圖書館... 超大~ 哈哈... Poly 仲有好多靚女添呀, 又 nice 喎~
參觀完, 一拖五去食巴西燒烤 buffet~ 超無奈 lor, 鐘意食甜品就俾八婆潘頌嘉話女人喎... 我慣左斯文, 又問係唔係男人喎, 痴線, 唔通粗手粗腳就係男人咩? So Hateful~ 仲要係咁食煙喎~ V.Hateful~ 煩到嘔...
And then 就返左屋企, 寫 Report, 做 news cut~ 唉... 咁既下晝又無左~ 夜晚出左去補習, 之後就俾左份禮物俾 doris, 本來佢都話陪我食飯, 不過見佢咁唔得閒, 又話要陪 fd 去球場, 吹水, 咁就就搵左呀妹食飯... 佢陪我食, 去左老 Mac... 順便拎埋隻杯... 咁就返屋企 lu~
番到屋企, 無無聊聊咁... 咩都無做, 淨係 online... 咁又一 day~