☆☆小羊羊牧場☆☆

十二月

2002 年 12 月 31日　【晴】

今日同班 fd 去左BBQ, 初時都唔係咁好玩, 後尾玩耐左先玩得癲癲地~ 玩到成 4 點幾先番到屋企, 5 點先訓覺~ 不過有時又覺得自己把口真係一d 都唔收, Hurt 到人都唔知~

過埋今日就 03 年啦, 我既目標係要考好d 個會考, 2A2B2C, 拎 24 分番黎~

2002 年 12 月 30日　【晴】

今日同老婆仔出街, 陪老婆仔溫書, 做功課, 之後去左灣仔參觀人體奧妙展, 之後我地兩個上左去我爺爺屋企, 睇我細個既時候d BB相, 好可愛~ 好開心~

2002 年 12 月 29日　【晴】

今日同啊媽出左去行街, 有少少白痴lor, 入元朗Shopping , 我行得唔夠半個鐘就要走, 咁無癮, 搭車來回咁就無左成個半鐘, 出番去太子補習~

2002 年 12 月 28日　【晴】

今日成日都係屋企, 無出過街, 咁仲好添啦, 當係收心養性, 溫下書, 做下功課~

2002 年 12 月 27日　【晴】

唉~ 今次真係老羊都燒毛... 今晚補完習, 搭地鐵番屋企, 係大堂坐升降機落低層月台, 一邊就係荃灣線-- 往中環方向, 另一邊就係官塘線-- 往調景嶺, 咁岩部升降機落到低層月台見到有車, 仲就關門添, 就望都無望就上左車, 仲差d 夾親, 點知一望車霜內既 Route Map... 著左荃灣線由旺角至中環既燈, 我就知咩事啦, 之後搭到去油麻地先轉番官塘線, 坐吉車, 唉~ 無奈...

唔點解今日同老婆仔傾計既時候... 好似感覺又唔同左... 突然間又覺得自己好似好鬼死煩, 成日都打電話俾老婆仔, 講埋d 唔等洗既野...

2002 年 12 月 26日　【晴】

今日無聊咁過左一天, 街都幾乎無出, 係夜晚上左婆婆屋企"打癲佬", 嘩~ 好凍啊, 今晚市區溫度得 8 度咋, 凍凍, 老婆仔個度仲凍喎, 唔知老婆仔有無事呢?

2002 年 12 月 25日　【晴】

好無聊啊今日, 成日都無乜落過街, 係屋企招呼親戚, 唉~ 成班親戚大軍殺上黎, 淪陷啦... 打麻雀打到成凌晨 2 點, 搞到我就 2:30 先有得訓, 無奈... 不過... Heehee... 笑咩, 自己估下啦~

不過有一段小插曲, d 鞋放左出門口, 被人偷走左, 六對... 搞到有六個要著拖行走~ hahahaahahaha...

2002 年 12 月 24日　【晴】

今日同左老婆仔一齊大半日, 先去左沙田西田買禮物, 之後搭巴士去左旺角睇戲, Harry Potter... 唉~ 好無奈, 係戲院發生過既事... 瘀到跌渣... 嗱... 老婆仔... 唔好爆出去啊~ HAHAHAHAHA...

有一段小插曲, 係大姨媽度落樓, 二潼一落樓就撞柱, 碌柱都明明油左紅色架啦, 都撞到正~　

2002 年 12 月 23日　【晴】

今日出左去買聖誕禮物, HAHAHA... 老婆仔就開心啦, 聽日有禮物收~ 不過就搞到我遲到補習, 失敗... 唔知咩事近排d Time Management 好有問題...

2002 年 12 月 22日　【晴】

今晚番左爺爺屋企做冬, 幾個星期無見過爺爺, 佢精神都唔錯, 希望佢身體健康啦~

2002 年 12 月 21日　【晴】

今日補完習之後, 做左老婆仔個啊四, 幫佢拎野, 做送貨... 仲搞到遲左上大姨媽屋企, 俾人話左兩句, 不過都無所謂啦, 可以見到老婆仔~ 食完飯之上左細姨媽屋企, 幾個表妹, 仲有我細佬玩大富翁, 我就一於唔玩, 廢事俾人打...

2002 年 12 月 20日　【晴】

今日好開心啊, 朝早收到 Patrick 送俾我既聖誕卡同禮物, 係我係呢間學校讀書咁耐第一份禮物咋, 好感動啊~ 之後就坐左個鐘頭, 祈禱... 無聊到嘔, 之後考埋 Oral 就番左屋企... 唉... Oral... 死左 lu~ 之後番左屋企...

四點幾出左去接老婆仔... 遲大到... 塞車真係好累事... 成晚都同老婆仔一齊, 手拖手, 行街街, 食飯飯, 成9 點幾先走, 老婆仔係巴士站陪左我好耐, 我永遠記得今日係巴士站發生過既事, 第一次... 不過美中不足就係今日老婆仔個肚有少少唔舒服, 真叫人擔心...

2002 年 12 月 19 日　【晴】

今日如果唔係番學校補課同出太子補習, 今日都會過得同琴日無咩分別

2002 年 12 月 18 日　【晴】

今日無事做過... 成日都係屋企, 唔係玩電腦, 就睇電視, 再唔係就聽歌, 同老婆仔傾電話... 幾好幾好... 休息下都好~

2002 年 12 月 17 日　【晴】

今日係換左髮型之後, 第一日見到d 同學, HAHA... 好滿意啊, 好多同學都話我靚仔左喎, 不過有d 同學就唔係咁諗~

2002 年 12 月 16 日　【晴】

好開心啊~ 終放都考晒試 lu, 今日份 Physics 都勉強不過不失啦~ 今晚終於可以早d 訓覺, 唔晒再夜訓 lu ~

今日去左 Esprit Salon 剪頭髮~ 換左個新髮型~ 唔~ 都唔錯~

2002 年 12 月 15 日　【晴】

好開心啊~ 今朝早 10 點幾起左身, 茶都無飲諗住溫書溫到 12 點咁上下, 1 點就出去補習, 點知 11 點個陣時, 補習社打黎話啊 sir 病左, 口駛出去補習 , 咁仲好啦, 可以俾我溫耐d 書, Hahaha... 點知老婆仔話唔係咁開心, 咁就 2:40 pm 出左去, 陪老婆仔~ 當然送埋份生日禮物俾老婆仔啦~ 仲 tum 到老婆仔好開心添啊~ 仲買左個生日蛋糕添~ 個蛋糕... 嘩~ 食完之後, 肥死都似啦~ 不過係老婆仔餵我既, 又有咩所謂喎~

今日成日都無乜點溫過書, 朝早溫左一, 兩個鐘, 出完街, 食埋飯, 番到屋企成 10 點幾 lu, 之後又睇埋 Titanic, 睇到 12:30, 沖埋涼成 1 點咁滯, 之後溫左半個鐘頭書, 就訓覺 lu~ 聽日... 死硬~

2002 年 12 月 14 日　【晴】

開心啊~ 琴晚12 點訓, 今朝成 12 點幾先起身, 好耐都無試過啦, 所有既壓力好似突然間一掃空咁. 今晚食飯, 做冬, 正啊~ 係深井海韻食, d 燒鵝好正, 最正都係個個焗芝士金菇牛柳粒, 好味啊~ 我仲將d 芝士用黎點炸曼頭添啊, 鹹既食法~ 正~

琴日將心內所有既唔開心野, 拋晒出街之後, 今日個人輕左喎, 好舒服~

今日係老婆仔生日, 同佢講句: 生日快樂~

2002 年 12 月 13 日　【晴】

今日黑色星期五, 真係黑仔到跌渣, 番屋企, 屋企係五樓, 點知就四樓出左去, 照平常咁, 行番自己屋企個個單位, hahaha... 手拎住條鎖匙, 開極都開唔到門, 覺得唔對路, 又無換鎖... 奇怪, 抬頭一望... 嘩~ 3XX 室... 咩意思啊... 擰轉個頭, 咦... 4 樓... 當場面都紅晒, 雞手鴨腳咁, 走上後樓梯, 上多一層, 今次無錯啦, 係我屋企, 開到門架, 嘩~ 真係瘀死, 好彩個個單位咁岩無人咋...

之後, 諗住買左kelly 住新碟, 有兩首 MV, 諗住係電腦度開黎睇下啦, 睇過無 PowerDVD 喎, 咁咪搵番隻 Install Disk 出黎, Install 左佢lor, 點知放左隻碟落 CD-Rom 之後, Load 到話我有 Install 喎, 咁咪又再睇多一次啦, 唉~ 點知真係有... 眼細睇唔到, 黑仔都爆...

仲有差d 唔記得, 今晚要補習, 諗住早d 出去, 去旺角買衫衫 (之前睇岩左, 不過無錢), 點知留左個銀包, 仲要係落到地鐵站, 入閘前先知到原來無帶銀包, 仆直啦, 九秒九跑番屋企, 又九秒九跑落地鐵站, 搞到買完件衫就走, 仲諗住行多陣街添架~ 可惡~

2002 年 12 月 13 日　【晴】

今日踢波, 勁無 Mood, 好無態, 好凍, 好唔掂...

全軍覆沒...

6/ 12 Chinese Language Paper II... 炒
6/ 12 English Paper I... 炒
9/ 12 Biology Paper I... 炒
9/ 12 Biology Paper II ( MC )... 不過不失
9/ 12 English Paper III ( Listening )... 炒
10/ 12 Chemistry Paper I... 炒
10/ 12 Chemistry Paper II... 炒
11/ 12 Mathematics Paper I... 炒
11/ 12 Mathematics Paper II... 炒
11/ 12 Chinese Language Paper I... 不過不失
12/ 12 Computer Studies Paper I... 炒
12/ 12 Computer Studies Paper II... 不過不失
12/ 12 Religious Studies... 炒
13/ 12 English Paper II... 炒

老婆仔聽日生日, 不過佢有朋友陪, 都唔會搵我架啦~

有事真係諗, 人地有女朋友, 我又有女朋友, 點解人地可以咁開心, 我就平平淡淡, 即使個男朋友唔搵佢, 個女朋友都會主動搵佢, 我就連搵埋佢, 接佢放學都唔肯見我... 唉~ 人地無見幾日已經要生要死, 我地無見幾多星期, 我又搵佢, 想見佢, 但係佢又唔想... 聽日佢生日啦, 本來諗住佢聽日陪fd, 咁咪今日提早幫佢慶祝lor , 諗好晒點樣同佢慶祝, 乜都諗好, 係我個腦度已經有晒構思, 諗住可以俾個 Surprise, 佢就話今日唔得閒... 咁下星期呢, 星期一, 二又 Sport Day, 星期三放假, 又話要溫書, 做功課, 星期四又話唔知有乜事要做, 星期五又話要去參觀, 仲話參觀完, 睇情況先搵我... 若果你係唔想見我既, 咪直接d 講lor, 點解要避我咁喎... 唉~ 我真係好掛住敏敏...

2002 年 12 月 12 日　【晴】

今日打左個電話俾敏敏, 個種感覺... 好怪, 好不安, 似乎正在蘊釀一場大風暴, 希望我的預感絕對係錯架啦~

2002 年 12 月 11 日　【晴】

2002 年 12 月 10 日　【晴】

連科Chem 都炒, 無晒信心, 無晒 Mood

2002 年 12 月 09 日　【晴】

唉~ 今次考試... 一個字講晒"炒"... 而家既心情... 好凝重... 到家長日, 派成績表既時候, 都唔知點算~ d 成績退步左咁多...

6/ 12 中文作文... 炒
6/ 12 英文作文... 炒
9/ 12 Biology Paper I... 炒
9/ 12 Biology Paper II ( MC )... 不過不失
9/ 12 English Paper III ( Listening )... 炒

2002 年 12 月 08 日　【雨】

唉~ 老婆仔仲未肯原諒我啊, 點算好啊~

今日好凍啊, 琴晚熱到都仲要開風扇訓覺, 今日凍到著幾多衫都唔夠暖咁...

2002 年 12 月 07 日　【晴】

今次死硬... 下星期考試既科目, 掂都無掂過... 唉都唔知點死好~

對不起, 老婆仔~ 我知今次係我做錯, 係我唔岩... 希望妳會原諒我~ 真係好唔開心, 點解喎, 唔講又唔係, 講左又唔係, 講左又令佢更加嬲我... 無晒心機溫書, 見到d 文字, 就會諗起佢講過既野... 真係未試過, 未試過我會一個人, 日光日白喊... 以前有d 咩唔開心既事都只會係夜晚, 屋企人上晒床, 我自己係張床度喊, 今次唔係, 今次我竟然會為左妳流下一滴滴的淚水, 枱沾濕了, 書也濕了... 有時真係好痛恨自己... 星期一就考 Bio 啦~ 19 科, 都唔知可唔可以趕得切溫好書... 考完試就放聖誕假啦... 一個普天同慶的日子, 卻只得我一個人和自己慶祝...

2002 年 12 月 06 日　【晴】

今日收到老婆仔封信, 第二次啦, 第二次同我講做番朋友... 我真係唔想咁做, 我覺得好迷網, 真係唔知點做好. 我都想理及妳既感受, 但係就偏偏身不由己~ 我都覺得我自己好煩啊~ 點解自己唔可以聰明d , 做野可以醒目d , 快d, 效率高d , 咁一切都會黎得順利...

唉~ 今日考試, 兩科作文都... 仆直...

6/ 12 中文作文... 炒
6/ 12 英文作文... 炒

2002 年 12 月 03 日　【晴】

食屎啦, 張少仙, 你係人唔係啊? M 到啊你, 發老脾, 咁唔好老脾咪撚教書啦, 發Q 晒老脾, 我唔受架~ 你自己無睇到 Office 個 Notice Board 就係你自己問題啦, 發咩老脾姐, 人地A-Grade 校隊要踢波, 你又唔俾佢走, 到啊 Sir 拉人走, 你又唔据, Till~ 又係度鬧, 真係你既英文堂就大撚晒既, 食蕉就有你份~ 家陣擺到明係唔踞你架啦~ 點啊? ~

2002 年 12 月 03 日　【晴】

唉~ 好彩都搞平左件班衫問題, 而家應該用班會錢改個件有問題既衫, 我都算鬆一口氣~

就快考試啦, 我諗我都係時候 Stop 下, 專心溫好書, 考完試先再 online lu~

2002 年 12 月 02 日　【陰】

今日下晝無番學, 請左半日假去瑪嘉烈覆診, 今日下晝有三堂電腦堂完全唔駛上~ 唔駛悶~ 唉~ 無奈lor 等見醫生個時, 姑娘叫 x 家榮, 我以為係我啦, 點知唔係, 瘀到痺, 之後又叫"楊家樂" 喎, 搞到我唔知點咁, 跟住出去問下啦, 今次唔係叫再, 係寫住楊家榮, 不過就係個姑娘讀錯, "榮"字讀左做'樂"字, 咁既錯都犯得... 唉...

哎呀~ 好驚啊, 班衫其中有一件個名有錯啊, 錯唔係在於對方, 而是我自己, 我將個名個 "n" 字睇左做 "r" 字啊, 點算啊, 係我抄錯左啊, 好驚要引疚辭職啊, 唔通我真係做唔到咁高既職位? 點算好啊... 有無人話我知啊, 老婆仔, 妳係邊啊... 我唔知點做好啊... 我好想見到妳啊... 好唔開心啊... 好耐都無見過妳啦... 我好掛住妳啊...

2002 年 12 月 01 日　【陰】

真係話咁快就12 月啦~ 會考仲有5 個月, 但係自己身心都未準備好, 都唔知點算好~ 今朝 9:15 就起左身lu , 本來諗住去左自修室放低d 野, 霸左個位先, 10:30 先再番學校補課, 但係人多, 驚俾人收位, 最後都無補課, 一直溫書溫到4:15pm 先走, 中間仲打左陣波添~ 之後出左旺角攞衫, 五個人, 我啦, 周sir, 貓仔, 劉神父, 仲有肥玄玄, 之後肥玄玄有事未做, 我地其餘四個人打的番學校, 放晒d 衫係啊sir 個位度~ heehee~~