二月

2003 年 02 月 28 日　【晴】

今日放早, 但係唔代表我有得休息, 放學 Ms. Chew 寫 Call 紙搵我, 我心諗以為唔方好野, 原來係關於畢業演講, Ms. Chew 同我地四個主席講左關於個日既安排, 又要煩啦, 又要搵人上台講野, 又要寫搞喎, 最慘係今鋪我走唔甩, 要上台講野添~ 好驚~

今日睇到一d 唔知應唔應該睇既野, 睇完之後好唔開心, 有一種酸溜溜的感覺, 很不好受, 覺得好似有d 野咁, 暪住我, 我寧願知道究竟發生咩事, 同我講清楚, 好過我唔知情, 知d 唔知d , 估估下咁...

每晚, 你抬頭看見兒亮, 向地上的人展現最美的一面, 好美, 好漂亮, 當你伸出手, 嘗試把她捉住, 卻不知不覺從你的手心溜了出去, 又回到很遠的遠方, 但是你有沒有想過, 為何月亮只向人們展現他的正面, 而非背面? 因為她的背面實在是醜陋不堪, 只有她的正面才可以令你們醄醉, 才不察覺她的背面而已~

2003 年 02 月 26 日　【晴】

好掛住老婆仔呀~ 好想快d 到星期日, 補習, 可以見到妳, 又突然之間好想見到妳, 好想好想... 就算可以聽下妳把聲都好, 但係呢幾日真係忙到死~ 謝師宴d 野又未搞掂, 星期一開完 Lunch Meeting, 今朝又要開會, 今日又 PE Test, 未到我 Test 之前, 係咁練, 練到 Pat Pat 肌肉都酸軟晒, 到我 Test 我時... 又... 唉~ 失敗... 成個 Pat Pat 坐落去, 開花~ 放左學番到屋企已經�ヮ鴞�, 換左衫, 攤左係張 Sofa 度, 十五分鐘唔駛就訓著左, 一訓訓到成 6:45pm , 仲諗住打電話俾老婆仔添~ Hahaha... 訓醒... 之後又要溫書, 我下左決心每日至少抽兩個半鐘溫書, 我覺得溫一陣書比玩成日電腦過得充實~ 宜家我每日都會夜晚 10:45 之後先會 online, 因為要溫書~ 為會考~

太好啦, 聽日, 後日都放夏令時間, 放 1:30pm ~ 可以番屋企食飯, 儲下錢~ 我 Plan 過, 如果我今年做到暑假工, 做三個月, 又有 $ 3500 一個月呢, 今年我可以儲到過萬蚊, 唔諗咁遠, 呢筆錢俾我考車牌都夠, 我又應承左老婆仔, 到老婆仔 18 歲生日個時陪佢去旅行~ 都唔係唔諗咁多啦, 實實在在考好個會考先~

哈~ 唔知星期五, 接唔接老婆仔放學好呢? 同老婆仔一齊溫書? 幫佢溫習? 還是出去行街街好呢?

2003 年 02 月 23 日　【晴】

今日終於到見到老婆仔lu~ 一見到妳就會開心晒, 老婆仔亦都好主動咁搵我, 補習個時都肯坐我隔離~ 好開心, 因為都算冰釋前嫌~

計埋今日, 無同隻死女人譚銘言講過野八日啦~ 我覺得而家大家既關係都好僵~

2003 年 02 月 21 日　【晴】

今日老婆仔打電話俾我, 我真係有諗過接唔接個電話架, 後尾都聽左, 老婆仔同我講左幾句說話, 「我睇左你封信啦, 我諗得好清楚, 或者成件事都係我對你無信心, 係我太敏感, 我想同你講... 」, 停左幾秒, 成個世界好似突然之間變得好靜, 好漫長, 我以為我真係要同妳分手, 妳再開口講野「Sorry~ 」, 個一刻我真係有少少受寵若驚, 不過既然老婆仔都肯主動打電話 Say Sorry, 我都已經原諒左佢架啦, 不過下次再有同事情發生, 我真係會考慮離開妳... 我唔係下巴輕輕, 我真係好唔開心, 點解我做左咁多事情, 你對我依然咁沒有信心, 諗過如果你睇完封信之後都唔明白我既話, 我真係會一聲唔出, 就咁離開架... 所以我好怕星期日補習見到妳既時候我唔知點面對妳...

既然事情已經過去, 唔開心亦都唔想再提, 而家要既, 就是珍惜眼前人, 善用每一天的時間, 做再充實, 有意義的事情~

2003 年 02 月 20 日　【陰】

今日心情比昨天好一點兒... 但係我真係唔明白妳點解會對我一點信心都無, 我以為妳對我有信心, 我之前先會俾 Password 妳, 因為我覺得無一個人比妳更加讓我可以相信, 但係我終於知道原來我既諗法係好錯, 仲覺得自己好天真, 原來妳一直對我都無信心... 覺得好失望... 但係我無放棄過妳, 我依然希望妳會原諒我, 諒解我... 所以我今日先會寫左封信, 寄俾妳...

我對妳充滿信心, 但妳對我卻是如此... 妳對我講妳補習為左溝仔, 識男仔, 就係因為我信妳唔會, 我先會放心, 本來我打算不和妳到同一個中心上堂, 但奈何無位呢... 我覺得妳跟本沒有相信過我, 反者我真是太就妳罷, 妳要我坦白, 但係妳跟本不信我, 我又怎跟妳坦白呢...

要我放棄只是輕而易舉的事, 況且會考將至, 我有理由和妳分開, 但我到而家我都無諗過放棄, 因為我個心仲對住妳, 依然刻著妳的名字, 依然是這樣愛妳...

2003 年 02 月 19 日　【晴】

今日依然好唔開心... 好唔開心好唔開心...

由上星期五到今日, 我已經三日無同 Matthew 講過一句說話~

2003 年 02 月 18 日　【陰】

我今日知道究竟發生咩事老婆仔會嬲我... 一個留言... 但係... 我跟本無做過對唔住妳既事情, 點解妳唔可以信我...

2003 年 02 月 17 日　【陰】

我完全唔知今日發生咩事, 點解唔好既野總是要一次過來... 老婆仔唔知咩事嬲左我, 我打電話俾佢, 佢又唔講... 我都唔知可以點做... 爺爺又唔係咁精神... 好煩呀...

2003 年 02 月 16 日　【晴】

今日去左沙田補習, 同老婆仔一齊補... 補完之後上左萬彿寺求籤, 上上籤~

2003 年 02 月 14 日　【陰】

今日係西方情人節, 有唔開心, 亦都有開心, 但整體上都算幾開心既~

唔開心~ 因為我今日又同 Matthew 鬧交啦, 但係事實係佢唔岩在先喎, 道理又係我個邊~ 明明係佢叫利是封印 11 份 past Paper, 而且係得佢知邊個有份要喎, 咁你唔知利是封 ICQ and Tel. no 咁我咪代你琴日打俾佢提醒佢 lor, 咁佢又同我比較熟, 先會放疊 Past Paper係我 (木台)上姐, 咁我見我又有份, 咁當然拎左自己個份先架啦, 唔執輸喎, 咁你又叫我派埋俾有份個d , 好啦, 最後得番兩份, 咁你叫得人地印, 你就自然係搞手, 要負責架啦, 你條仆街, 死都唔肯 Keep 個兩份野喎, 問你邊個有份要, 你又話唔記得, 咁你搞得就係你keep 架啦, 你就屈番我轉頭話放係我(�^)就係我負責, 邊有d 咁既道理架, 我問你邊個話印, 你就答我放係我(木台)就係我負責, 我係問你邊個話印, 個個係你, 咁負責既就自然係你啦, 你咁做都擺明係推卸責任, 話你自己唔係八婆, 咁你呢d 係咩呀, 我同我自己講, 我係宜後都唔會叫你做任何既事, 你叫我做既野我都會一口拒絕, 擺到明同你劃清界線, 你有你, 我有我, 記住係你自己做成架, 仆街~ !!!!!

開心~ 今日情人節同老婆仔去左佢d 朋友屋企 bbq, 本應今日補習架, 但係為左同老婆仔出街, 無去到, 大話都要講一次架啦, 有時真係估唔到愛情既魔力咁大... 收到老婆仔送俾我既禮物好開心~ YeAH~ 好幸福~

2003 年 02 月 13 日　【陰】

今日溫中文... 溫書溫到成 2點幾, 雖然係辛苦, 但係聽日又可以見到老婆仔, 乜都抵番啦, 不過呢幾日實在是忙得很, 搞到無咩時間又無咩心思去揀情人節禮物, 結果只係買左隻 CD, Love Together, 希望老婆仔欣賞音樂之餘, 都可以想起我對好說過既甜言細語~

Miss Ip 俾左份功課我, 調查我班同學對謝師宴既意見, 又有排做~

2003 年 02 月 07 日　【陰】

今日好番好多啦, 不過有喉嚨痛, 一早起身就狂做功課, 因為我知道下晝要出街, 同老婆仔出街, Lunch 都係屋企食埋, 唔知點解平時唔出街, 一出街就鬼死咁多電話打黎, 特別係我出門口之前~

今日我同老婆仔去左舊啟德機場環球嘉年華, 我玩左個機動遊戲 G Force... 嘩~ 好激... 連我咁玩得都驚驚地... 最衰都係老婆仔啦, 成日都想我玩, 自己又唔敢玩喎, 係都要叫我玩, 衰婆... 不過又好開心~ 因為可以見到老婆仔, 不過老婆仔好惡呀, 係都要人食葯... 不過我都知佢係為我好姐~ 我仲用新dc 同老婆仔影左合照, 不過... 幫我地影個個技術實在太高啦, 連dc 都唔識用... 實在係無奈~

今晚又俾阿媽識穿左我同老婆仔拍拖啦, heehee... 不過我一於少理, 我自己搞得掂就得架啦, 又唔會做出d 咩事情出得既~

2003 年 02 月 06 日　【晴】

今日精神好多啦, 一起身仲唔知點解拆利是添~ 不過又要回水俾老媽子... 真慘, 之後同阿媽食早餐, 番黎做功課, 阿媽就入左屯門開工打牌, 3 點幾出左去補習, 補完同袁永行左陣街, 7 點又要補習, 不過中間有一段十分好笑既小插曲, 想知既就問我啦~ hahaha...

2003 年 02 月 05 日　【晴】

好辛苦~ 今日我病左~ 朝早嘔左一次, 之後又痾左一次, 一直迷頭迷腦咁訓覺訓覺... 訓到 12點, 落左床都仲好眼訓, 訓左係 sofa 度, 訓度成 1 點先叫細路幫我買個飯盒俾我食, 之後又訓... 訓到三, 四點, 老婆仔打電話黎, 傾左成個幾鐘電話, 傾到差不多 5 點, 又訓過, 不過今次係老婆仔�息琤�訓既, 6 點老婆仔就打黎叫我起身, 不過我懞懞糊糊中好似同老婆仔講左幾句說話, 但係唔記得講咩, 我淨係記得老婆仔話我訓醒個把聲好得意, 收左線之後又訓到成 6: 30 , 今次老豆打黎叫我地去食飯, 本來諗唔落, 叫老豆買番黎俾我食, 但係佢都唔醒目, 我病都九彩都已經無力, 仲要我落去, 我都係起左身, 發覺自己個額頭好熱, 自己拎枝探熱針度下, 嘩~ 成 100.2'F , 之後就落左去睇醫生, 仲開年, 俾醫生打針... 好痛... 番到屋企... 沖左涼... 我又繼續訓覺... 成日都係訓覺, 淨係做過一樣野, 就係可以聽到老婆仔把聲~ 好 Sweet~

2003 年 02 月 04 日　【晴】

今日初四, 阿爸開工, 阿媽都要開工, 不過係入屯門, 同姨媽佢地係麻雀�^上開工, 我就本來打算初四開市, 溫書, 點知 Lunch 同班 fd 食完法國餐之後, 上埋個 fd 屋企坐左一陣, 都成 2 點幾, 書, 都叫有睇過, 幾頁啦, 最後都係番左屋企, 之後夜晚又出街, 又同班fd 出去玩, 落左尖咀, 傾左好多野~ 最後上左阿斌屋企, 打左幾鋪麻雀, 成點幾先番屋企, 三晚都成兩點先訓覺~

2003 年 02 月 03 日　【晴】

今日初三, 赤口, 無拜年, 係屋企, 老豆, 老媽子就同大細姨細, 霞姨, 阿婆入左沙田馬場, 之後 4, 5 點先番黎, 打麻雀, 最後 9 點落左去食豬骨煲... 嘩~ 正~ 好味味~ 不過好肥~

2003 年 02 月 02 日　【晴】

今日大年初二, 又早起身去拜年, 年年如是, 但係我就一於少理, 因為有利是逗~ haha...

今日第一站行程去飲茶, 好左姑婆新屋附近個間茶樓, 之後上左姑婆新屋參觀, 然之後就成班人馬, 有我地, 大姨媽, 細姨媽, 仲有舅父仔, 拉大隊, 上婆婆度, ...實在悶得很... 最後同細佬, 表妹, 落左荃灣睇戲, 睇 Catch Me If You Can, 嘩~ 實在太好睇啦~ 正~ 未睇一定要睇~ 之後又番左婆婆屋食晚飯, 鋤d ~ 咁就一日... 真係快~

2003 年 02 月 01 日　【晴】

今日大年初一, 好早好早就起左身啦~ 因為琴晚買左dc當然要早d起身研究下架啦~ haha實在太開心啦~ 今日著晒靚靚既新衫~ 去拜年, 上爺爺屋企食午飯, 之後出去旺角睇戲, 睇左Die Another Day~ 本來有得坐叔叔車架, 不過唔知咩原故個車輪漏氣喎, 唯有"打的"啦, 睇完, 之後又番爺爺屋企食晚飯~ 好多人啊, 有大表哥, 大表姐, 大伯, 阿叔~ 仲幫大表哥個仔, 用新相機幫我個表外牲影左相相啊~ 因為佢實在太得意啦~