一月

2003 年 01 月 31 日　【晴】

嘩~ 好開心啊~ 終於都得賞所願, 買左數碼相機啦, 仲要係夜晚食飽團年飯拉阿媽出去買, 叫媽咪幫我碌卡, 太好啦~ 儲左咁耐錢, 買自己想買既野, 真係好開心架, 不過 $ 3XXX, 過完年要節衣縮食啦, 又要儲下錢, 或者諗定下一次目標~

好掛住老婆仔, 朝早補完習, 入左上水搵老婆仔, 見得個半個鐘咋~ haha... 老婆仔出黎個時趕唔切吹頭, 頭髮仲濕淋淋, 又無扎辮, 成個傻婆咁~ hahaha

2003 年 01 月 30 日　【晴】

今晚本來要補 CS 架, 但係現代無印到 Notes, 無教材, 唔駛上, 不過下堂要上 Double lesson~

2003 年 01 月 29 日　【晴】

今日英文堂做 Listening, 部 Walkman 神神地, 搞到我要做跑腿落 Staff Room 借過部機, haha... 咁岩俾Miss Ng, 萍姨, 讚我斯文喎, haha... 佢仲話平時見到我都唔係咁, 原來你係咁斯文架喎... hahaha, 有d 受寵若驚添~

仲有呢, 英文堂 Miss 成日都係 Kelvin 仔, Kelvin 仔, 好怪怪, 就大聲同 Miss 講, 唔好加個仔字落去啦, 咁難聽, 跟住 Miss 就講啦喎, 咁 Kelvin哥 lor, 唉~ 真係俾 miss 玩死, 都唔知好笑定好嬲添~

今日 form 7 last day 啦, 過埋農曆年佢地就考 Mock, 之後就差不多輪到我地Last Day, 考 Mock架啦~

今日超人生日, 送左一份大禮俾佢, 夜晚仲出左去食飯, 仲行埋維園花市~

今日出去個時有一段小插曲, 有一對外籍人仕夫婦問路, 仲係用英文喎, "Do u know where is Temple Street? "

hahaha... 好彩我d 英文oral 都唔係弱, 仲識得答番佢, 最後仲同佢地講多句, " Have a nice day. " 不過我真係發覺周街都係人, 點解次次問路都揀中我既, 廣東話既有啦, 普通話既有喎, 英文又有喎~

2003 年 01 月 29 日　【晴】

今日俾啊sir話, 俾啊sir話我d 成績退步左, d chem 既成積一直向下滑... 仲俾啊sir話叫我上堂唔好成日訓覺, 好唔開心啊, 咁樣俾啊sir 話一話搞到今日lunch都無乜心機食飯, 仲心情好燥, 串人串到無面俾~ 唉~ ... 看來今個農曆年假, 如非必要都係要留係屋企溫書, 挽留下我自己既面子啦~

2003 年 01 月 29 日　【晴】

陳可立, 你知唔知你真係好乞人憎啊, 人地影相關你叉事咩, 即影即有既, 唔係即時見到我影像架麻, 要等一陣, 慢慢先有野睇架麻, 頂你個肺啊, 竟然話似車頭相喎, 人地鄧偉駿今日生日, 你把死人口就唔好咁賤啦, 你呢d 叫口舌招尤, 踩你一腳算俾面你, 你都仲要踩番我轉頭, 仲要大大力喎, 頂你啊, 家陣係你衰先唔係我啊~

講起都興, 借親野俾你都唔會還, Form 1, 你話無錢買數碼暴龍機, 我借俾你, 過期還書, 罰錢, 我又借俾你, 你到而家 Form 5, 你一個仙都無還過俾我, 我都算啦, 早排係自修室, 你話無擦膠, 我都借俾你, 但係你連擦膠咁小既野你都無還番俾我, 我唔係計較個樣野既價值, 我係好懷疑你既誠信問題 lor~ 自從上次借擦膠無還之後, 我以後都唔會借任何野俾你lor, 呢d 係你自己一手一腳做成, 係你自己拎黎賤架咋, 唔係我小氣, 唔係我小家啊, 你要記住啊~

2003 年 01 月 29 日　【晴】

食屎啦, 譚銘言, 關你叉事咩, 我條褲鏈已經壞左架啦, 我都已經用個袋遮住先整, 你都仲係要搞事喎, 係都要拎走我個袋喎, 你係唔係好想打啊, 如果唔係中間隔住 Fish, 又係 Hall 度 assembly, 你一早已經俾我打左啦, 今朝已經好想同你開拖架啦, 你下次再係度搞, 你唔好話我唔落手啊, 你呢d 人抵死架, 成日撩事鬥飛, 正一仆街黎架, 人地搞你就唔得, 你搞人就大q 晒, 抵死啦, 今日俾我個波省中, 真係有d 後悔點解唔大力d , 踢高少少, 省你塊面啊~

仲有, 我考試既成績關你叉事咩, 我考第幾, 咩成績, 咩分數, 通通都關你叉事咩, 成日係度問呢問路, 唔知你駛死啊家陣, 我係擺明唔講架啦, 你吹尻脹啊, 唔單止你一個唔講, 全校全Form , 甚至係我d fd 都唔講, 哈哈, 好笑, 唔講又會俾你話似女人, 小家喎, 你去食無皮香蕉啦, 唔講係因為我個人原則問題, 唔講就唔講, 要你批准啊家陣, 女人... 你係我唔係, 由今日開始, 我都唔會同你講咁多關於我自己既野架啦, 你鐘意點話我都好, 錯唔係我, 係你待人既態度好有問題~

2003 年 01 月 28 日　【晴】

今日中文 test... 唔係咁滿意~ 放左學去左買mouse, 買左隻 Filand 既 Optica Mouse, 好好用啊, 好順~ 又買左一盒模型, 聽日送俾超人做生日禮物~

2003 年 01 月 27 日　【晴】

今日成日都無開過電腦~ 都係為左溫書~ haha...

2003 年 01 月 26 日　【晴】

今日大掃除~

2003 年 01 月 25 日　【晴】

今日終於都剪左頭髮 lor, 係 Salon Esprit剪, 梗係啦, 琴日我 Book 左時間麻, 今次剪得幾好, 薄薄地~ 今晚仲上左婆婆度食團年飯添~

2003 年 01 月 24 日　【晴】

今日... HAHA, 差d 訓過頭, 遲到去補習~

2003 年 01 月 23 日　【晴】

今日我仲諗梗琴日發生既事, 好似發夢咁, 但係個種感覺又好真實~ 總之種感覺就係好唔同~ 老婆仔, 我愛妳~

2003 年 01 月 22 日　【晴】

今朝番學個時老婆仔打電話黎, 我都估到唔係好事架啦, 老婆仔今朝肚仔痛, 無番到學, 搞到我成日都忐忑不安咁, 下晝老婆仔好番好多, 我先放心, 我仲入左上水睇老婆仔有無事, 我地無去行街街, 無去食野, 無去溫書, 去左公園坐... 之後... (下刪百字), 最後我差不多成 9pm 先番屋企~

2003 年 01 月 21 日　【晴】

好開心啊今日, 上星期練左幾日大合唱, 又要安排呢樣, 又要整個樣, 今日終放都正式上台比賽啦, 好正啊, 第一次見到自己班可以咁團結, 全班 42 個同學都一齊上晒台唱歌, 仲有周 sir Solo 添啊, 雖然我地班唱得麻麻, 入早左個 key, 搞到好似二重唱架, 又細聲喎, 入唔到 Final, 但係都已經足夠啦, 好開心啊~

今日仲有律師, 仲有 Matthew 送生日禮物俾我啊~

2003 年 01 月 20 日　【晴】

今日收到 tiffany 送既禮物, 多謝~ 本來諗住今日去剪頭髮架, 不過 Full 左, 無得剪~

2003 年 01 月 19 日　【晴】

琴日生完日, 今日就家長日, 成績退步左啊, 自己都好唔滿意, 不過操行都有 A-, 評語就 "A Trustworthy class club chairman who gets along well with his fellow students."

2003 年 01 月 18 日　【晴】

今日好開心啊, 收左三份禮物, 三份都係老婆仔送既, 成日都好多人打黎俾我, 同我講生日快樂, 阿斌, 律師, Cheap Cheap, Karina 仲一齊打黎同我講生日快樂添啊, 仲有 Doris, Patrick, 余嘉銘, 大頭, 袁永, 佢地都有打黎同我講生日快樂, 好開心啊, 最開心都係有老婆仔陪我過既生日, 本來老婆仔整左個 Tiramisu 架, 不過拎個時整散左, 無得食喎~ 好開心啊~ YEAH~

2003 年 01 月 17 日　【晴】

聽日就生日啦, 17 歲仔啦~ 今日班同學夾錢買左個蛋糕送俾我, 嘩哈哈, 係人都諗到個蛋糕唔係用黎食, 係用黎掟架啦, 搞到成面都係 Cream, 好滑~

2003 年 01 月 16 日　【晴】

今日本來都好地地, 開開心心咁, 但係唔知點解到左夜晚, 收到好多 netfd send 黎既生日卡, 生日快樂, 我就越黎越唔開心, 好驚, 出去補習情況更加嚴重, 好有想喊既衝動, 唔知點解, 夜左我就更加唔開心, 好快就生日, 但係亦都代表好快就家長日, 好唔想黎日既來臨...

今晚睇完"戇夫成龍'之後, 突然間好想自己就係阿旺, 可以日日都咁開心, 日日都可以陪老婆仔, 可以令老婆仔日日都咁開心... 你話做傻人係唔係真係咁好, 可以咩都唔駛理, 傻人真係有傻福, 最幸福既, 都莫過於係傻人...

2003 年 01 月 15 日　【晴】

今日放左學睇貓仔唱歌, hahaaha...

2003 年 01 月 14 日　【晴】

今日好high啊, 今日放左學留低班同學練歌, 雖然唔係個個都到齊, 但係唱歌個時真係好好feel, 好正, 平時班人, 成盤沙咁, 一d 都唔團結, 但係今日唱歌個時, 覺得班同學好團結, 好齊心, 雖然係第一次練習, 但係都唱得唔差, 我諗練多幾次, 一定好好多~ 亦都好開心我可以將自己班搞到團結一齊做一樣事, 好開心, 亦都好有成功感, 希望下星期二大合唱比賽, 可以贏到, 就算無獎品, 都要表現到地 5C班最團結既一刻, 留下一個美好的中學回憶~

2003 年 01 月 13 日　【晴】

前幾日病完今日到老婆仔啦, 好擔心老婆仔, 成日都忐忑不安... 下晝知道老婆仔無事, 先放心咋~

2003 年 01 月 12 日　【晴】

今日又唔係咁舒服, 流鼻水, 咳咳, 咳到我肺都甩咁滯... 今日終於都買到鞋過年啦, yeah! 對鞋 $ 899 媽咪俾錢, 多謝媽咪~

2003 年 01 月 11 日　【晴】

好辛苦, 琴晚訓訓下好熱, 發燒, 口乾但係又起唔到身, 死頂到第二朝早, 死左粒葯, 又訓過, 到下晝先好番好多, 先可以出街玩, 出去同袁永成睇戲, 睇金雞...

2003 年 01 月 10 日　【晴】

今日心情終放都好番d , 因為聽日就星期六, 可以叫做抖抖, 但係又有好多野要做喎, 今日我驚無神俾 Maths 啊 sir" 質" 左d 野落黎俾我做喎, 下星期又要安排時間大合唱 Practices, 又要搵音樂, 又要搵歌詞, 仲要溫書添, 我諗我係時候生多幾對手出黎幫我分擔下d 工作啦~

2003 年 01 月 09 日　【晴】

今日終放都派英文卷啦, 好失望, 作文... 抄左, GE, Listening 都唔差... 唉~ 雖然今日見到老婆仔, 表面上我係開開心心, 但其實我心裡仲係耿耿於懷點解自己今次d 成績考得咁差架...

2003 年 01 月 08 日　【晴】

今日除左派 cs　之外都無其他科卷要派啦, CS 又拉車邊合格, 唉~

2003 年 01 月 07 日　【陰】

今日又再派卷啦, RS 又抄埋...

2003 年 01 月 06 日　【雨】

今日係新一年, 第一日番學, 本應係值得慶祝既, 但係今日就偏偏要派卷, 好唔開心啊, Bio, 中文都抄左, Maths 就勉勉強強合格... 唉~

2003 年 01 月 05 日　【陰】

今日同媽咪去左尖咀 Shopping~ 收穫... 一件衫... 下星期要再 Shop 過~ 今日送左部新電視機~

哎呀~ 死 lor~ 又發福啦... 今次真係過左... 啦, 點算啊... 咁肥...

2003 年 01 月 04 日　【陰】

今日同媽咪去左鑽石山 Shopping~ 無收穫~ 今日老豆終放都幫我搞左轉台啦~

2003 年 01 月 03 日　【陰】

今日朝早番左學校補課, 之後番左屋企一陣, 就出左去就老婆仔放學~ 好開心, 雖然係短短既一個幾鐘頭, 但係見到老婆仔就已經好開心啦~ 之後就出番去補習~ 咁就一日 lu~

2003 年 01 月 02 日　【陰】

今日成日都係屋企做功課, 溫書咁, 夜晚就出左去補習, 嘩~ 今晚飲個碗燙, 十全大補雞燙... 都唔係人飲架, 臭得佢啊~ (嘔...)

2003 年 01 月 01 日　【陰】

今日訓到成 2 點先起身, 無野好做吽吽下咁就一日~