十一月

2002 年 11 月 30 日　【陰】

今朝一早就起身, 又要番學校補課, 唉~ 真係悶到跌渣, 之後落左去自修室, 溫左好耐書, 一直溫書溫到圖書館關門, 5pm, 之後上左婆婆屋企食飯, Hohoho... 咁就一日, 十一月就咁就過去左~

2002 年 11 月 29 日　【陰】

今日又可以同老婆仔傾電話啦~ YEAH~ 不過老婆仔有d 咳咳啊~ 小心身體啊~

今日師生賽, 5A對老師隊, 嘩~ 好想打柒校長啊, 好撚樣衰啊~ Hahahaha... 放左學之後, 同老婆仔傾完電話後, 出左尖咀無印, 買左唔係好多野, 之後落左旺角, 買左一條籃球褲, 又駛錢lu~

2002 年 11 月 28 日　【陰】

好開心啊, 今日同老婆仔傾左差不多成一個鐘頭電話, 不過我用手電, 好耐都無聽過老婆仔把聲啦, 好開心啊~ 有成個月未見過老婆仔, 諗住今日可以有老婆仔接放學, 但係都係無喎~ 不過有得聽老婆仔把聲都滿足架啦~

2002 年 11 月 27 日　【陰】

無聊的一天~

2002 年 11 月 26 日　【晴】

今日... 無咩特別事情發生, 或者是一件好事~

一種相思, 兩處閑愁. 聽日默書啊, 默呢科, 唔知點解背呢兩句個時特別有 feel 既~

2002 年 11 月 26 日　【晴】

今日派番 RS Test 份卷, Yeah~ 我滿分啊~ 太開心lor~

2002 年 11 月 25 日　【晴】

下個星期五就要考試啦, 6/5 就係啦~ 唉~ 唔知點解近排個心成都忐忑不安, 係時候要放學某d 野~ 將感情放開, 將玩樂放學, 將所以唔重要既人, 事, 物都放開, 或者這樣做我先可以有心情溫書, 先可以考好d 個試, 考好d 個會考~ 第一野我要放開的, 就係電腦, 考試個排我都會盡量唔玩電腦, 甚至將個火牛拔走~ 咁樣我先可以集中精神溫書~

其實我真係唔係幾鐘意溫書架~ 但係我又偏偏唔鐘意一個人既感覺, 好 Lonely, 好唔開心, 所以我先至會溫書, 因為溫書可以令我精神暫時得到寄託... 唉~ 心事重重, 何時才可以解決? 直至會考結束?

2002 年 11 月 24 日　【晴】

今日落左自修室溫書, 溫 Physcis, 因為聽日測驗 electric Magnetic個課, 所以做下D 問題, 但係個兩個 Rule, Left hand rule, right hand rule, 搞到成個痙攣兒童咁, 隻手左擰右擰~ 好鬼白痴~ Hahahahaha...

2002 年 11 月 23 日　【晴】

今日好唔開心啊~ 成日都係得我一個人, 得我一個人係屋企, 得我一個人食飯, 溫書都是係屋企一個人溫, 覺得自己好 Lonely, 無人關心我... 我隻手指俾玻璃 界�}親, 傷口好深, 但係都無一個人知, 流左好多血, 貼左膠布都仲滲血, 好痛~

好掛住妳. 好耐都無同妳正正式式咁出街街啦~ 究竟考試, 會考, 高考, 甚至係中學生活, 會唔會係戀愛既墳墓呢?

2002 年 11 月 22 日　【晴】

今日中文終於都測左驗 lu, 痴線架~ d 題目真係深到 PK 啊~ 真係深到我都"唔識"答啊~ 成三個星期都無見老婆仔啦, 好掛住妳啊~ 仲有兩個星期就要考試啦~ 好想見完老婆仔先考試啊~

2002 年 11 月 21 日　【晴】

今日雖然放早, 但係都係要溫書, 因為聽日中文測驗, 要溫書~ 今日個 RS TEST, 易到"跌渣"有溫書一定識, 兼且我有 Tips~ 所以唔難應付~

2002 年 11 月 20 日　【晴】

好辛苦啊~ 喉嚨痛啊~ 已經成日喝人啦, 都係咁痛... 聽日要 RS Test 啊, 聽日又要溫星期五個個中文 Test 喎, 又要補習喎, 好繁忙~ 我好掛住老婆仔啊, 妳有無掛住我呢, 我有好多野想同妳講啊~ 亦都有野想送俾妳既~ 係咩? 唔話妳知住~ Heeheeheeheehee...

2002 年 11 月 19 日　【晴】

輸左 lu~ 今日對 7C 都係輸左, 仲輸 5 隻蛋, 無計啦, 人地超班, 大我地兩年, 又有一半係校隊喎, 唔輸都難啦~ 不過都有亞軍~

今日派番份 Bio Test 啊~ 好差啊, 我得 8.5/ 28 分咋, 全班仲要得 7 個人合格喎, 好差啊好差啊, 下星期一放學又要 re-Test 啦~ 我要努力~

2002 年 11 月 18 日　【晴】

今日d 天氣又比琴日凍左少少~ 今日 Maths Test... 噢~ 我有溫書, 我識做~ ^^, 不過做完份卷先知道有已有好多 Careless Mistakes... YEAH~ 今日我班又贏左啦, 贏左熱門之一既 F.6C, 勁啊~ 上半場我地先領先一球, 不過下半場, 被個唔知乜料既球証吹左兩球 12 碼, 第一球好彩唔入, 但係第二次點都無咁好彩, 俾人追和... 搞到又係要 12 碼定勝負, 我地班又贏左 lu~ 不過聽日對大熱門 F.7C 無咁好彩 lu~

2002 年 11 月 17 日　【陰】

今日無得見老婆仔啊~ 嗚嗚... 好掛住妳啊, 老婆仔~ 今朝一早 9: 45 am 就起左身啦, 雖然今日係星期日, 但係我都仲要�荇晡A, 因為今朝 10:30am 要番學校補課, 一星期番足七日學. 好白痴啊, �茼礄M校服, 係街度行都俾人望住晒咁, , 補課個個 Tutor 又... 唉... 同我溫習咁, d 野我都識晒, 真係想大番佢轉頭咁濟啊, 早之初時就唔好貪得意 tick 名報 Chem Tutorial 啦~ 之後, 我同超人, 仲有肥玄出左去天后中央圖書館, 嘩~ 老蓮咁大, 不過我地上去既目的都係去溫書姐, 不過你話點解要走到咁遠溫書啊, 我真係唔知啦, 貪得意掛~

仲有啊, 我今日食左好多野啊, 今朝係金龍船買左一件芝士慕絲啦, 晏晝又係金龍船買左一件芒果慕絲, 一件脆皮芝士慕絲啦, 到下件茶, 3 點幾又係 Delifrance 嘆Coffee and 食野啦, 夜晚食呢個羊腩煲喎~ 一日咁多餐, 仲餐餐咁高熱量, 真係唔增磅都難 lor~

2002 年 11 月 16 日　【陰】

今朝一早就起左身, 唉~ 又係要番學補課, 今日補 CS , 其實都唔多算補既, 傾計多咁啦, 之後下晝終放都要去�垓棺鋓 Hahaha... 戴左眼鏡之後成個人都斯文左, 睇野都 Shape 左, 同埋睇野睇得耐對眼會無咁�ユ 不過我今日唔係咁舒服啊, 喉嚨痛, 個人仲好��, 周身骨痛咁, 所以拎完眼鏡之後就番左屋企, 覺覺豬... 真係 Sorry 啊, 無陪班 friends 去食飯~ 無計啦, 我喉嚨痛, 啊媽又唔係咁鐘意我出夜街~

2002 年 11 月 15 日　【晴】

終於都到星期五啦, 但係聽日都係要番學校, 不過係補課咁解, 可以輕輕鬆鬆~ 太好啦~ 今日 Physics 又測驗, 唉~ 之前無聽過書, 完全係唔識做, 無計啦, 啊 sir 講書悶到仆街, 唔訓覺就奇啦, 結果今日個份卷... 即使我出貓, 將d Formula 寫晒係把鋁尺度, 都係無用, 因為我唔識 apply 落條問題度~ 失敗... 今日 Maths 常派番D 測驗, 22/ 25 , 差三分咋~

聽日就去拎眼鏡啦~ 哎~呀~ 唔知點樣樣添架~ 如果樣衰咁點算好啊?

就快 Mid-term Exam 啦, 9/ 12 就係啦, 今次我要入全班頭五名之內, 希望我可以達到我既目標啦~ 中五課程仲有 96 日, 已經過左 46 日啦, 得番 50 日就 考 Mock and Study Leave 啦~ 好唔捨得黎間學校, 黎班同學, 同埋好多呢間學校既老師啊~

2002 年 11 月 14 日　【晴】

好 High ~ 今日我班成功贏左 7A , 雖然過程唔算順利, 但係贏到 7A 已經好開心, 或者可以叫做幫 5B 報仇啦, 因為4 班 F.5 得我班贏到, 出線, 實在是太開心啦~ Yeah~

今日係學校 Free market 買左一ｄ野... 可以... Heehee...

今晚去左補習. 補 CS, 希望我可以追番d 成績啦~

唔制啊~ 呢幾日好忙啊, 星期四補習, 星期五要 Phy Test, 又要補習, 星期六上晝要番學校補課, 下晝又要出旺角拎眼鏡, 之後又可能要請美儀食飯, 星期日上晝又係番學校補課, 但係下晝就係我好好好好好好好... ( 下省千個"好"字) 期待既, 同老婆仔出街街, 好耐都無見過老婆仔啦, 好掛住老婆仔啊, 唔知老婆仔又無掛住我呢? 不過老婆仔見到我戴眼鏡既 Look 之後, 唔知會有咩反應呢?

2002 年 11 月 13 日　【晴】

哎呀~ 今日放學個個 Maths Test 唔係咁識啊, 雖然自己做都會合格, 但係我想高分d , 曳曳, 抄隔離個個, heehee... Shu...

今日 Chem 常派番d Chem Test 卷, 唔係咁滿意, 20/ 30 分, 眼番份卷, 其實我好多都識架, 不過衰自己大意, 唔小心之麻~

琴晚發左一個好夢~ 好耐都無咁試過, 話說琴晚我發夢我見到老婆仔, 咁唔出奇啊, 但係我同老婆仔同一間學校番學, 同一個班房, 仲係坐我左手邊, 隔離個個位, 我仲記得我上堂都拖實佢, 旁若無人咁, 好幸福, 老婆仔有功課唔識我都盡量會教佢, 番學, 放學, lunch 都一切食飯... 好幸福啊~

2002 年 11 月 12 日　【晴】

今日好開心啊~ 老婆仔打電話俾我啊~ 雖然只係傾左幾分鐘, 但係我都覺得好開心, 只係幾句說話, 已經可以充滿了意思, 愛情真是一種很奇妙的東西呢~ 不過要見老婆仔, 就要戴眼鏡... 又d 唔係咁想添~

2002 年 11 月 11 日　【晴】

唉~ 好可憐啊~ 俾人知道我要戴眼鏡, 好似要死咁, 個個都串我, 串我... 嗚嗚... 不過今日啊 sir 又讚我啦~ "you are the best candidate for the post~" 不過唔知佢係唔係講真呢~

2002 年 11 月 10 日　【晴】

唉~ 好慘啊, 本來今日諗住去 A-look配一副平光眼鏡玩下既, 貪得意... 點知啊媽就要先去 Optical 88 配過一副新眼鏡, 兼且細佬又要驗眼喎, 咁我咪算便驗埋 lor, 仆街, 一係唔驗, 一驗就知大件事, 左眼遠視 100 度, 右眼近視 75 度, 另加 50 度散光... 唉~ 今次真係配眼鏡啦, 本來是但遠視, 近視都唔駛戴架, 但係而家左右眼不一致, 咁就大檸樂, 最好要戴... 好慘啊~

2002 年 11 月 09 日　【晴】

今日落左自修室溫書, 都算叫做溫到d 野出黎既~

2002 年 11 月 08 日　【晴】

今日既心情並沒有好轉, 我覺得好�レn��, 不是因為粗魯工作, 令身體疲倦, 而是精神上的疲倦, 每天都在催促自己要做好些, 真是吃不消, 真的好想停下來, 讓心靈和肉體都得到休息... 無奈在香港這個考試制度下, 我們亦只有這樣才可攀到社會的中上游位置, 令自己的未來更美滿, 或者呢d 叫做先苦後甜吧~

每當我心情不好, 就會想見到老婆仔, 我真係好掛住妳, 見不到妳, 個心總是忐忑不安... ~

2002 年 11 月 07 日　【晴】

哎呀~ D 班衫終於都搞掂晒啦, 而家等佢起貨, 2/ 12 就有得拎, 到時就成班一齊��, 一齊影大合照, 到時一定會好哄動~

今日真係... 5:15pm 約左啊 sir, 點知學校有事, 要 5:45pm 先黎到, 好啦, 人齊, 搞班衫, 終於都拍板, 一搞搞到成 6:50pm 都未得, 但係我偏偏要 7:10 pm 係太子補習, 搞到我走個一刻, 先至碌卡 (啊sir 碌), 拋低佢一個執手尾, 但係我就要由旺角間 SuperX 度, 跑跑跑, 跑到去太子, 旺角警署附近補習, 跑到我扯晒氣... 件衫都濕埋, 補習社裡面, 冷氣又大喎, 係咁吹, 吹到我打晒冷震, 又唔好意思出聲喎... 唉~ 呢個主席真係做得辛苦~ 但係好有滿足感, 成功感, 使命感~

老婆仔, 其實我仲有d 野想同你講, 其實我對妳一直無變過, 我鐘意既依然係妳, 愛既亦只有妳一個, 變既只係我成熟了, 是我更懂得去思考, 去分析, 或者可以說是我想多了, 但係就不等於我變了, 或者不等於是妳不了解我, 是因為我更清楚我現左該走的路, 我沒有嬲妳, 也沒有因為我倆之間的事而唔開心, 只是我工作真的太多, 太重了, 我真的很想抽空見妳, 或只是聽下妳的聲線, 這已經夠令我暫時放鬆, 無奈我連這一點點的時間也沒有, 無時無刻都要溫書, 為準備第二天的測驗, 每天也在埋首工作, 真的連一點私人時間也找不到, 或者亦只能在沖涼這一段時間中, 我先有空想想... 其實係唔係因為我近排對妳淡左, 妳先會諗到呢個問題? 其實我好想每天都打電話俾妳, 但係我怕接電話的不是妳, 或者我會阻礙妳溫習, 所以我先鼓不起勇氣打電話俾妳, 若果妳認為是我對妳淡了的話, 那事實係由始至終我對妳都無變過, 是有增無減, 這一句是真心說話, 旁人唔明不在乎, 只要妳明白我就可以了. 無論妳怎樣想, 怎樣看我也好, 我都會咁愛妳, 直至現在都無變~

2002 年 11 月 07 日　【晴】

好痛痛啊~ 我左手隻無名指半年都唔夠穿兩次魚蛋啊~ 好痛啊, 又腫左啦~ 一陣又要出去補習 lu, 不過之前要搞左d 班衫先~ 希望今次真真正正搞得掂啦~

老婆仔, 我隻手指又整親啦, 我要妳呵呵~

2002 年 11 月 07 日　【晴】

好�ヶ琖 今日四個 Test , Physics Test, Biology Test, Chemistry 問書, 中文作文, 同四個測驗無咩分別, 一番學就問書, 一直落, 中文作文, 1. 青少年的陋習, 2. 那一刻, 我臉紅了...... , 3. 一個熟悉的街心, 三選一, Lunch 之後到 Physics Test, 雖然唔係難, 但係我聽過書, 又無溫過書, 我又點會識呢? ! 到放學, Biology Test, 放學留低 Test 半個鐘, 嘩~ 連珠爆發, 細胞都死左咁少...

我有d 野想同老婆仔講, 其實唔係因為你, 我先至唔開心, 同你一齊我係完全沒有一絲絲唔開心既感覺浮現, 只不過近來工作太過多, 太過沉重, 一時間, 我處理唔到, 我先會有煩惱, 所以我好想好想有時間就可以見到妳, 因為我見到妳, 我就好開心, 好輕, 可以暫時扔低一切工作既煩惱, 但係近排妳對我既感覺卻冷淡了, 令我很不好受, 我不知你在想甚麼, 我以為妳不再愛我, 其實只是我胡思亂想~ 但係今日聽到你篇日記, 令我輕了點, 因為我知道妳內心的想法, 更知道原來妳對我一直沒有改變, 無論如何, 只要大家坦白, 無咩問題唔可以解決~ 妳依然是我愛的敏敏, 老婆仔, 而我依然是妳最愛的衰佬, 死野, 傻佬.

老婆仔, 我幾時可以食到妳親手整既蛋糕糕啊?

2002 年 11 月 06 日　【晴】

好痛啊~ 琴日講過既日, 今日實現啦, 我對小腿伸筋 ( extensor ) 好痛啊, 抽住抽住痛... 搽左 Bengay, 好正好舒服, 不停捽, 不停捽, 好興, 好熱... 今日出左太子現代補補習班, 補左 CS and Physics 兩科, 分別逢星期四, 五晚上7 時上課, 加埋 $ 840, 好貴啊, 又要媽咪俾錢, 我一定要考好d 個會考, 報答媽咪... ^^

好掛住老婆仔, 唔知老婆仔有無掛住我呢?

2002 年 11 月 05 日　【晴】

今日長跑測驗, 好辛苦, 25 個圈, 6750m 不停跑, 跑啊跑... 天氣又凍又乾燥, 跑唔夠 10 個圈已經嘴唇又乾, 喉嚨又乾... 跑到第 20 個圈, 橫隔膜已經開始抽筋... 尚有 5 個, 頂硬上, 鬼叫你自己定左一個目標, 又不斷的想念�茤p, 最後我都跑畢全程, 33 分鐘完成 25 圈... 跑完之後, 雖然無左下半身, 浮下浮下... 但係我都好開心, 因為我証明我自己的實力, 實現我的目標, 最開心既係我一邊跑一邊諗�茤p, 就好似為左妳而跑咁, 好好 Feel, 不過跑完之後, 聽日我會係點, 我大概已經知道...

2002 年 11 月 04 日　【晴】

可辛苦啊, 天氣一轉, 我個鼻就黎料啦, 今日打噴嚏打過不停, 鼻水長流... 好慘~

2002 年 11 月 03 日　【晴】

今日約左啊 sir 出黎碌卡找數, 諗住好過俾千幾蚊訂金啦, 點知又係傾唔掂, 又得個吉... 好煩啊, 就黎煩死架啦~

今日終於見到老婆仔啦, 不過要同周 sir 同馬翃 say sorry, 拋低你地 Hohoho... 我係好想見到妳, 但係見到妳, 我又唔多想見到妳, 拖住妳隻手行街, 卻偏偏捉不到妳的心, 只有驅殼, 而沒有靈魂... 但係到妳走左, 我又想見番妳, 究竟我呢d 係咩心理... 但係我偏偏鐘意妳, 其他人我可怎樣也看不上眼... 唯獨是妳有一種味道, 吸引我...

嘩~ 怕怕, 以後都係唔好搭小巴啦, 免得就免, 由上水火車站, 去到屯門龍門居, 半個鐘都唔駛, 架小巴, 有油門, 無 Break, 仲快過 F1, 嚇死我~

2002 年 11 月 02 日　【晴】

終放都星期六啦, 不過咁又點喎, 我依然係一個人, 默默咁等, 等, 等... 等待時間既流逝, 希望會考快d 過去, 希望一切既事情完結, 不過世事又怎會這樣完美呢...

今日同肥玄, Matthew 出左去旺角 superX, 搞班衫, 好魚皮啊, 要落 30 % 訂金, 嘩~ $ 3800 X 30 % = $ ~$1100, 咁多錢, 我邊有啊, 搞到後尾都係得個吉, 不過都好, 多d 時間俾我 Shopping, 但係又點知得個吉, 斷碼, 乜都無買到, 最後 1700-1800 係學校補完課, 番屋企, 咁就一日... 無見老婆仔成三個星期啦... ><"

2002 年 11 月 01 日　【陰】

今日中文測驗, 《始得西山宴遊記》、《竹林深處人家》、《廉頗藺相如列傳》, 講真今次無上次測驗溫得咁就咁透, 都係自己啦, 擔於玩樂, 希望我命不卻絕, 唔駛抄, 唔駛 retest 就得架啦~