2002 年 09 月 30 日 【晴】
今日放左學之後同 Patrick 出左去旺角行街, 本來諗住買衫 and 買褲子加, 不過睇極都唔唔岩心口, 最後都係無買過野, 不過 Patrick 收穫就大 lor, 買左一對 Nike 既波 boot, $ 349 我都覺得幾抵啦, 不過從這一件事中, 發覺 Patrick 真係...決心唔夠堅定...要改下啦...
2002 年 09 月 29 日 【晴】
今日無落到去自修室...但係今日就上左婆婆屋企食飯~
今日成日都係得我一個人咁滯...今朝我 9:30am 起左身, 啊媽一朝早出左街, 細佬 11:30am 就無左影, 成日都無所事事咁, 後尾我都搵到ｄ野做,
消磨下時間, 更新左我個 Homepage, 聽日又係新一個星期的開始, 即係距離會考既時間又縮短一個星期啦~
2002 年 09 月 29 日 【晴】
琴晚發左個好好好夢, 發夢同老婆仔一齊, 十指緊扣漫步沙灘, 之後一轉就轉左去我屋企, 老婆仔煮左好多餸, 食到我好飽, (因為記得食完之後我仲摸摸個肚), 之後點就唔記得...不過我諗我還是在發梗夢呢...
2002 年 09 月 28 日 【晴】
今日下午都係在自修室渡過，溫書，休下息...咁啦
溫完書之後去左玩，ｙｅａｈ，終於都可以整鬼 Karina 啦，仲等佢琴晚串我串到咁開心...Hohoho...
唉∼真係發覺我無邊幾個知心既朋友，今日同啊斌一齊，我講一句，佢頂廿句，唔關佢事既又搭嘴，唔關我事既事，又要屈落我身上喎，整佢咩...
今日開始我又最憎鄧偉駿多少少啦，無端端又夾埋啊斌黎整鬼我，真係好撚死煩，我真係應該諗下，我呢兩個朋友係唔係應該再繼續交下去，還是相見如同陌路人呢?
今晚既晚餐, 又係要自己一個人搞掂, 唉~
老媽子, 又入左屯門舅父仔屋仔打麻雀, 老豆要加班, 細佬, 唉...成日都玩失蹤~
一個人, 有時真係唔知去邊度食好, 所以我都係留返係屋企食, 自己煮, 唔駛煩...Hahaha...
今晚食餐肉煎隻隻蛋公仔麵, 連加兩條菜加底, 仲有可樂送...好味~
仲等老婆仔上次話我唔識煮野食, 都不知幾好味啊~
不過今次無上次咁乖仔, 無洗碗, 始終都係留返俾啊媽洗好ｄ~
2002 年 09 月 28 日 【晴】
其實我自己會唔會枉作好人呢? 我做咩多野都係想你地會對我有一個好印象, 都係想多一個朋友, 但係做咁多野原來都係原地踏步...只不過是在圈內打轉, 好白痴, 一點也不成熟, 究竟係邊度先會找到我值得交心的朋友呢...?
2002 年 09 月 27 日 【晴】
好攰啊∼
痴線架，今跑３６個圈，仲要係放學之前o個一堂喎，大佬，超人咩...
放左學仲要去踢波喎，痴線架∼
抵死啦，家陣搞到腰酸骨痛啦∼不過要真係幾開心喎∼今日我入左入球波，Goal∼
哈哈，自問今日既表現都唔算差∼我ｄ自信都返得黎七七八八，表現就有返以前高峰時期的一半...
不過攰還攰，如果老婆仔約我出街，我都依然會出架∼Hohoho...呢ｄ咪就係愛情既魔力 lor
明天就係星期六啦，如果無人約我的話，要搵我既就去保安道圖書館自修室搵我啦
始終我都會放出街位第一位，溫書都係第二位姐∼
Heehee
︿︿"
2002 年 09 月 26 日 【晴】
今日係第一日, 第一日開始發奮, 開始要溫書應付會考啦, 我唔可以做吊兒郎當, 懶懶散散架啦
所以今日我去左保安道圖書館自修室溫書, 我要努力
所以由今日開始, 大家都唔會係 6pm 前見到我架啦~
大家都要努力啊~
我唔想見到大家讀中五以我就坐係中六班房, 知嗎~?
溫書...
2002 年 09 月 25 日 【陰】
今日學校開水運會，又係得個”悶”字
由朝早8am坐到下朝1:30pm，屁股都坐到開花，好彩就係今年去九龍公園，有冷氣∼
我今日開始唔鐘意同鄧偉駿一齊玩，佢真係有少少乞人憎，佢串人個陣，大條道理，到人地串返佢個陣，又係大條道理打人，仲打到我背脊老蓮咁痛，開花咁滯∼
走個陣時又係，都已經send左電話 Msg 叫佢係7-11門口等我，佢又話我無交帶，又唔知我係到等梗佢喎，好彩我醒目，打過電話俾佢姐，如果唔係佢地成班拋低我一個人，到話搵到佢地個陣，又話我煩喎，又話我行動慢喎，鬼撚知你地去邊咩，一放個陣時又多人喎，睇鬼到你地行去邊啊∼頂佢個肺．．．
好開心啊，我同 Matthew's friendship好返啦，同以前一樣，佢琴晚仲好主動約我一齊去添∼一切都和好如初，不過我講野就已經收歛左好多，算啦，所謂退一步海闊天空∼
今日 Lunch 我去左意粉屋食，正啊，好好味啊，先黎一個湯，再黎頭盤沙律，另外我自己另加一個Cheese Cake，之後主菜烟肉磨菇鏍絲粉最後餐茶，最後埋單$64連加一（幾貴）不過好好味∼
今日我又可以見到老婆仔lu，今日同老婆仔去左溫書，應該話幫老婆仔溫書，老婆仔雖然係聽唔明我講乜，但係佢都好勤力賞試去聽，去理解，好乖女．．．老婆仔，妳要加油啊，老公仔會支持妳架，錫晒妳∼
2002 年 09 月 24 日 【陰】
今日心情好似今日既天氣一樣, 灰沉沉...
唉∼
我真係好失敗，連老婆仔送俾我咁貴重既禮物都可以打爛，仲要因為執拾所以（界刂）損手，宜家老婆仔嬲左我啊∼
好唔開心...
咁大個仔我都從未試過會咁著緊一個人，一件事， 亦都未試過為左一個人所付出架∼
敏敏係第一個...雖然我又時真係好失暈魚...
同老婆仔一齊個陣時既感覺真係好開心好舒服，個世界係好似得返我地兩個咁，無人可以干擾我們...
秋天啦，係老婆仔最鐘意既季節，亦都係我最喜歡的季節，唔知道呢個秋天會係一番咩既境象呢...
2002 年 09 月 24 日 【陰】
好唔開心啊~
今日 lunch 個陣唔小心係學校打爛左老婆仔送俾我個樽彩沙啊∼
...＞.＜...執返ｄ玻璃碎個陣仲唔小心（界刂）損左隻手指添啊∼
嗚嗚...浪費左老婆仔既一返心機...
唔知老婆仔會唔會原諒我呢...
今日放左學 Physics Test, 唉∼
又抄啦...
2002 年 09 月 23 日 【晴】
今日RS Test, 唉~
PK 硬
今日派返中文個Test
無肥佬已經算執返身彩
唉~
聽日又要Physics Test 啦
好死煩啊!!
2002 年 09 月 22 日 【晴】
今日我都算精彩 lor
琴晚通頂後, 今朝7:30am 返到屋企, 洗白白, 執返d野出黎
搞完一輪, 到 9am 先返覺
訓到 12:30pm 起身做功課, 一做做到4:30pm
5 pm 出左去上婆婆屋企, 食飯食到9pm 幾
返到 home 沖埋涼, 岩岩好 9:30pm
制過去明珠台睇 X-file Finale
睇到 11:45pm 之後去左訓覺
係唔係好充實呢?
三日 20/9, 21/9, 22/9 加埋訓左都唔夠 20 小時~
勁...殘...
2002 年 09 月 22 日 【晴】
真係火都滾啊~
仆x啊, 隔離爐個班友仔啊~
我地去 BBQ 掟左支蠟燭落個爐度(燒完野食, 仲有個火), 有少少煙, 焗死你咩, d有毒喎
個少少煙, 少少味, 係度吱吱喳喳, 嘈住晒, 問我地有無讀書, 有無常識, 問我地咩學校喎~
食x屎啦, 要我串你, 你一棟都無啦
問我地咩學校, 我地咪同你一間學校lor, 一樣係咁無知識啊
講知識, 食屎啦, 一爆出黎你唔知點開口添啊
知識喎, 宜家邊個識野d啊~
2002 年 09 月 21 日 【晴】
好開心啊~ 成班Friend中秋節玩通頂, 好High啊~
個沙灘好多人, 仲有好多靚仔靚女, 有靚女我地既律師哥哥當然唔會浪費機會啦, 問女仔打Volley, 擺到明溝女, ICQ都拎埋, 我...當然有陪律師啦,
但係淨係打波咋, 無曳曳啊, 因為我都有個咁好既老婆仔lor, 仲溝女咪即係對唔住老婆仔lor, 況且老婆仔對我又咁好, 咁錫我, 我又點會再識第二個喎.
我地一直玩, 玩啊玩, 玩到差不多9pm就收波, 執野走人, 差不多10pm老婆仔就打俾我, 好開心啊, 又可以聽到老婆仔把Voice, 之後我地就開始燒野食,
燒到about11pm, 老婆仔又打黎, 嘩, 好叻女啊, 竟然賣晒d螢光棒喎, 真係抵錫(^3^...啜...卜......I Love you)個陣時真係好掛住老婆仔,
好想老婆仔係我身邊, 一齊漫步沙灘, 石澳d風景好靚, 好浪漫, 好想同老婆仔睇海景...
之後我都燒下野食又鋤大d, 玩下Candle, 玩到4am已經得返我, 天才, 律師and肥玄, 我地四個出左沙灣玩, 仲一人一罐啤酒, 但係個陣時都係咁Rain,
結果係我地溫左3 把太陽傘, 整左個Dome Shape既帳幕出黎遮雨, 四個人係裡面玩 Candle, 正~ 不過因為落兩, 成身濕晒, 搞到我打冷震,
好彩無病咋, 最後我地about 6am 塔返巴士出返去, 返Home...
2002 年 09 月 20 日 【晴】
今日又係開心的一日, 因為今日同老婆仔出夜街
雖只係中秋節前夕, 都係都覺得有少少中秋Feel
我成晚都無過飯, 但係一d都唔肚餓, 因為見到老婆仔都已經好開心, 唔駛食都飽飽, 我地去左睇戲, 近蜘者殺
最後我送老婆仔返屋企, 因為始終都係夜晚, 我唔放心佢一個人自己行返屋企
之後老婆帶我去巴士站, 最衰都係個司機, 阻住晒~
2002 年 09 月 19 日 【晴】
今日好他條啊~
今日無測驗, 無點書, 無補課~
可以準時返屋企~
實在太好啦~
2002 年 09 月 18 日 【晴】
好攰啊~
今日最後個堂 PE 堂
跑 16 個 laps
死人啦, 跑完又要換衫返上五樓班房測驗英文
我就死啦~
2002 年 09 月 18 日 【晴】
今日放左學又係要測驗
測驗英文, 唉~
好辛苦啊~
好掛住老婆仔啊~
2002 年 09 月 17 日 【晴】
哎唷~
今日派返份 Bio Test Paper
唉~
好低分啊~
好多我都識架, 不過係自己唔小心先扣左分咋
好唔抵啊~
2002 年 09 月 16 日 【晴】
今日有一個同學問我一個好奇怪既問題
佢問我”有女朋友同無女朋友有咩分別，其實有女朋友又點喎？”
我真係唔知點答佢好，但係我俾到自己既答案係同女朋友一齊係一種好舒服既感覺，係其他人都俾唔到你既一種感覺，好獨特...
只要你一想到你鐘意既人，你就會不自覺地從個心底裡笑出黎∼是真的...
2002 年 09 月 16 日 【晴】
[補寫]
雖然我未好得返晒
但係今日我都有返學...
2002 年 09 月 16 日 【晴】
呵呵呵~
今日本來要測驗Phy 架~
不過啊sir 今日唔得閒, 唔駛測驗~
咁仲好d, 我可以返屋企抖下
2002 年 09 月 15 日 【晴】
[補寫]
今日我仲未好返, 但係已經無再嘔啦
好辛苦啊, 成日都係訓覺
好掛住老婆仔啊...
2002 年 09 月 14 日 【晴】
[補寫]
好辛苦啊
琴晚過後, 我都知道自己係咩一回事
不過唔有想到咁嚴重, 半夜嘔...
好辛苦~ 黃膽水都嘔埋出黎, 醫生話我因為感冒菌入腸喎, 所以先會嘔...好辛苦
成日都訓覺, 食葯...
2002 年 09 月 13 日 【晴】
[補寫]
今日本來都好平淡既一日, 無默書, 無測驗, 無補課~
是老婆仔今我今日添加一點色彩
今晚老婆仔打電話俾我, 我以為係老婆仔想約我明天出街~
原來聽真係佢想我即時出去, 我以為有d咩急事啦~
只不過係老婆仔掛住我喎~ 個衰婆真係搞晒驚喜咁~
不過真係好唔掂~ 出去個陣時個頭已經暈暈地, 但係為左老婆仔都要頂硬上出去, 到返屋企個陣, 我已經頭痛到爆, 但係我都要頂硬上, 唔可以令面上出現半點難色,
唔想老婆仔擔心
到我落左車, 老婆仔望唔到我個陣, 我就已經露出本來面目, 頂唔順, 只可以點點低頭前進, 希望可以早d回到屋企...
2002 年 09 月 09 日 【晴】
今日過後都唔知要到幾時先有得再上網 lu
因為上網合約完滿, 新合約又暫時未搞掂, 所以要暫別網上的舞台吧了
其實咁都好既, 我就可以專心溫書, 發奮圖強咁話啦~
寫完今篇日記後要到唔知幾時先再有下一篇 lu
哈哈...各位要搵我就打我手機啦...我諗你地知我手提電話 No. 幾多號架啦下 fa ?
唔知?睇我 ICQ info 有寫
2002 年 09 月 08 日 【晴】
今朝起身已經感覺到陣陣涼意, 數數日歷, 原來仲有 13 日就到中秋節正日, 即係話秋天既時候已經離我們不遠~
我最鐘意就係秋天, 特別係夏末秋初之際~
陣陣清風拂面, 溫度又不是那麼炎熱, 那是多麼美好~
最好可以加上秋黃的落葉, 與老婆仔手拖手在公園兩旁樹木下散步, 感覺一定是很浪漫, 很詩情畫意...
2002 年 09 月 08 日 【晴】
Yeah~
今日又同媽咪去左大 Shopping 啦~
本來應該係我買野俾佢先岩既~ 因為媽咪琴日生日, 又無送生日禮物俾佢, 事實上, 我由細到大都無送過一份正式既生日禮物俾佢~
今日我都算大豐收啦, 買左一套新既床單-Mickey Mouse, 一個銀包-Tough $3XX, 一個Winnie the pooh 咕臣, 好開心啊~全部都係媽咪俾錢,
除左個銀包就係我出 $200 外~
2002 年 09 月 07 日 【晴】
YEAH~
好彩屋企有兩部電腦~
所以我最後都將部 printer 搬左佢細佬個部度用住先, 又 Printer 到野喎~ Yeah~
今日媽咪生日啊~ 9 月7 日, 雖然無生日禮物, 不過就有一句深情既"生日快樂"
Happy Birthday To You, My Mother...
2002 年 09 月 07 日 【晴】
好火滾啊~
部死 Printer, 唔用佢個陣時就好地地, 用佢個陣就唔知點解壞左, 搞到我而家兩頭唔到岸, Printer 野又Printer 唔到, 整佢又整唔到,
唔通洗機咁大陣仗咩?
哎~呀~好煩啊~
好要買過部 Printer~
我要買 HP 既, 又要買數碼相機, 最好就可以換埋手電, 我要T68i...仲有...
2002 年 09 月 06 日 【晴】
食屎啦, 譚銘言, 你乜水啊~
我肯留言俾你, 算你好運啦, 順手賣個廣告姐~
咁都唔得咩, 係啊, 我平時把口都唔係好收架啦(比而前收歛左), 串你兩句姐, 駛唔駛咁小氣啊, 你估你自己好好多啊, 你自己咪又係個種人, 串人...哎呀~係啊,
好串啊, 人地串你就小氣, 咁你串人個d又點計啊? 係唔係又要我卑躬屈膝向你道歉啊? 食撚屎就有你份...
2002 年 09 月 06 日 【晴】
今日係一日平淡得黎又有d忙既一日~
其實我都唔知我自己講乜~
2002 年 09 月 05 日 【晴】
YEAH YEAH YEAH ~
今日見到老婆仔好開心啊~
我又係咁, 俾佢打, Meat, 但係都好開心喎~
因為有得同老婆仔一齊, 我就已經心滿意足~
話知你成個天塌下來, 同老婆仔一齊就係最開心, 最滿足既時候~
2002 年 09 月 05 日 【晴】
唉~
今朝始終都係走唔甩~
都係要一早起身去幫嫲嫲手去拜神,
唉~ 都唔知點解上一輩子既人咁咪信既~ 又雞又鵝又燒肉, 生果汽水, 元寶蠟燭香...
2002 年 09 月 04 日 【晴】
你老板, 杏加橙啊~
難得聽日有假放, 當然要訓晏d架啦, 但係竟然俾個老豆叫左去幫嫲嫲手, 去拜神~ 嘩~ 鬼整咩, 大佬...8, 9 點, 上午喎, 唉...我個如意算盤打得唔夠響啊,
我聽日上午咁就奉送左啦, 無得陪周公啦...
2002 年 09 月 04 日 【晴】
今日放左學之後, 同班同學仔去踢波波
今日既表現明顯地比上次有進步~
還有一球助攻, 不過...一時失手...左手既無名指...穿魚蛋..嘩~ 杏加橙 lor, 痛X死我啊~
不過好彩有老婆仔既及時電話, 呵返呵返~
甜死~
其他人恨唔到架啦~
Hohohoho
I love you 老婆仔~
2002 年 09 月 03 日 【雨】
星期四有得放假~
今日星期二, 又係時候諗定星期四去邊啦~
接老婆仔放學? 去自修室溫書? 還是留係屋企溫書呢?
睇到呢個日記就識得做啦~下~
2002 年 09 月 03 日 【晴】
今日第二日返學~
係啊, 今日係要測驗 Biology 啊~
咁又點啊? 難到我咩? Hahahahaha~
我諗都有 13/15 分既~
2002 年 09 月 02 日 【晴】
今日係第一日返學~
點知就第二日就要測驗~ 真係攞命~
仲要係 Biology 添架~ 死硬~ 無心機溫, 結果係呢一刻, 訓覺前既呢一刻, 都係得個吉~
聽日...一定交白卷~
2002 年 09 月 02 日 【晴】
嘩~
我今日真係轉左死性啊~
不時煮完公仔麵, D 碗碗碟碟一定"隊"晒落洗手盤, 由得佢, 留返俾媽咪洗架, 但係今日食完麵之後, 我唔知點解會戴起對手套, 竟然將D
碗碗碟碟洗得乾乾淨淨喎~
究竟我在做甚麼呢?
係唔係代表我已經大個仔呢...?
2002 年 09 月 01 日 【晴】
今晚去左婆婆屋企食飯~
今次真係又食又拎啦~
食完飯, 仲抬埋部電視走, 成個賊佬咁~
不過係因為婆婆其中一部電視少睇, 而且屋企其中一部又壞壞地先抬去我屋企姐~
Heehee, I am 賊佬榮~
2002 年 09 月 01 日 【晴】
其實我真係要同老婆仔講句Sorry~
我咁多疑其實係錯既~
不過我之前實在太悶, 一個人, 好 Lonely 先會諗咁多野, 所有都係假設~ 但我就當係真~
Sorry~老婆仔
2002 年 09 月 01 日 【晴】
今日呢, 又係得我一個人係屋企喎~
但係今日無前幾日咁喎, 唔知點解今日好似好開心咁~
雖然係一個人, 我都唔覺得 Lonely 喎~
人就係咁怪架啦~