小Ｂ比我的第一個感覺就係好惡, 好串. 以前都幾驚佢架, 有時同佢講野佢又唔係點睬你咁,
所以我一直都覺得佢係一個好COOL的人. 後來同佢熟左之後, 發覺佢並唔係一個咁難相處的人o者.
唔知點解我地兩個一黏埋, 就總有講唔完的話題. 可能我同阿Ｂ都係雙子座啦, 兩個都係唔講野就會死的人, 所以我地乜野都可以傾
一餐. 阿B讀書好叻架, 基本上唔駛點溫書, 佢都可以考得好好成績. 希望佢可以順順利利咁升上中大啦!!
阿牛係我另外一個好好好好好老友啦!! 我同佢都做左三年的同班同學仔, F4開始就俞來俞friend.
我地兩個一坐埋, 又係傾計傾到收唔到聲果隻. 仲記得以前F4,F5, 無論上邊個Lab, 我地都被編中坐同一Group. 真係咁巧合架!
就係因為咁樣, 我地就一日friend過一日啦!
阿姿係一個好靜好乖的女仔. F.5最後一次調位時,
我就調中坐佢隔離, 就係咁樣我就認識到佢. 之後我叫佢一齊番小組, 跟住我又帶埋佢番教會, 因此佢都相信左主.
另一方面, 相比起以前的佢, 我覺得佢宜家開朗左好多. 佢個人好謙架, 明明自己瘦到成條柴咁都話要減肥喎, 真係比佢激死!
不過, 我發覺我同佢有一度好相似的地方, 就係一有起事上黎, 大家都係咁「藤雞」!!
佢係Silvia. 我覺得佢係一個好堅強的人, 亦都同我一樣係一個唔煩得的人.
以下呢幾張相都係中學時影的, 分別係中二, 中三同中五.
睇下呢張大合照先啦, 我當時讀緊中二, 認唔認得出邊個係我呢?? 比少少tips啦, 我企o係最後排o既.
搵到我未呢?! 咪就係最後排由右邊數起第四個咪就係我囉!!
