دلوقتي جايني بتعتذر مش قابله منك اعتذار
هوه انت لسه بتفتكر ان انت بإيديك القرار
***
روح بعذرك روح أنا قلبي بيك مجروح
ومهما تبدي من ندم القلب مش مفتوح
***
شوفت وياك المرار عشت ذل الإنتظار
والنهارده جاي تقوللي اقبلي مني اعتذار
***
أنا ح اقبل أيه والا أيه هات لي شيء ابقيك عليه
هات لي عمري اللي سرقته واِمسح الجرح اللي فيه
***
مش اسامحك لو بكيت فاكر انت اللي ابتديت
كل حب الدنيا خدته وسيبتني لجرحي ومشيت
***
عشت الوم نفسي عليك عشت اقول الله يجازيك
ياللي خليت الحياة يأس م الغدر اللي فيك
***
مستحيل اقدر اسامحك واعذرك وارجع اليك
تعرف اللي مانعني عنك ان قلبي خلاص نسيك
والنهارده جاي تقوللي اقبلي مني اعتذار
روح بعذرك حبه عني انتهى بينا الحوار
***
شوفت انت ازاي تهون م اللي كان منك وصار
والضلمة لا يمكن تكون بين لحظة والتانية نهار
***