لو حكيت للناس حكايتي ** أو شرحت لهم روايتي
كانوا قالوا عليَّه ايه
***
لو حكيت قصة هوايا ** أو ليالي الشوق معايا
كانوا ردوا وقالوا ايه
***
كانوا قالوا يابخت قلبك ** كل حب الدنيا عندك
هو ناقص قلبك ايه
***
قلت ناقص قلبي قربه ** قلت شاغل فكرى بعده
قلت طال شوقي اليه
***
قالوا عشنا سنين معاك ** ماعرفنا يوم نغلب هواك
وهوه بس عملك ايه
***
قلت هوه نجم الليالي ** وكل شيء حلو ف خيالي
وقلبي حًبه ومال اليه
***
وقالوا فاتك من سنه ** وفات هواك حيضيع هنا
ويالله قول راح تعمل ايه
***
انا قلت بَعده مستحيل ** مافيش لحبه شيء بديل
وحياتي كلها بين ايديه
***
مع تحياتي