بس مين يسمع انيني
انا الجاني على روحي
انا الظالم وانا المظلوم
***
هجرت الحب وحناني
وقولت انساه وينساني
لاقيت روحي تعاتبني
وقلبي م النوى مهموم
***
ساقاني من حلاوة الكاس
ووراني رقيق الاحساس
سقيته من مرار صدي
ولا جاني يعاتبني يوم
***
يجيني معتذر ندمان
يحسسني انهُ الغلطان
وانا البادي بهجرانه
ولامرة رماني بلوم
***
انا بتغلى واتكبر
واشوف اني أنا الاقدر
يجيني وينتظر عطفي
ويتمنى حياتنا تدوم
***
يانفسي انتي أماره
بتشكي وانتي غداره
وانتي الجانيه على قلبي
وعاش من قسوتك محروم
***
مع تحياتي
حسني جاد