برغم اني بكل عمري بحبها ودعتها
مع كل دقه قلب تنده اسمها ودعتها
ودعتها وساعتها قلت انا خلاص خدت القرار
وشوفتها لما شاورت اتسمّرت زي الجدار
مات الكلام فوق الشفايف وانتهي بينا الحوار
وكل واحد خد طريقة واحنا بندوق المرار
مرت علينا ايام اطول من الأيام
ايام ماشفناش زيهاولا حتى في الاحلام
فيها مرار وعذاب فيها جراح والآم
والنوم مخاصم عنينا حتى القلوب ماتنام
تاهت قلوبنا في الدروب وعشنا بالاشواك ندوب
حتى ماكانش الليل يعدي إلا بجراح تدمي القلوب
مالاقينا مين يرحم بحالنا ولا حتى ايد تسقي الزهور
عدت عليا سحاب بتقول كلام وعتاب
سألتني ليه كان الفراق طاب قوللي فيه اسباب
جاوبت دموعي اوام أي والله فيه اسباب
ماكانش ممكن نجتمع ونعيش كده أحباب
طول ماالقلوب اتحجّرت والحب ماله حساب
فرضوا عليا ابتعد وأهجر هوى غلاب
حاولت اقاوم غدرهم وأشيل بحبي غلهم
وأطلب لقلبي ودهم وجاني الكلام عنهم
ساقيينها الوان العذاب
فضّلت أختار البعاد وأهيم بحبي في البلاد
وارضى الفراق مني أنا يمكن ينسّيها الغياب
وآدي النتيجه ياسحاب
ردت وقالت يعني حبك هوه اللي وراك العذاب
شعر