إنتبهت لدمعها بالهدب والكحل سال

 لين جفت عينها دمع والقاع ارتوى

وأبتدت لحظة جفا وانتهت لحظة وصال

 وأنظفى نور السعادة واحسب انه ضوى

ما اكتفيت من الهوى والغرام أربع ليال

 واقفت أيام التلاقي وجا وقت النوى

كنت ابسلى وابتسم والتفت عنها شمال

 لا قويت الصد عنها ولا قلبي قوى

ما هقيت أن الهوى عذب قلوب الرجال

 لين ضاع القلب مني والتفكير سوى

رحت أدور دفوة الشمس ضيعت الضلال

 جيت اطفي شعلة النار والقلب انكوى

ما هقيت ان السعادة خيال في خيال

 تروي قلوب الحبايب وقلبي ما روى

كنت ابشتال الهوى والهوى ثقل الجبال

وان تحملت الجبل ما تحملت الهوى

كنت ابسلى بالهوى والهوى صعب المنال

 ما رضا لي حظي اللي طواني وانطوى

قلت لافراحي تعالي ولا قالت تعال

 والخفوق ان قلت ابقبل على صدي نوى

الله واكبر لاشرقت شمس يتلاها زوال

 كيف ابفرح في صباح مع الليال استوى ؟

لا حصل بالحب قسمة ولا جا لي مجال

غير أشوف معاند الجـرح وعنـاد الـدوا

شبت النيران واقفت وجا  رد الرسؤل

ما تشب النار يا كـــود يوصلهـــا هـوا