站長日記

2000年10月
日	一	二	三	四	五	六
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

圖示
		好開心
		頗開心
		若有所思
		無無聊聊
		不開心
		很不開心

2000年10月30日
好野,終於死到份英文閱讀報告喇!!!代價係成晚冇得訓,獎勵係一對熊貓眼!!!

2000年10月28日
今日返教會終於喊左出黎喇話說今日我領詩,咁冇準備,咪分享下近排d野囉,咁講下講下講到自己好忙,冇心機返教會,於是覺得自己好唔arm,好唔掂,又好唔得,搞搞下就喊左出黎... 我覺得好鬼瘀皮呀... 不過亦係一件好事,起碼團友知道我既難處,我都可以發洩到出黎,都唔差既...

2000年10月26日
今日輔導組開會,返到屋企好眼訓,於是我就諗,d乜乜會長,又或者o個d有幾個職員職銜頭既同學點捱... 不過唔理喇,做輔導組幾好丫,有章 ^o^

2000年10月24日
今日係我當值既第一日,好驚點名既時候遲到,幸好冇. 到lunch當值既時候好搞笑,因為呢次係實習,所以有一組舊同兩組新既prefect一齊當值,好似歡迎人地落樓梯咁... 哈!成班白痴!

2000年10月23日
prefect 既更表搞掂喇....有點點悲喜交集... 事關呢...我見d舊prefect 做得好痛苦咁...希望我唔會啦...

2000年10月20日
今日測中文...在我黎講,中文係理科中最難o個科,呼~~終於都測完lu !!!好野!

2000年10月19日
今日終於知道邊個有份做prefect 喇,哈,好開心... 不過可能其他人唔覺...總之我好恨做'學校既走狗'啦!!

2000年10月18日
呀!今日一朝起身就好後悔尋日做數做到咁夜...好眼訓呀!!而實際上,我係全日都咁眼訓... 講返今日份卷...平心而論就唔係好深既...又係ok 啦今日仲有件開心既事呀----我地班贏左班際拔河初賽,^.^ 決賽要努力呀!!

2000年10月17日
今日lunch 去開輔導組既會,主要係分組-----德育,領袖訓練,公民教育,性教育我呢,就一走俾人book 左做公民教育,而另一方面,個個怕哂羞咁唔做性教育,好搞笑... 我聽日測數呀!喇,即係咁,我都幾中意數學既,不過做數做到三點就唔係好中意...不過唔緊要啦,希望聽日份卷唔好咁深啦~

2000年10月16日
結果o係尋晚12點既時候,我唔覺意訓著左. 幸好今朝六點自己識醒.咁...今日既test ..ok 啦~

2000年10月15日
嘩!!聽日就test bio 喇!!!不過...我都仲係冇心機溫...對住d notes 無所事事...點算呢?!

2000年10月14日
我知道我近排心情低落既原因喇...可能係因為調左位呀!!! ...實在太掛住以前坐埋一齊既人喇...唔制呀...要分班已經令我冇左班fd 架啦...仲要調埋位...唔通真係全部fd都要再識過?!

2000年10月13日
點解我近排成日都覺得自己咁一無是處架呢...又或者咁講,係我一直都一無是處,但係到而家先發覺... 我其實係俾唔到個定位自己...我突然間覺得定位其實都幾重要...因為我而家覺得自己東不成,西不就,做乜都半桶水...讀書唔夠人叻,講活躍又唔係最活躍o個個...突然間好冇自信...天!

2000年10月12日
結果今日贏左...不過...點解咁快又好似冇野咁既...定係因為唔能夠同一d我真正朋友分享呢...唔緊要啦...當務之急係要溫書!!!

2000年10月11日
其實我今日應該好緊張至o岩架.......... 我聽日debate呀!不過..我竟然走左去訓...........算啦.......... >.<

2000年10月10日
死喇!!!原來debate 星期四就係喇...大劑!我以為係星期五...都唔好話法!爭好遠架...我篇文都未作...

2000年10月9日
結果今日都係調左位...都唔知係開心定唔開心...其實新o個個位我都幾中意下架...但係就距離原本班Friend好遠...不過唔緊要啦......遲早都要調架啦.......^o^

2000年10月8日
Bee! Bee! 光彩標準時間:淩晨三點...ZZZZZZZZZ.......o係大家呼呼入睡之際,小女子仲要對住部腦,嘔心瀝血咁打我地班偉大既三篇debate文...都係自己犯賤,點解會應承作哂佢ga lei....仲唔知會唔會俾人大筆一揮一個交叉叫我再作過......死....係就死喇....祈求天父做十分鐘好人...............收哂所有人既筆,冇得打交叉.......呼....好眼訓...zzzzzzzzz

2000年10月7日
今日大家姐帶我去沙灘打排球,雖然好痛,不過都係好開心好開心,事關我好想打,不過一直苦無機會嘛~今日簡直係一賞心願~Yeah!仲有呀,今日去左'手羅'眼鏡,副眼鏡深左成100度,所以我睇既野全部都sharp 左好多,好正feel~希望唔會再深得咁快啦 ^o^

2000年10月6日
今日去左Ringo 屋企傾debate,其實我都唔係好知傾左d乜,呀,傾下d八卦野囉...都算幾無聊...

2000年10月5日
今日大哥哥大姐姐Class Activity----交友技巧~ 其實我都冇技巧啦~點教人...never mind la 不過我覺得我地今次進步左好多,所以我覺得我參加呢個活動係冇錯架,可以學到好多野,所以好好好開心

2000年10月2日
今日放假,實在太好喇!更加好既係我同二家姐去左踩單車!!好好玩呀!好玩過一大班人...嘻,係唔係有小小自閉咁呢?!

2000年10月1日
今日又要上大陸喇,本來唔係好中意....不過原來都可以做到好多野架~ 話說今日同爸爸'巡視業務',發覺我對塑膠都幾有好奇心架...所以咪成日問爸爸野囉.佢好似開心過我~話時話,如果可以,我都想大個幫爸爸手,話哂佢都咁辛苦... 除此之外,我仲做埋預習,問題討論,背埋書,都咪話唔做得多野~he~