站長日記
|
|
||||||||||||||||||||||||||||||||||||||||||||||||||||||||||||||||||||||||||||
今日又要返學lu,仲有PE堂,我發覺棒球真係唔錯,幾刺激,好! 
今日本來訂為坐月日,但係我對腳一d都唔痛,於是約二家姐去行街,實在太好喇.
但係今日有d美中不足之處,就係我未做過功課呀呀呀!!!!冇錯,係未掂過!幸好,今日二點就訓係,好彩....
好野!!返屋企喇!終於到第三日喇!!心情實在太高興,太興奮喇!!!!!
哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈!!!!!!!!!
今日開心好多呀!一黎我地跟左另一個阿sir,呢個阿sir好好人架,好多野講,我地行得辛苦佢又會請糖我地食喎!二黎今日我地自己四個行,d速度慢d,行得輕鬆d,又可以一路行一路傾偈,心情都好d啦,再者,我地同阿姍,Jenny 又熟左,好傾左,今次Lucy又冇黎,少d壓力,仲有呀,我今日勁精神,行得好起勁,綜合以上各點,今日行得好開心!
今朝真係好得人驚呀,就係一朝早見唔到莫依,如果佢唔黎,我地都冇得行架,準備左咁耐,如果冇得行就好唔抵架喇!!!幸好,佢最終都現左身...呼..........
今日行得好辛苦呀,但係今日好易架ja喎,......跟住食飯o個陣我打俾屋企,聽到佢地把聲,突然間好想喊!!但...捱埋佢,好快可以返屋企架喇!
今日主要既節目就係執野,事關聽日要行山lu,仲係三日兩夜添呀!可愛既屋企,再見喇!
今晚同我踐行既就係意粉同午餐肉(哥哥整架!),仲有黑糯米(我整架!)正!好啦,好好地行完今次佢,Yeah!
今日係大年初二,爸&媽一大清早就去左返鄉,剩低我地孤兒仔女冇王管,兩個家姐朝早去執屋,晏晝就拉大隊去唱k,但係中途殺出程咬金,大家姐不幸被擄走左,於是乎我同二家亦o係半粒鐘後就歸家煮公仔麵,大廚當然係我啦,貪食家姐仲話要食蛋喎,我梗係非常高興啦,煎蛋咁好玩,洗碗既又唔係我,食完之後二家姐就開始後悔喇,梗係啦,煎蛋要用鍋,又會整到d碟油淋淋~呵呵,抵死~
恭喜發財,利是逗來!!!
今日係大年初一!!各位如果結左婚,就快d爽手send 你既銀行acc,同password 黎喇..至多我淨係提取20蚊喇(你信唔信?)嘻~
今日都算係行程緊密囉.首先,當然係返教會啦,我地係基督徒黎架嘛(雖然唔多似..)跟住就例排去漢堡食龍蝦(留口水?你恨唔到架喇!)然後就勢利囉,去中環(我諗我冇記錯..)睇花車,簡真係史無前例!因為我地屋企人唔中意同人迫,但今次竟然全家出動同人迫喎!
但係呢個節目真係唔錯,可以見到銀禧既舞蹈組,又見到劉婆大搖大擺咁行,好搞笑,跟住,企我隔離既人就同佢既friend話:邊可以去參加架,邊解中學都得既,跟住我睇唔過眼佢既無知,咁我就同家姐大大聲咁話:我地學校係俾你邀請架!哈,我覺得自己好鬼低能^o^.
今日已經放左假,但係我依然要返學...事關AYP 既bronze要還equipment,而silver(包括我)又要借...o係等人既無聊之際,我同莫依將軒少既'養生之道'公諸如世,譬如係:朝早要搽SK-II放曬,夜晚對手要浸牛奶等,哈!寫滿成個黑板~好過癮呀!鬼叫佢10點幾個訓緊覺,等我地可以有咁多時間寫佢咩!不過佢返黎之後就實在太過份喇,竟然用佢隻纖纖玉手黎擦黑板!仲要掂我件烏黑亮麗(?!)既冷背心!太差喇!
跟住收工既時候娜娜同軒少陪我等1A ,係等1A,而唔係等車返屋企..我既意思係,返到屋企既唔止1A,哈,其實如果我中意,根本唔駛等都可以返到屋企,不過見佢地等得咁開心,唔緊要啦^o^(都唔知係佢地開心定我開心...!)
仲有呀,我今日發現一樣野,就係邊個邊個似乎真係好中意乜水乜水,事源邊個邊個聽完乜水乜水既電話之後就落哂形,好似日頭既曇花咁----謝左!....噢...我就覺得乜水乜水唔值得人中意喇,佢咁衰,我甚至有些少憎佢添呀!算啦,呢d野好難講...
今日係一年一度既家長日, 心情當然係既緊張,又興奮啦!事關我今年考第四! ^o^(呢個事前已經知道架喇,好似食左定心丸咁)成績方面冇有怕~但係....我遲到左成四次呀...兼且對住個咁既班主任又冇乜禮貌,所以呢,就唔知佢會講乜....不過,都總算冇驚冇險----佢話:um..成績幾好,都有參加一d課外活動,都算能夠取得平衡,課外活動方面以辯論尤其突出...但係呢,就要守時d咁...然後又到爸爸發表偉論既時候!爸爸話:我呢個女係最細既,有個哥同兩個家姐,咁呢我就好識教女既,就叫佢讀多d書,因為d書讀完就係自己架嘛,冇人搶到架.咁就唔俾佢玩咁多.....(下刪數萬字..)親愛既余sir 就連連點頭(基本上佢都冇乜其實野可以做架喇.)講到咁上下我咪作意慾起身狀,咁就結束咁次meeting...呼,冇驚冇險...之但係我仲要留守學校,GP嘛,要online duty,黃sir又真係幾好人,請我同莫依飲野 ^o^
今日仲有d開心野架,就係我可以見到佢^o^,雖然同一間學校,但始終唔同班,如果可以每日望到佢一眼,我已經好開心架喇
今日有人又大一歲lu,記得上年既呢一日,係社際senior 中文debate,題目係'興建迪士尼係得不償失',o係hall入面,有個女仔祝一個男仔happy birthday,o個個女仔就當然唔係我啦...唔知今年,呢個女仔又會點幫人慶祝呢?
而我,今日去左黃大仙泰農食自助餐,係一餐好悶既自助餐!跟住去波希練仙(練詩),唱足4粒鐘,唱到啞為止...>.<.....
...今日debate季軍賽,佢明明有份睇架嘛,又唔鬼黎,搞到人鬼咁失望,o係台上面,望極都望唔到......今次比賽結果都係輸左,都唔明點解個主辯可以乜事都冇,懶懶閒...抑或其實只係我太執著?
放學之後上5樓幫人借裝備,途中撞到Miss Chan,好衰唔衰,佢問我賽果,基本上呢刻都冇野,但上到5樓見到佢,就弊家伙,又黎.........真羞家..唉...都唔明,好似消防員咁...唉.......死cheap 精!
今日係我有生以來第二次坐counter ,都算係咁啦,無無聊聊,又一日lu.
因為公民教育組舉辦'參觀消防員訓練學校'既關係,今日我有生以來第一次擺counter,不過...我突然覺得自己人緣好鬼差,事關呢,我搵極都冇人肯陪我坐喎...都唔知搞乜鬼,得個leader做野..唉....幸好,謝斯棓出手相助,Yeah!唔係都唔知幾瘀!又冇人報名喎!悶死!
更瘀既係,呢次參觀邊間消防訓練學校我都唔知,俾d form one 問到口啞啞!咦~瘀死喇!
今日好悠閒呀,o係屋企睇下小說,lunch 同二家姐食飯,都唔錯丫,就悠悠閒閒咁抖一日啦!
我今日成日都黑口黑面咁,哈,盲既都睇到我唔開心...
不過今日都有開心野架,就係winky 得到女子乙組全能,好威呀!^o^Winky 好野~
今日係一年一度既sports day,亦都係我玩低欄(低能)既大日子(大瘀日子),我第一次玩徑賽,我而家先知原來100米都好長!但係,其實個感覺都幾得意,即係...咩人都唔理,淨係一直向前跑,見到欄一係跳過去,一係推跌佢(呢個動作唔好學呀!犯規架!)呢種專注既感覺,好得意!不過跑完就實在太差喇,d人話我練如來神掌喎!!!!!!!!............>.<......瘀爆!
不過講返去camp d 野丫~今日d同學狂叫我叫爸爸俾我去,我有d左右做人難既feel,夜晚佢地又打黎叫我去...其實我都想去嘛,不過冇理由搞到家嘈屋閉,仲驚動左媽咪,哥哥同大家姐......咁唔得架嘛,簡直係破壞我地江家既傳統!..........不過...唉,我真係好想去...
今日交左回條,話去camp,但其實我唔係好肯定,因為我未問爸爸,只係叫媽咪簽名.其實我都唔知我自己想唔想去,我知去到會好好玩,但係我覺得而家最需要既係休息.
咁但係夜晚我都循例問下爸爸,爸爸都一如所預咁話唔得......算啦.休息下都好嘛!
今日去cencus 培訓,我收到信o個陣勁開心,不過...去到培訓,真係悶到抽哂筋,成兩粒鐘,算啦,唔辛苦點得世間財呢?^o^
今日既社際一如所料,輸左...不過都算喇,都預左架啦...唉...
今日係告別千禧既元旦,亦係新一紀元既第一日,而我...竟然要o係荒山野嶺度過...嗚...又要俾阿sir 話行得慢...唉...
跟住返到屋企,本應好鬼開心,點知冇帶鎖匙,坐o係門口,打電話俾屋企人又冇人聽,坐o係門口,好傷心,好孤獨呀!...
然後大家姐終於返屋企,我一入屋就鼻酸酸咁...即刻入廁所...我諗...我都喊左有成粒鐘...我諗我喊係因為有好多野做,兼且又樣樣都做唔好:成績唔好,體能唔好,又唔捱得,性格又唔好,人緣又唔好,就連debate都玩得唔好既........直頭係唔死都冇用...但偏偏又死唔去.唉.............真係,行山辛苦唔係最緊要.......但........已經冇乜做人既信心lu
聽日仲要玩debate...呀!!!!!!救命呀!