站長日記

2001年2月
日	一	二	三	四	五	六
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28

圖示
		好開心
		頗開心
		若有所思
		無無聊聊
		不開心
		很不開心

2001年2月28日
今日好似獲得重生咁呀!即係呢,返到屋企唔駛焗住即刻開著部腦,而係可以自由選擇做乜就做乜,哈!好似今日咁,放學可以約人去computer room,同人一齊玩下電腦咁,真寫意!

2001年2月27日
今日我又...冇返學喇...皆因我o係屋企作最後沖廁...呀,唔係,係最後衝刺! 但係即使我由11點起身,一路做,唔停手,我依然要到11:55分,先o係媽咪既電腦裏面,upload 好哂個網.哈,真係last minute,不過,我理得佢last 唔last minute 呀,總之,開心就係啦!甩難啦!唔駛係咁對住部電腦喇!!

2001年2月26日
救命呀,聽日就要交HP喇,我仲有好多未做喎!!點算呀!我仲有d懷疑究竟27號截止既意思係今晚dead定聽晚dead,幸好經證實後發現,係聽日dead 既,....好彩....不過我仲有幾千字要打,d button 又未整...呀!!!!!!!!!!!!!!!!!!!!!!

2001年2月25日
今日都冇乜好講lu,成日o係屋企對住腦...頭都暈埋...

2001年2月24日
今日累到阿媽都唔認得,事關今日係F.1&2 day camp 既大日子...真係唔係路,一返到屋企就想訓...........zzzz........呀!我仲要做網頁架!! 講起做網頁,真係....話說尋晚我想做網頁做夜d,咁但係又眼訓喎,咁咪o係廳訓囉,結果俾爸爸趕左去訓喎.....跟住今日o係屋企,我整緊HP既時候,Apple 打黎,咁arm 爸爸又返黎喎,又鬧人喎.......唉,結果我仲喊埋添..... ..好似激得滯...唉...

2001年2月22日
好野,終於捱到星期五lu!咁就可以用星期六,日做好個hp lu! 拿,今日就俾作文outline 俾組員,咁我星期六,日就做好哂d設計...咁星期一就淨係打好d字就得喇..好野!就捱完喇!

2001年2月22日
我唔制呀,尋晚又衰左喇!我尋晚又捱唔住眼訓走左去訓喇!!成日都係咁,咁幾時先可以做得完呀!?

2001年2月21日
今日一朝早起身,眼訓到死!!皆因尋晚開始諗個網頁點整,一諗就諗到2點!真頂癮! 不過今日都幾開心!事關放學之後我地去左練女籃,雖然打到混混亂亂咁,但係可以出一身汗,真係唔錯!( 可能有讀者會問,究竟係乜網頁呢?咁當然就唔係光彩的世界啦,實情呢...我參加左盈動搞既網頁設計比賽,題目係香港2020前瞻,係唔係聽到個名都覺得恐怖呢 ?)

2001年2月20日
籃球既魔力真係大呀!!!我對手今日依然係咁痛!!! 話說呀邊個邊個今日lunch 暫守,呢個我當然知左好耐啦,適逢我今日G.P.又要開會,咁我就梗係留o係學捱下麵包啦!嘻,可以乘幾搵邊個邊個聊聊天~不過講真喎,自己一個人捱麵包又真係幾悶架喎..................

2001年2月19日
簡直係報應呀!因為尋日玩得太高興既關係,今日對手勁痛,背脊又痛,真辛苦,最慘係換衫o個陣,un頂dable!咁今日都冇乜特別事丫~

2001年2月18日
今日好正呀,我地4d 今日晏晝練波,真係冇乜幾可玩得激,由12點練到5點半.不過返到屋企真係就黎散,係咁訓,沖完涼又訓,好累呀!

2001年2月17日
今日去學琴,Miss 話幫我報左11-12考琴lu~好野~我就黎變grade 4 la~跟住返AYP,嘻,本purpose俾呀sir 踩到無地自容,不過唔緊要啦,用得o個一日,又係琴琴青做既,係咁架喇~哈~總算交到啦~

2001年2月16日
我今日好衰女呀!話說我尋晚做log book做到4點幾,但係purpose依然係掂都未掂過,於是我就處心積慮唔校鬧鐘,搞到8點先俾2家姐叫醒,特登唔返學,o係屋企做purpose,好彩趕得撤o係放學之前返學jar,如果唔係莫依走左,咁我做得咁快都係冇用!好彩 je,咁今日我返學就好鬼驚,又要同人講我唔返學既原因...哈,衰衰咁!不過都好丫,總算趕到. 其實今日死都要返到學既原因都仲有一個架,就係想見一個人~如果可以日日見到佢,都已經好好架喇!!

2001年2月15日
今日好正呀,事關班Upper走左,咁我地去上listening 既時候,班房就由L6S既bio 班接管,又可以見到佢喇~~哈哈!諗起都開心死~今日仲有件開心野架,就係-----------好野!Miss 終於開金口叫我買exam piece lu~不過....唉,而家先考到Grade4,幾時先修成正果呢????? HEHE,不過,一定得既~............zzzzzzzz,好眼訓呀,家下2點幾,我仲打緊AYP log book,仲有purpose 要做,my godness..........@.@

2001年2月14日
今日係情人節呀~~~~咦,點解我會咁開心架呢?其實今日都唔係好關我事jar wor,唔勾起我傷心事已經算偷笑啦!不過唔講唔覺,講開又覺,今日真係幾開心架喎,起碼有朱古力食嘛!!正!(不過係女仔送jar wor)

2001年2月13日
今日就係send email 俾ck 交功課既大日子喇,眼見d cpu 人咁苦惱,係咁同人討論d Program應該點寫,而我就好似置之度外咁,真係有點兒那個......(hehe....好衰咁添) 唔緊要啦,仲有,今日就係F.4&F.5聽性教育talk既大日子,嘩......真係悶到嘔茄...>.<,但係又訓唔著喎(其實我O係呢度讀左四年咁耐,都未試過O係hall訓著...)

2001年2月12日
今日結果都係返左學,原來我都唔係好病je,可能屋企空氣唔流通,令病情惡化.今日我終於把心一橫,將diary upload 上網,冇所謂啦,無事不可對人言嘛.仲有呀,我睇返幾個月前既日記,發覺我o係呢個學年真係做左唔少野,短短幾個月已經好似過左成年咁,都唔錯丫! ^o^

2001年2月11日
今日一朝早起身寫埋鬥牛既remark statement,跟住謝斯棓佢地就上黎一齊傾網頁設計比賽既野,都傾左好多呀!我都估唔到.不過傾完之後都已經好累喇!而且我今日喉嚨勁痛,又頭痛,咁樣傾一傾,都唔知聽日返唔返到學. 佢地走左後,我走左去訓,食完飯就寫埋個prime factor,真係估唔到,原來做得哂架!!好開心呀!2晚2個program,好威呀我!

2001年2月10日
今日一朝早起身練琴,學琴,然後同大家姐一齊食Lunch,跟住就出旺角買 Maths Book5A & flash 5,點知淨係買到書,flash 就搵極都極唔倒,真掃興...然後就返屋企寫Program,個鬥牛大致上搞掂,係爭d remark statement je.呢個進度實在太鼓舞喇!

2001年2月9日
無情情放乜鬼新年假呀,搞到鬼咁多功課做,做極都做唔完,d數仲有大把未做,下個禮拜三又要交2個program,到呢刻為止,呢兩個program我都未掂過....今次仲唔死??

2001年2月8日
今日好唔抵呀! 話說今日中文堂到我講野喇喎,咁我唔想失禮於人前嘛,咁尋晚就成晚上網搵資料喎,點知搵左成晚都transporting the 吉.......咁冇偈啦,唯有今日返到學校諗題目,咁今日睇報紙,就見到關於於爆竹既新聞,(o係明報搵架)既然尋日係元宵節,咁咪講呢樣囉,我o係小息又走去借關於元宵節典故既書,Lunch 又寫稿,白白犧牲左本來用黎睇science exhibition既時間,(諗住放學先去睇),咁都唔緊要啦,如果準備係有用既,都冇所謂啦!點知中文堂出到去,我係咁爆肚,有乜講乜,都冇咩稿可言......諗起就激氣,浪費我咁多時間,更激氣既係----放學落去Hall,乜都冇得睇,好多資源都已經用哂,解剖草蜢既過程都睇唔到...唔制呀!!!!!!!

2001年2月7日
計計埋埋,我發覺自己都有成百幾題數要做...咁於是尋晚咪諗住漏夜做d囉,不過爸爸又一如以往咁迫人訓覺,冇天理呀!!! 幸好今日有成6堂俾我做數...先做得o個10幾題...(呢6堂包括2堂p.e.,Miss Lau 冇訓嘛,2堂數學,Hei,數學係唔係都係free堂呢架啦!仲有2堂英文,事關今日測Oral嘛)咁咪有排做囉....足足幾粒鐘先做得o個十幾題.....Oh,My God....

2001年2月6日
今朝我成5點就起身,睇埋d實實在在既報紙之後,就開機上網睇,再溫左一陣,搞下搞下,都搞到6點半,跟住走左去訓.......好驚呀!d學校料搞掂,但係d時事背極都唔熟,越接近比賽就越驚... 好,到左公佈賽果既時間----我地竟然得第二呀!!!唔駛包艇呀!!!好開心呀!!!!!!!!!!!!!!!!!!!!!!!!!!!!!!!!!!!!^o^

2001年2月5日
今日夜晚諗住睇報紙,點不知睇到12點半就俾阿爸趕...真失敗,我仲未睇哂架!!!

2001年2月4日
今日累到死耶... 一朝早去cencus培訓----9點到1點,跟住又直奔沙田...咁呢,我地就約左2點,我早一個字到,竟然一個人都冇...唉,早知唔駛仆倒去...跟住咪拉大隊去莫依屋企做log book囉,做到六點半......個頭鬼咁痛...嘩,仲有成疊報紙要睇,我恐喇..........

2001年2月3日
今日既行程就係---一早起身沖涼,煮公仔麵,煮到黎就當然係食鬼左佢啦,跟住練琴,學琴,食lunch,返到屋企三點零,然後就補返d日記,由12月補到今日,而家已經九點lu,我真係今日先知原來打日記可以搞咁耐...

2001年2月2日
今日放學去左睇師生賽,好鬼正呀!正在...好好笑~~~!!!不過唔好講,我都算係一個尊師重道既人嘛...不過真係好好睇,仲贏左添,哈.^o^

2001年2月1日
今日籃球3 on 3,姚焯光佢地都有份玩,就對5B班人...我勁憎佢地呀...所以黎場係關乎 old 3D既尊嚴,之但係呢個3D 尊嚴輸左人地成30分...唉........