站長日記
|
|
||||||||||||||||||||||||||||||||||||||||||||||||||||||||||||||||||||||||||||
尋日先考完試,今日edward就約人去傾整光碟既事宜,晨早流流的...人家眼訓嘛!有點兒佩服佢咁好興致!
散左之後自己一個去左打書釘,嘻,睇哂成本深書,真賤格!
今日考A.Maths...都怪我成日唔聽Tommy Yu講書啦,又唔勤力d做數...搞到家下條條都唔識...不過都好彩,尋日有溫少少,執返幾條返黎,唔係得個個位數好樣衰架嘛!Right?
呀!(在仰天長嘯)聽日考A.Maths喇~!好鬼深呀!溫左成日,都冇把握識計d數...我覺得自己唔係溫書,只係作臨死前既無謂掙扎!算喇...溫得幾多得幾多...
今日梁福業懶係隆重咁同我地幾個講result...真係有點想同佢講我地知左十世,哈,算啦,傷左佢老人家心就唔好啦!尋晚同家姐傾,我終於發現present既重要性,不過網頁唔係project,網頁擺到上網要user自己睇,唔可以講俾人聽架,所以版面好重要架!...不過班評判唔會明架喇...唉...佢地可能連javascript,flash,html係乜都唔知...算啦...and吸收今次教訓,我以後present都要極盡hardsell 之能事,i swear!i promise!
今日電腦考programming,計考試分5-10分...不過呢幾分真係凍過水...嗚,我唔制呀...又出師不利喇!
今日我去睇家教會個board,出左result...真係冇理由...竟然囉第二...班評判真係...(我真係唔多方便講...)總之就...唉!
今日P.E.堂玩一字馬,因為某d原因,我覺得自己好冇用...同時又覺得班同學好好人...歪提了......跟住放學又要MATHS補課,後來自己一個o係九龍城廣場游盪...無聊!
今日又唔駛返喇...好驚呀!會唔會教唔撤書,補唔撤課架?!今日PHY,CHEM,BIO 都有堂喎...!危!
哈,今日買左煙雨濛濛呀!冇偈啦,情深深,雨濛濛太好睇喇!(雖然甚少人有同感!)趙微&古巨基做得好正耶!唔錯唔錯!
今日依然有'可愛'既紅色暴雨,但係掙扎過後都決定返教會,高興...但係我諗如果係以前,我唔駛諗都會返架...而家真係慣左唔返lu...點講都係掛住以前返開教會既日子,對團友真係一d都唔陌生o既...不過而家...但係nvm la!我相信過多一兩個月我會熟返架!^o^
今日萬眾期待既紅色暴雨警告終於都來臨喇!不過冇偈啦,遲左掛,返到學校先轉紅色,依然要考默,可惜!考完返就屋企喇...真係頗無聊...
嗚嗚!好傷心呀...人家溫o個d又唔出,出哂溫唔熟o個d(注意:係'出哂')嗚嗚,出師不利呀!
今日到我地班中小聚,又係發人深省既一日...
唔...阿Sir 問我地將來想做乜...呢個一直係我困擾既問題,雖然我會同人講我想做lawyer...但係實際上我唔肯定...我對未來既憧憬就好似o係湖上飄既荷葉咁...浮游不定.唔...想做lawyer一方面可能有小小興趣...但係興趣真係只係小小...我可能係想賺多d錢...我睇住爸爸供樓供得咁辛苦,兩個家姐賺黎都唔夠駛,好慘...我真係好想,將來可以賺多d錢,爸爸唔駛供得咁辛苦,兩個家姐可以買多d自己中意既野,真係好想...
班中小聚完,我同鯨魚& Edward 去麥記,又傾左成粒鐘...唔...從佢地兩個口中知道學校一d黑暗面--銀禧係一間好保守既學校,亦因此課外活動小,同學發展亦唔大...
我真係唔知銀禧係唔係真係咁差,,但係對銀禧我就有一份一廂情願既歸屬感,唔...我覺得可惜而且混亂......
今日P.E. 堂,我,Maggie& Doris合謀唔上,結果我地P.E.傾左d好得意既野
阿Doris 問我,叫我講一句說話,係用黎名留後世既,我會講邊句...佢之後話,呢句話就係我一直執著,或者一直疑惑既事.我諗落都係...我講左乜呢?我就話--人生係無奈而短暫,但同時亦都係精彩而漫長既,但係如果人可以積極咁熱愛,享受人生,咁人生就有佢既價值...咁的而且確呢樣野係我一直所執著既...我覺得而家既人,好多都好悲觀,但係我覺得人生係好有義意架,即使呢個世界係有好多唔好既野,但係同時,亦有美好既事,呢個世界好大,而同時,呢個世界常存既,有信望愛,正因為咁,所以我覺得人生係美好既,而且,如果可以聽得多,見得多呢個世界既好與壞,又可以令人生變得豐富,生命有成長...我一直都係咁諗架,雖然我而家未必真係活得好,但係我深信人可以係咁...我真係覺得世界好大,好靚,我諗係人生,我會感動架,而我覺得熱愛人生呢個動詞係一種讚美,雖然咁耐以黎得一個人咁話我...
唔知呢...諗起呢種話題,總係諗到好多野...太複雜...beautiful life...
今日放學本來要去AYP執野,不過因為Book 唔到房,所以都係執唔成.結果我同娜娜&狗糧一齊去食Lunch,非常高興...哈,跟住俾娜娜拐左去城浸(哈,佢話落雨,唔俾我走...)咁咪溫書囉,得閒溫書真係好開心!溫書係一件好開心,好高興,好珍貴既事耶!奸爸爹呀!
話說尋晚12點開始整powerpoint,本來想成晚唔訓做架,但係2點零唔覺意訓著左,跟住6點醒左...拿拿臨整埋佢,因此個powerpoint只係整左3粒鐘,哈,快手得過份.(同時亦都係粗製濫造得過份.)
今日present,我覺得非常差,咁都預左既...寶寶同小明甚至未睇過個powerpoint,咁都好難講得好,某程度上我覺得係我唔arm 架,成日扮哂忙咁,唔做個powerpoint,搞到佢地都prepare唔到...內疚...對不起...我幾咁想我講哂成個powerpoint,咁佢地都唔駛咁尷尬!呀!!!!!!!!對唔住呀!
搞掂左個網頁,又到聽日既中文present,奸爸爹架呢~但係我懷疑搞唔搞得掂,事關人地起碼都要做一兩個禮拜,如果我一日搞得掂就真係...哈~
今日要向班家教會委員present 個網...我個人覺得真係冇乜好present,唔通佢地唔識睇麼,又唔係有乜難明既東西...而且班所謂委員的確令我反感,即係呢,我都UP 唔出點解唔lik-e佢地,但係就係唔中意,哈~其實呢,今次比賽得四個人玩,我懷疑我點解要咁著緊...不過我諗今次都係坐亞望冠,唔錯唔錯~
今日要交網頁,尋日整網頁整到成晚都冇訓,痴線架...
咁呢,今日debate 我地對黃笏南,我覺得我地既同學講得非常之好,但係唔明點解都係輸...黃笏南d人(尤其主辯)既台風甚差...都唔明佢地點解會贏...個主辯仲要囉best speaker...真黑暗!