站長日記
|
|
||||||||||||||||||||||||||||||||||||||||||||||||||||||||||||||||||||||||||||
今日終於的起心肝,寫返考完試之後既日記,開頭以為考完試一定好頹,冇乜野好寫,好空,點知寫落先知原來差唔多日日都有節目,都真係唔算頹,仲好開心添,睇下個月曆差唔多全部都係粉紅色就知啦!^o^放假真係好!
同時我又發覺我真係幾情緒化,會無啦啦唔開心,好似上個禮拜四咁,冇端端好鬼Down,真係奇!唔理喇,放假開開心心好!
今日又好似尋日咁去自修室一路聽bbc一路做功課,如果日日都可以咁就好喇!一定好快做哂d功課Jei!
yeah!我校到bbc台喇!哈,佢地d英文真係好鬼正gei jei!今日晏盡我去左自修室一路做功課一路聽,太高興喇!
今日同爸爸返大陸,仲以為可以同爸爸講下野...不過佢成日都好鬼靚,就算食飯既時候佢都冇乜出聲,有點兒可惜!
今日我終於開返會喇!好正Feel 呀!雖然好鬼悶,淨係得沙僧同阿壽o係到鬧交,但係開會令我對個團契好有歸屬感,今我覺得個團契我都有份既!
今日死期,唔...ok啦...但係我唔明,點解同爸爸講,佢話差,我覺得可以喎,真怪...(雖然我的確係未盡全力...)
不過今日都算幾開心丫,我地四個d成績都唔錯,winky心情仲鬼咁靚...
放左學我地一齊食Pizza,還不錯
臨返屋企我去左圖書館睇埋窗外個結局,唔...有d失落(因為個結局)
實在太無聊喇...不斷咁中意,唔中意,開心,唔開心,積極,消極...然後,生命就消逝,似煙.
勞碌,休息,再奮鬥,究竟有乜意思?
如果我一直既願望係想將來有舒服既日子,但令現在唔開心,值得嗎?
而且我甚至睇到將來我會好寂寞...咁同所想既唔係有出入嗎?
唔明白而家既我,性格係點培養出黎架.Who Knows ?!
日光之下無新事
今日一丁友去唱k,我覺得有d怪,相信o個度d staff都會覺得好怪,但係怪還怪,唱唱下又覺得好正,成間房得我一個,唱得好唔好都唔關人事!好鬼爽!
今日本來諗住去踩單車,不過諗諗下都係冇去,無謂曬死冇命賠!結果去左圖書館睇書,揀左本好厚既窗外黎睇,睇到圖書館閂門都未睇完.不過真係好開心,本書幾唔錯呀!
今日開始學游水,本來好驚會好悶,又驚唔知係咩人多,不過去到就冇咁驚,o個度多數都係d師奶,我一去到就搵返個人黎識,因為聽姐姐講話游水可能會兩個人做partner.返完第一堂,都ok啦,既然俾左錢,一定要學識游水!
因為想做好司琴,所以影哂成份譜,但係影影下就俾幹事鬧,搞到鬼咁down,chiu!真係幾乎成日都咁down,咁唔開心!
今日姐姐要練詩,所以我團契冇走到.結果俾明芝捉左去傾偈,本來冇乜野,跟住講講下講到覺得團契點呀,對我點之類既話題,就喊鬼左,不過其實好開心,返返團契咁耐,都未試過咁交心,不嬲都係講兩句,跟住就想走,今日真係好開心!
過左今日,我好想放返多d時間o係教會,彈琴,唱詩,主日學助教.^o^
今日返學補Bio,嘩,真係超級漫長,九點補到三點,好難挨,尤其坐lab,個位係背對Miss ,要掉轉個人先望到佢,>.<
今日返學校,對中文卷,d分數都還可以,我有d覺得自己死好彩,o個時我唔太勤力,出黎份卷都唔太低分,不過係今次好彩,我以後一定會好好讀書,到時要有把握咁囉高分!
今日要返學考Oral,但係我都係尋日Winky 佢地打黎先記得,哈!死好彩!
今次Oral 同隔離班考,因為同佢地唔係好熟,所以我冇就住就住,講得超暢快,想講就講,好正Feel!
考完之後同Winky,寶寶,Maggie 一齊食飯,開開心心.^o^
今日紅日,本來講好同兩個家姐一齊唱k,但係結果因為貴,冇去到,有點失望.
結果晏盡成家去九龍城食飯,跟住跟大家姐行家,行完銅鑼灣行旺角,好鬼倦!
今日第一次去做兒童主日學助教,真係好鬼正,d細路...但令我覺得更新奇既係,凱仔哥哥個樣鬼咁cool,但係對
著d細佬咁鬼好人!^o^