蔡露奴勁歌SHOW

各界超凌厲,親愛既友她,HI,你地好!

即係咁,陳小芝寫稿既呢個星期,我地'勁歌台有好多正SHOW(唔知呢篇稿出街係咪ALREADY過氣?!!)

上幾個星期日(8月29號),天皇巨星(自稱),歌影視播四棲,萬千少男少女偶像-蔡露奴小姐既個人(但歌手出場多過佢)演唱會-'蔡露奴勁歌SHOW'剛大功告成.當日普慶下晝開SHOW前已經聚集左數'萬'LU LU FANS,......SORRY,誇左DD!總之人山人海啦!!超紅既蔡露奴小姐個日OF COURSE有狂歌熱舞,載歌載舞啦.佢分別唱左HER名曲多首,包括'熱咖啡',同小芝芝&刀疤丙合唱'赤祼我思緒','浪漫故事',仲有佢全新作品-'LEUNG光中'添!超凌厲!!(想聽番就隨時隨地WRITE TO ME陳小芝啦,嘻)呀,仲有......,特別(以蔡露奴保姆及經理人身份)鳴謝當日曾經出席呢個咁感動既CONCERT既陳禍長,惡婆NA.刀疤丙,華嫂及湯寶如,鄭嘉穎,李樂詩,江希文,黃寶欣,陸家俊,吳國敬AND黃凱芹,真多人!

勁爆家族音樂大賞

另外,寫稿既今日,(9月1號)我剛剛睇完另外一個ALSO係WE'勁歌台'PRODUCE既,好有愛心既-'加噸愛心勁爆SHOW'非常之咁感動,皆因......,總之好感動啦!演出歌手包括草蜢,劉美君,曾航生,鄭丹瑞,張智霖,許秋怡,許志安,鄭秀文&葉蒨文.非常多人!!

仲有仲有,9月4號就係第二屆既'勁爆家族音樂大賞'喇.今年超過40個中外勁爆賞揭曉.個晚'勁歌台'由7點半開始現場直播.無線電視已經係第二日,9月5日晚8點正錄播(篇稿出街時你都可能睇完好久羅呵??)

今年HIT AWARDS既4位大會司儀係余劍明,郭偉安,關偉光&陳小芝(ME)......,多多指教!