各界親愛的友好,HI,我知你地好好!!

'勁爆二千年音樂會'8月8日隆重舉行

WELL,近排我地'勁歌台'既每一個DJ都係異常咁忙既.簡直忙到嘔泡;記住,係'每一個'DJ.皆因敝台年一度,實在太令人......感動啦的'台慶'-'勁爆二千年音樂會'將於8月8號,係尖沙咀文化中心廣場,下晝3點鐘隆重舉行.鑑於個度係OPEN AIR,公眾場所,THEREFORE只要閣下係個日特登行過咁岩路過的話,都包保睇到呢個SHOW.之但係若然你想擁有一個企台前特定靚位的機會的話,就必須留意OUR各大節目的送飛遊戲啦,好話呀!話時話呀,今年的'勁爆二千年音樂會'成個PACKAGE(包括DJ形象,到時個舞台設計,海報,宣傳聲帶......等),都係你意想不到的懷舊LOOK!!

究竟,平時UP-DATE到嘔'X'的'勁歌台'DJ,今年會點樣懷舊呢??會搞成點呢???到時,8月8日個日,全港的歌手又會唱D乜歌呢???敬請各界友好到早D去霸位啦!

OKAY,下一單:

蔡露奴小姐大派禮物

萬千少男少女迷哥迷姐靚仔靚女的偶像,歌影視播四棲天皇巨星-蔡露奴小姐暑假近況(由'蔡露奴歌影視播之友會'提供):

蔡露奴小姐繼於本年7月4號"BING令BUM林-超凌厲'芝'夜"之中情撼大專會堂狂歌熱舞之後,整個7月8月-(直至8月尾),每一個星期日晏晝2點都會去到普慶廣場大派禮物.記住:係每一個星期日,蔡露奴&陳小芝EVERY SUNDAY情撼普慶廣場,你估......刀疤丙,旺財,蔡咕咕又會唔會出現呀???嘻嘻,你個個星期日都去你咪知囉!!(超奸笑)

OKAY,今期係咁先,請呀(用輕功彈走)!